KubaseRoma 2:5 - Siswati 1996 Bible

⁵ Kodvwa ngebulukhuni nangenkhani yekungaphendvuki kwenhlitiyo yakho, utibekela lulaka lube lukhulu ngelilanga lelulaka. Ngalelo langa iyawukhanya indlela Nkulunkulu lehlulela ngayo kutsi imsulwa.

KubaseRoma 2:5 Referencias Cruzadas

2 Tikhronike 30:8

Ningabi netinhloko letilukhuni njengaboyihlo, kodvwa titfobeni kuSimakadze. Wotani endzaweni lengcwele, layingcwelise kuze kube phakadze. Khontani Simakadze Nkulunkulu wenu, khona intfukutselo yakhe leyesabekako ingetikunehlela.

2 Tikhronike 36:13

Sedekiya-ke wayivukela inkhosi Nebukhadnezari lowamfungisa ngelibito laNkulunkulu. Wacinisa inhloko nenhlitiyo yakhe, wala kuphendvukela kuSimakadze, Nkulunkulu wema-Israyeli.

Jobe 21:30

yekutsi lomubi uyacolelwa ngelilanga lenhlekelele nekutsi uyakhululeka ngelilanga lelulaka?

Tihlabelelo 110:5

Simakadze ungesekudla sakho, uyawuwacitsa onkhe emakhosi, mhlazana asatfukutsele.

Tihlabelelo 95:8

“Ningatenti lukhuni tinhlitiyo tenu, njengaseMeribha nanjengamhlazane baseMasa,

Eksodusi 14:17

Tinhlitiyo temaGibhithe ngitente taba lukhuni kangangekutsi atanilandzela, kodvwa ngitatentela ludvumo ngekuncoba Faro, nemabutfo akhe, lanemahhashi netincola temphi.

Eksodusi 32:34

Hamba-ke uyewuhola labantfu ubayise kulendzawo lengikhulume ngayo kuwe, ingilosi yami itawuhamba embikwakho. Kodvwa siyeta sikhatsi lapho ngitawubajezisa ngenca yekona kwabo.”

Eksodusi 8:15

Kodvwa Faro watsi kube abone kutsi tigogodvolo setifile, wenta inhlitiyo yakhe yaba lukhuni, njengobe abevele ashito Simakadze. Faro akazange abalalele boMosi na-Aroni kutsi batsini.

Taga 1:18

Kodvwa bantfu labanjalo batetsiyela sifu sekutibulala bona; babhacele kutisontsa bona, batibulale.

Taga 11:4

Ingcebo ingeke isite lutfo ngelilanga lentfukutselo; kodvwa kutiphatsa kahle kusindzisa umuntfu ekufeni.

Taga 28:14

Ubusisiwe umuntfu lowesaba Simakadze. Lowenta inhlitiyo ibe lukhuni uyawubhujiswa.

Taga 29:1

Umuntfu lotsi nakelulekwa acinise inhloko, uyakufohlotwa masinyane.

Umshumayeli 12:14

Ngobe Nkulunkulu uyakuyehlulela yonkhe imisebenti lesiyentile, ngisho nalokufihlakele lesikwentako, nome kuhle nome kubi.

Isaya 48:4

Ngobe nganginati kutsi ninenkhani kangakanani. Imisipha yetintsamo tenu kutinsimbi, nemabunti enu kungewelitfusi.

Jeremiya 40:3

Manje Simakadze sewusehlisile vele, sewente njengaloku abevele ashito kutsi utakwenta. Konkhe loku kwentiwe kutsi nine bantfu none kuSimakadze, nangete namlalela.

Hezekeli 11:19

Ngiyawubanika inhlitiyo yinye, ngifake umoya lomusha ekhatsi kubo; ngiyakuyisusa kubo inhlitiyo yabo yelitje, ngibanike inhlitiyo yenyama.

Hezekeli 3:7

Kodvwa indlu yaka-Israyeli ayikatimiseli kukulalela, ngobe ayikatimiseli nekulalela mine, ngobe yonkhe indlu yaka-Israyeli inenhloko lelukhuni nenhlitiyo lelitje.

Danyela 5:20

Kodvwa watsi kube inhlitiyo yakhe ibe nekutigcabha yaba lukhuni ngenca yekutigcabha, wehliswa esihlalweni sakhe sebukhosi, wemukwa ludvumo lwakhe.

Hoseya 13:12

Licala la-Efrayimu lilondvolotiwe, tono takhe tibhalwe phansi.

Amose 3:10

Simakadze utsi: “Abati kutsi bangakwenta njani lokulungile, labo lababutsise budlova nemphango etigodlweni tabo.”

KubaseRoma 1:18

Lulaka lwaNkulunkulu lubonakala luphuma ezulwini lwehlela etikwako konkhe kungamesabi Nkulunkulu nekungalungi kwebantfu labavimba liciniso ngekungalungi kwabo.

KubaseRoma 11:25

Bazalwane, ngitsandza kutsi niyati lemfihlakalo yeliciniso; ngobe naningayati, ningahle nicabange kutsi nihlakaniphile. Lemfihlakalo kutsi labanye bema-Israyeli behlelwa bulukhuni khona kutewutsi betive bahlunyeleliswe ngalokuphelele.

KubaseRoma 9:22

Loku akusiko yini Nkulunkulu labefuna kukwenta? Nome abefuna kubonakalisa lulaka lwakhe nekwatisa emandla akhe, noko watimela ngekubeketela lokukhulu titja telulaka lwakhe letatimiselwe kubhujiswa.

2 kubaseKorinthe 5:10

Ngobe sonkhe kufanele sime embikwesihlalo saKhristu sekwehlulela, kuze kutsi ngulowo nalowo atekwemukela umvuzo wakhe ngalakwentile, lokuhle nome lokubi, asekulomtimba.

Dutheronomi 2:30

“Kodvwa Sihoni, inkhosi yaseHeshboni, akazange asivumele kutsi sendlule sidzabule live lakhe, ngobe Simakadze Nkulunkulu wenu wenta umoya wakhe waba lukhuni nenhlitiyo yakhe yaba nenkhani; loko wakwentela kutsi atekumnikela etandleni tenu, njengobe kunjalo lamuhla.

Dutheronomi 32:34

“Loku angikakugcini yini esilulwini, ngakubeka luphawu etingungwini tami?

2 kubaseThesalonika 1:5

Loku kusibonelo lesikhanyako ngekwehlulela kwaNkulunkulu lokunekulunga, nize nitfolakale ningulabafanele umbuso waNkulunkulu wona lowo leniwuhluphekelako.

KumaHebheru 3:13

Kodvwa khutsatanani onkhe emalanga yingci nakusatsiwa: “Lamuhla”, kutsi kubete lowentiwa inhlitiyo yakhe ibe lukhuni ngekuyengwa sono.

KumaHebheru 3:15

UmBhalo usitjela utsi: “Lamuhla, naniliva livi lakhe, ningatenti tibe lukhuni tinhlitiyo tenu, njengalokwa nimelana naye.”

KumaHebheru 4:7

Loku-ke Nkulunkulu ukukhombise ngekutsi akhetse lelinye lilanga lekutsiwa ngu “lamuhla”. Wakhuluma ngaDavide emvakweminyaka leminyenti, njengobe kubhaliwe, watsi: “Lamuhla, naniliva livi lami, ningatenti tibe lukhuni tinhlitiyo tenu.”

YaJakobe 5:3

Igolide nesiliva yenu sekuyatfomba, nalokutfomba kwako kutawunilahla ngelicala kudle imitimba yenu njengemlilo. Nisacongelela ingcebo nakulamalanga ekugcina.

Joshuwa 11:20

Ngobe kwaba nguSimakadze matfupha lowenta tinhlitiyo talamadolobha taba lukhuni ngekutsi tihlasele ema-Israyeli, entela kutsi atekuwabhubhisa onkhe, aphele ngaphandle kwemusa, njengobe Simakadze abeyale Mosi.

2 yaPhetro 2:9

INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,

2 yaPhetro 3:7

Kepha ngalo lelivi emazulu nemhlaba lokukhona nyalo kugcinelwe umlilo ngelilanga lekwehlulelwa, lapho kuyawubhujiswa khona labangamesabi Nkulunkulu.

YaJuda 1:6

Nikhumbule phela kutsi netingilosi letingabugcinanga bukhosi bato ngekushiya likhaya lato, watigcina ebumnyameni tiboshwe ngetinketane letingasoze tikhunyulwe. Letingilosi timele lilanga lelikhulu lekwehlulelwa.

Sembulo 2:21

Ngimnikile litfuba lekuphendvuka, kodvwa wala kuphendvuka ebugwadleni bakhe.

Sembulo 6:17

ngobe lilanga lelikhulu lelulaka labo selifikile. Ngubani longaba nemandla ekuma?”

1 Samuweli 6:6

Nitentelani tinhlitiyo tenu tibe lukhuni njengebaseGibhithe nanjengaFaro? Ngesikhatsi Nkulunkulu abahlupha kamatima, abazange yini bawakhulule ema-Israyeli kuze ahambe indlela yawo?