KubaseRoma 2:20 - Siswati 1996 Bible

²⁰ Nguwe umceceshi walabangati nemfundzisi walabangakafundzi, wati kahle kutsi emtsetfweni kunelwati loluphelele ngeliciniso.

KubaseRoma 2:20 Referencias Cruzadas

Matewu 11:25

Ngaleso sikhatsi Jesu wakhuluma watsi: “Ngiyabonga, Babe, Nkhosi yelizulu nemhlaba, ngobe ukufihlile loku kulabahlakaniphile nalabanekucondza, wakwembula kulabo lababantfwana.

KubaseRoma 2:19

Uneliciniso kutsi wena ungumkhombi wendlela kulaba labatimphumphutse, nekukhanya kulabasebumnyameni.

KubaseRoma 3:31

Pho, siyawulahla yini umtsetfo ngalokukholwa? Cha, asiwulahli, esikhundleni saloko siyawusekela umtsetfo.

KubaseRoma 6:17

Akabongwe Nkulunkulu, ngobe benitigcili tesono kodvwa seniwatfobele ngenhlitiyo yenu yonkhe emaciniso emfundziso leseniyemukele.

1 kubaseKorinthe 3:1

Nami-ke, bazalwane, ngangehluleka kukhuluma kini njengakubantfu baMoya; kodvwa ngangikhuluma kini njengakubantfu bemhlaba, tinswane kuKhristu.

2 kuThimothi 1:13

Hamba ngekukholwa nangelutsandvo lolukuKhristu Jesu. Ulandzele etinyatselweni temavi lacinile lengakufundzisa wona.

2 kuThimothi 3:5

Bayawuba nesimo sekumesaba Nkulunkulu, kodvwa babe bawaphika emandla ako; labo-ke ubakhweshele.

kuThithusi 1:16

Bavuma ngemlomo kutsi bayamati Nkulunkulu, kepha ngetento tabo bayamphika; bayenyanyeka, abalaleli, bayehluleka kwenta nome ngabe yini lenhle.

KumaHebheru 5:13

Ngobe lowo losaphila ngelubisi usengakakhuli evini lekulunga; useluswane.

YaJakobe 3:1

Bazalwane bami, akukuhle kutsi linyenti lenu libe bafundzisi, nati kutsi tsine lesifundzisako siyakwemukeliswa kwehlulelwa lokumatima.

1 yaPhetro 2:2

Njengebantfwana labasandza kutalwa, langatelelani lubisi lwaMoya loluhlantekile nalolungakabhicwa nalutfo, lolulivi laNkulunkulu, lenitawutsi ngekulunatsa nikhule, nize nisindziswe.