KubaseRoma 2:15 - Siswati 1996 Bible

¹⁵ Batiphatsa ngendlela lekhombisa kutsi loko lokufunwa ngumtsetfo kubhalwe etinhlitiyweni tabo. Nanembeza wabo uyabafakazela kutsi loko kuliciniso, njengobe nemicabango yabo ngaletinye tikhatsi iyabalahla, nangaletinye tikhatsi iyabavumela.

KubaseRoma 2:15 Referencias Cruzadas

Genesisi 20:5

Kantsi akasho yini Abrahama kutsi ngudzadzewabo? Naye lomfati utsite ngumnakabo. Loku ngikwente ngenhlitiyo lemhlophe, tandla tami atinacala.”

1 Emakhosi 2:44

Inkhosi yachubeka yakhuluma kuShimeyi, yatsi: “Nawe uyakwati enhlitiyweni yakho konkhe lokubi lowakwenta kubabe Davide. Manje-ke Simakadze utakukhokhela ngaloko lokubi lowakwenta.

Jobe 27:6

Ngitawunamatsela kulokulunga kwami, futsi ngingeke ngikuvumele kutsi kusuke kimi. Nembeza wami angeke angisole, yingci nangisaphila.

Umshumayeli 7:22

ngobe ngisho nawe wati kahle enhlitiyweni yakho kutsi kukanyenti kangakanani uhlambalata labanye bantfu.

Johane 8:9

Batsi nabakuva loko baphuma ngamunye ngamunye, kwacala labadzala kwaze kwaba wekugcina. Jesu wasala yedvwa, nalomfati abeseloku eme khona lapho.

Imisebenti yebaPhostoli 23:1

Pawula walibukisisa leLiqoqo watsi: “Madvodza, bazalwane, nembeza wami ungufakazi wami embikwaNkulunkulu kutsi imphilo yami yonkhe beyimsulwa, kwaze kwaba ngulamuhla lo ngila.”

Imisebenti yebaPhostoli 24:16

Ngako-ke nami ngetama ngemandla ami onkhe ngetikhatsi tonkhe, kuze kutsi ngihlale nginanembeza longenacala kuNkulunkulu nakubantfu.

KubaseRoma 2:14

Ngekwemvelo betive bate umtsetfo, kodvwa nabatentela loko lokufunwa ngumtsetfo, kungumtsetfo kubo, nome bate umtsetfo.

KubaseRoma 2:27

Ngako-ke wena mJuda, uyawulahlwa ngumuntfu wetive, ngekutsi yena ugcina umtsetfo nome angazange asasoke enyameni, ngobe wena wephula umtsetfo nome unawo ubhalwe phansi, kantsi futsi usokile.

KubaseRoma 9:1

Ngikhuluma liciniso ngikuKhristu, angikhulumi emanga; nanembeza wami lokuMoya Longcwele uyangifakazela kutsi

2 kubaseKorinthe 1:12

Kutibonga kwetfu kunye, kutsi nembeza wetfu umhlophe embikwebantfu, ikakhulu kini. Ekutiphatseni kwetfu besimsulwa sesaba Nkulunkulu ngeliciniso, hhayi ngekuhlakanipha kwetfu, kepha ngemusa waNkulunkulu.

2 kubaseKorinthe 5:11

Ngako-ke, njengobe sati kutsi kuyini kwesaba Nkulunkulu, setama kuzuza bonkhe bantfu. Nkulunkulu usati njengobe sinjalo; nami ngiyetsemba kutsi nani niyasicondzisisa.

1 kuThimothi 4:2

Bantfu labatentisako bayawufundzisa emanga, ngobe bonembeza babo bashiswe luphawu.

kuThithusi 1:15

Kulabahlantekile konkhe kuhlantekile, kodvwa kulababi nalabangakholwa kute lokuhlantekile; kepha kungcole ingcondvo yabo nanembeza wabo.