KubaseRoma 2:16 - Siswati 1996 Bible

¹⁶ NgekweliVangeli lami ngaKhristu Jesu kuyawuba njalo nangalelo langa Nkulunkulu layakwehlulela ngalo lokufihlekile kwebantfu.

KubaseRoma 2:16 Referencias Cruzadas

Genesisi 18:25

Akube khashane nawe kwenta intfo lenje! Ungababhubhisi labalungile kanye nalababi, bese labalungile baba njengalabangakalungi! Akube khashane nawe loko. Angeke yini umehluleli wemhlaba wonkhe ente kulunga?”

Tihlabelelo 50:6

Emazulu amemetela kulunga kwakhe, ngobe Nkulunkulu ungumehluleli. Cabanga.

Tihlabelelo 96:13

embikwaSimakadze, ngobe uyeta, yebo, uyeta kutakwehlulela umhlaba. Uyakwehlulela umhlaba ngekulunga, yebo, ehlulele tive ngekwetsembeka kwakhe.

Tihlabelelo 98:9

embikwaSimakadze, ngobe uyeta kutakwehlulela umhlaba ngekulunga, yebo, ehlulele tive ngebucotfo.

Umshumayeli 11:9

Jabula jaha, ebusheni bakho, inhlitiyo yakho ayikujabulise ngemalanga ebusha bakho. Landzela tindlela tenhlitiyo yakho nako konkhe lokubonwa ngemehlo akho; kodvwa ukhumbule kutsi Nkulunkulu uyawukwehlulela ngako konkhe lokwentile.

Umshumayeli 12:14

Ngobe Nkulunkulu uyakuyehlulela yonkhe imisebenti lesiyentile, ngisho nalokufihlakele lesikwentako, nome kuhle nome kubi.

Umshumayeli 3:17

Ngacabanga enhlitiyweni yami, ngatsi: “Nkulunkulu uyakwehlulela labalungile nalababi, ngobe kutawuba nesikhatsi sako konkhe lokwentiwako, nesikhatsi sawo wonkhe umsebenti.”

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

Lukha 8:17

“Konkhe lokufihlakele kuyawuvetwa ebaleni. Nalokufihliwe kuyawubonakaliswa ekukhanyeni.

Johane 12:48

Longalako, angawemukeli emavi ami, unemehluleli; livi lengilikhulumile liyawuba ngumehluleli wakhe ngemhla wekuphela.

Imisebenti yebaPhostoli 10:42

Wasitfuma kutsi sishumayele kubantfu, sifakaze nekutsi nguye lokhetfwe nguNkulunkulu kutsi abe nguMehluleli walabaphilako nalabafile.

Imisebenti yebaPhostoli 17:31

ngobe umisile lilanga lapho ayakwehlulela khona umhlaba wonkhe ngeliciniso lelimsulwa ngemuntfu munye lamkhetsile; ngaye sewuvete siciniseko kubantfu bonkhe ngekutsi amvuse kulabafile.”

KubaseRoma 16:25

Asimdvumise Nkulunkulu! Nguye lonemandla ekunicinisa ngeliVangeli lami nangetinshumayelo ngaJesu Khristu, ngekwesembulo semfihlakalo yeliciniso lelalifihlakele kusukela phakadze,

KubaseRoma 2:5

Kodvwa ngebulukhuni nangenkhani yekungaphendvuki kwenhlitiyo yakho, utibekela lulaka lube lukhulu ngelilanga lelulaka. Ngalelo langa iyawukhanya indlela Nkulunkulu lehlulela ngayo kutsi imsulwa.

KubaseRoma 3:6

Cha, akunjalo. Pho, nangakalungi Nkulunkulu, angawehlulela kanjani umhlaba?

1 kubaseKorinthe 15:1

Manje-ke, bazalwane, nginikhumbuta liVangeli lenganishumayela lona nalemukela namanje niseme kulo.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

2 kubaseKorinthe 5:10

Ngobe sonkhe kufanele sime embikwesihlalo saKhristu sekwehlulela, kuze kutsi ngulowo nalowo atekwemukela umvuzo wakhe ngalakwentile, lokuhle nome lokubi, asekulomtimba.

KubaseGalathiya 1:11

Ngako-ke ngiyanatisa, bazalwane, kutsi liVangeli lelishunyayelwe ngimi alisilo lebantfu.

1 kuThimothi 1:11

Lemfundziso ivumelana neliVangeli lebukhosi. Ngilo leliVangeli laNkulunkulu lobusisekile, lengaphatsiswa lona mine.

2 kuThimothi 2:8

Khumbula Jesu Khristu wesitukulwane saDavide, lowavuswa kulabafile, njengobe ngiyaye ngisho nangishumayela liVangeli.

2 kuThimothi 4:1

Ngiyakuyala embikwaNkulunkulu naKhristu Jesu, lotakwehlulela labaphilako nalabafile, ngikuyalisisa ngekubonakala kwakhe nembuso wakhe, ngitsi:

2 kuThimothi 4:8

Manje sengihlalelwe kutfola umchele wekulunga, lengibekelwe wona yiNkhosi, uMehluleli lolungile. INkhosi iyawunginika lowo mchele ngalelo langa, hhayi mine kuphela kodvwa bonkhe labetsabele kubuya kwayo.

KumaHebheru 9:27

Bantfu bamiselwe kutsi bafe kanye, bese kutsi emvakwaloko bayekwehlulelwa.

1 yaPhetro 4:5

Kepha ayawutiphendvulela kulowo losalungele kwehlulela labaphilako nalabafile.

2 yaPhetro 2:9

INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,