KubaseRoma 2:6 - Siswati 1996 Bible

⁶ Phela Nkulunkulu uyawuvuza wonkhe umuntfu njengekwemisebenti yakhe.

KubaseRoma 2:6 Referencias Cruzadas

Jobe 34:11

Umuntfu umkhokhela njengaloku entile, ambuyisele njengalokufanele kutiphatsa kwakhe.

Tihlabelelo 62:12

nekutsi umusa wakho, Simakadze. Ngobe wena umuntfu umnika umvuzo njengekwemisebenti yakhe.

Eksodusi 32:34

Hamba-ke uyewuhola labantfu ubayise kulendzawo lengikhulume ngayo kuwe, ingilosi yami itawuhamba embikwakho. Kodvwa siyeta sikhatsi lapho ngitawubajezisa ngenca yekona kwabo.”

Taga 24:12

ungasho kutsi: “Bengingakwati-ke loku,” ngobe Nkulunkulu uyati, ehlulele tinhloso takho. Lowo lokwelusako uyakwati loko. Yena uyawuvuza lowo nalowo njengekwemisebenti yakhe.

Taga 24:2

Etingcondvweni tabo bacabanga budlova, imilomo yabo ikhuluma ngekulimatana.

Taga 26:10

Umuntfu locasha silima nome ngubani nje lowendlulako, ufanana nemuntfu lodubula nome ngukuphi nje ngebutjoki alimate konkhe.

Umshumayeli 3:17

Ngacabanga enhlitiyweni yami, ngatsi: “Nkulunkulu uyakwehlulela labalungile nalababi, ngobe kutawuba nesikhatsi sako konkhe lokwentiwako, nesikhatsi sawo wonkhe umsebenti.”

Jeremiya 17:10

“Mine Simakadze ngiphenya inhlitiyo, ngihlolisise nengcondvo, kuze ngimvuze umuntfu njengekwekutiphatsa kwakhe nanjengekwemisebenti yakhe.”

Jeremiya 32:19

imigomo yakho mikhulu, yebo, nemisebenti yakho inemandla. Emehlo akho avulekile kuto tonkhe tindlela tebantfu; ngulowo nalowo umnika umvuzo wakhe ngangekutiphatsa kwakhe nangalokufanele imisebenti yakhe.

Hezekeli 18:20

Umuntfu lowonako nguye loyakufa. Indvodzana ngeke iletfwale licala leyise, futsi neyise ngeke aletfwale licala lendvodzana. Kulunga kwalolungile kuyawukhokhelwa ngalokuhle kuye, nebubi balomubi buyawubitwa kuye.

Hezekeli 18:30

“Ngako-ke, awu, wenandlu yaka-Israyeli, ngiyawukwehlulela, ngulowo nalowo ngekwetindlela takhe, kusho iNkhosi Simakadze. Phendvukani! Gucukani kuto tonkhe tiphambuko tenu; khona-ke sono senu ngeke sibe kufa kwenu.

Hezekeli 36:19

Ngabahlakatela emkhatsini wetive, basakateka emaveni ngemave; ngabehlulela ngangekwekutiphatsa kwabo, nangangekwenta kwabo.

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

KubaseRoma 14:22

Kukholwa lonako kugcine emkhatsini wakho naNkulunkulu. Ubusisiwe lowo longatilahli ngaloko lakubone kutsi kufanele.

1 kubaseKorinthe 3:8

Lohlanyelako ulingana naloniselako, kodvwa ngulowo uyakwemukela umvuzo longangemsebenti wakhe.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

2 kubaseKorinthe 11:15

Ngako-ke akumangalisi nangabe tisebenti takhe titigucula tibe tisebenti tekulunga. Siphetfo sato siyawuya ngemisebenti yato.

2 kubaseKorinthe 5:10

Ngobe sonkhe kufanele sime embikwesihlalo saKhristu sekwehlulela, kuze kutsi ngulowo nalowo atekwemukela umvuzo wakhe ngalakwentile, lokuhle nome lokubi, asekulomtimba.

2 kuThimothi 4:14

Alekzanda, umkhandzi welitfusi, wenta tintfo letinyenti letimbi kimi, iNkhosi iyawungenanela kuye.

Sembulo 2:23

Bantfwabakhe ngiyawubashaya bafe. Onkhe emabandla ayawukwati kutsi nginguye lophenyisisa ingcondvo nenhlitiyo. Ngulowo nalowo emkhatsini wenu ngiyawumnika njengekwemisebenti yakhe.

Sembulo 20:12

Ngabona labafile, labakhulu nalabancane, beme embikwaso lesihlalo sebukhosi. Tincwadzi tavulwa. Nalenye incwadzi yavulwa, incwadzi yekuphila. Labafile behlulelwa ngekwemisebenti yabo, ngaloko lokwakubhalwe etincwadzini.

Sembulo 22:12

Jesu utsi: “Lalela la, ngiyeta masinyane! Ngita nemvuzo wami, ngitewunika ngulowo nalowo njengekwemisebenti yakhe.