KubaseRoma 2:4 - Siswati 1996 Bible

⁴ Kumbe uyayedzelela yini ingcebo yemusa wakhe, nekubeketela kwakhe, nekumela bulukhuni kwakhe? Awati yini kutsi umusa waNkulunkulu nguwo lokuholela ekuphendvukeni?

KubaseRoma 2:4 Referencias Cruzadas

Tihlabelelo 10:11

Lomubi ucabanga enhlitiyweni yakhe utsi: “Nkulunkulu akanendzaba, akanaki, angeke abuke ngakimi kuze kube phakadze naphakadze.”

Tihlabelelo 104:24

Awu, Simakadze! Maye, minyenti imisebenti yakho! Yonkhe uyente ngekuhlakanipha; umhlaba ugcwele tidalwa takho.

Tihlabelelo 31:19

Maye, kuyaphuphuma kulunga kwakho, lokulunga lokugcinele labo labakwesabako, ukwente kulabo labakhosele kuwe, ukubonakalise embikwebantfu.

Tihlabelelo 78:38

Kodvwa yena waba nesihawu, watisibekela tono tabo, akazange ababhubhise abacedze. Kanyenti watibamba ekutfukutseleni kwakhe, akaluvusanga lonkhe lulaka lwakhe.

Tihlabelelo 86:15

Kodvwa wena, Simakadze, unguNkulunkulu lonesihawu, nebubele, nekubeketela, uphuphuma umusa nekwetsembeka.

Tihlabelelo 86:5

Ngobe wena, Nkhosi, ulungile futsi ulungele kutsetselela, umusa wakho uyabaphuphumela labo labakhala kuwe.

Eksodusi 34:6

Simakadze wendlula embikwakhe wamemeta watsi: “Simakadze, Simakadze, Nkulunkulu lonesihawu nemusa; uyephuta kutfukutsela andze ngemusa nangekwetsembeka,

Umshumayeli 8:11

Ngenca yekutsi sigwebo sentfo lembi siyephuta kukhishwa, tinhlitiyo tebantfu setihlosa kwenta bubi ngesibindzi.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Jeremiya 7:10

bese niyeta nitewuma lapha embikwami kulendlu leneLibito lami, nitsi: “Siphephile,” kambe niphephele kutsi nente tonkhe letintfo letisinengiso?

Hezekeli 11:19

Ngiyawubanika inhlitiyo yinye, ngifake umoya lomusha ekhatsi kubo; ngiyakuyisusa kubo inhlitiyo yabo yelitje, ngibanike inhlitiyo yenyama.

Hezekeli 16:63

Ngiyawutsi-ke nase ngikwentele inhlawulo yakho, yako konkhe loku lose ukwentile, bese uyakhumbula udliwe ngemahloni, ungaphindzi uwuvule umlomo wakho ngenca yalokuhlazeka kwakho lokungaka, kusho iNkhosi Simakadze.’ ”

Hoseya 3:5

Emvakwaloko ema-Israyeli ayawuphendvuka afune Simakadze, Nkulunkulu wawo, naDavide, inkhosi yawo. Bayawubuyela batitfobe kuSimakadze nakuto tibusiso taSimakadze ngemalanga ekugcina.

Jona 4:2

Wathandaza kuSimakadze watsi: “Awu, Simakadze! Akusiko yini loku lengakusho ngiseseveni lakitsi kutsi kutakwenteka? Ngiko ngabaleka ngaya eThashishi; ngobe ngangati kutsi wena unguNkulunkulu lonemusa nesihawu, uyephuta kutfukutsela, unelutsandvo loluphuphumako, uyatisola ngekutfumela lokubi.

Numeri 14:18

‘Simakadze uyephuta kutfukutsela andze ngemusa, atsetselele sono nekuhlubuka. Noko lonelicala akamshiyi angakamjezisi; yena ujezisa bantfwana ngesono saboyise situkulwane sesitsatfu nesesine.’

KubaseRoma 10:12

Kute umehluko emkhatsini wemJuda nemGriki ngobe yona leyo Nkhosi yiNkhosi yabo bonkhe, bonkhe labatibika ngekubita libito layo ibenetisa ngetibusiso ngalokuphuphumako.

KubaseRoma 11:22

Bheka-ke bumnene nesandla lesilukhuni saNkulunkulu: bulukhuni bakhe kulabo labawile, kodvwa umnene kuwe, nawuchubeka uphile ngebumnene bakhe; nakungenjalo nawe utawujutjwa.

KubaseRoma 11:33

Maye, kujula kwemcebo, nekwenhlakanipho, nekwelwati lwaNkulunkulu! Ngubani nje longaphenya kwehlulela kwakhe ahlolisise imfihlakalo yetindlela takhe?

KubaseRoma 3:25

Nkulunkulu wamnikelela kutsi abe yinhlawulo ngengati yakhe; lenhlawulo-ke yemukeleka ngekukholwa. Ngalendlela Nkulunkulu sewubonakalise kulunga kwakhe ngekutsi ngaJesu ahlawule tono letatentiwa kadzeni Nkulunkulu angakatehluleli,

KubaseRoma 6:1

Pho, siyawutsini-ke? Kufanele yini sichubeke siphile esonweni kuze kwandze umusa?

KubaseRoma 6:15

Pho-ke, sitakona yini, ngobe singekho ngaphansi kwemtsetfo, singaphansi kwemusa? Cha, ngeke.

2 kubaseKorinthe 8:2

Avivinywa kakhulu ngekuhlupheka, noko emkhatsini wako konkhe loko, kujabula kwawo kwaphuphuma. Nome bekaphuye kakhulu, akhombisa kuceba ngekwephana lokukhulu ekunikeleni kwawo.

Kubase-Efesu 1:18

Akakhanyise emehlo etinhlitiyo tenu, kuze nati lokulitsemba lanibitela kulo, nekutsi buhle kanganani bukhosi belifa lakhe kubo labangcwele,

Kubase-Efesu 1:7

Ngengati yaJesu sinekuhlengwa nekutsetselelwa kwetono, ngekwengcebo yemusa,

Kubase-Efesu 2:4

Kodvwa Nkulunkulu, locebile ngesihawu sakhe nangebukhulu belutsandvo lwakhe lasitsandza ngalo,

Kubase-Efesu 2:7

kuze kutsi etikhatsini letitako abonakalise kitsi ingcebo lenkhulu yemusa wakhe ngekusiphatsa ngebubele ngaKhristu Jesu.

Kubase-Efesu 3:16

kuze ngekwengcebo yebukhosi bakhe aniphe kuciniseka emandleni kumuntfu wangekhatsi ngaMoya wakhe.

Kubase-Efesu 3:8

Mine, nome ngingulomncane kunabo bonkhe labangcwele, ngaphiwa lowo musa wekushumayela kubetive liVangeli lemcebo waKhristu longenawuphenyeka.

KubaseFiliphi 4:19

Nkulunkulu wami utawuhlangabetana nako konkhe kweswela kwenu, kuye ngemcebo webukhosi bakhe lobukuKhristu Jesu.

KubaseKholose 1:27

Nkulunkulu watsandza kutsi kwateke kubo kutsi iyini ingcebo nebukhosi balemfihlakalo kubetive. Lemfihlakalo inguKhristu kini, lolitsemba lebukhosi.

KubaseKholose 2:2

Loko ngikwentela kutsi tinhlitiyo tabo tikhutsateke tidvudvuteke, bahlanganiswe babe munye elutsandweni, babe nekuciniseka konkhe kwekwati lokuphelele, bayati kahle imfihlakalo yaNkulunkulu lenguKhristu.

1 kuThimothi 1:16

Kodvwa ngahawukelwa ngaso lesizatfu sekutsi kimi lengisembili, Jesu Khristu abonakalise konkhe kubeketela kwakhe, kube sibonelo kulabo labayawukholwa kuye, badzimate babe nekuphila lokuphakadze.

1 kuThimothi 6:17

Yala labacebile kulelive lamanje kutsi bangatikhukhumeti, bangabeki nematsemba abo kulomcebo lophelako, kodvwa bawabeke kuNkulunkulu losipha konkhe ngalokuphelele, kuze sitfokote ngako.

1 yaPhetro 3:20

Labo-ke ngulabo lekwatsi endvulo bala kulalela Nkulunkulu ngesikhatsi Nkulunkulu abalindzele ngekubeketela ngemalanga ekwakhiwa kwemkhumbi waNowa. Bantfu labambalwa, lababesiphohlongo, bangena kulomkhumbi basindza emantini.

2 yaPhetro 1:11

kodvwa niyawunikwa lilungelo leliphelele lekungena embusweni waphakadze weNkhosi neMsindzisi wetfu Jesu Khristu.

2 yaPhetro 3:15

Kubeketela kweNkhosi nibokutsatsa ngekutsi kunentela ematfuba ekusindziswa, njengobe nemzalwane wetfu lotsandzekako longuPawula anibhalele ngekuhlakanipha laphiwe kona.

2 yaPhetro 3:3

Kwekucala nje yatini kutsi ngemalanga ekugcina kuyawufika baphukuti labahamba ngetinkhanuko tabo, banihleke bulima,

2 yaPhetro 3:9

INkhosi ayibini kugcina setsembiso sayo, njengobe labanye bacabanga kutsi iyabina; kepha iyanibeketelela, ngobe ingatsandzi kutsi kubhubhe ngisho namunye umuntfu, kodvwa itsandza kutsi bonkhe bantfu baphendvuke etonweni tabo.

Sembulo 2:21

Ngimnikile litfuba lekuphendvuka, kodvwa wala kuphendvuka ebugwadleni bakhe.

Sembulo 3:20

Lalela la, ngime emnyango ngiyanconcotsa; nangabe umuntfu eva livi lami, avule umnyango, mine ngiyawungena kuye, ngidle naye, naye adle nami.