KubaseRoma 15:3 - Siswati 1996 Bible

³ Ngobe naKhristu akatijabulisanga yena, njengobe kubhaliwe kutsi: “Tinhlamba letatikhishwa ngulabo lababekwetfuka tehlela etikwami.”

KubaseRoma 15:3 Referencias Cruzadas

Tihlabelelo 69:20

Kuhlanjalatwa kuwephulile umphefumulo wami, ngadzimate ngaphelelwa nangemandla. Ngacalata ngifuna longangihawukela, kodvwa kwabate lengimbonako. Ngacalata ngifuna nebadvudvuti, nakhona kwabate lengibabonako.

Tihlabelelo 69:9

Ngidliwa kushisekela indlu yakho, tinhlamba talabakwetfukako tehlela etikwami.

Matewu 10:25

Ngako-ke umfundzi kufanele eneliswe kutsi ufanana nemfundzisi wakhe, nenceku kufanele yeneliswe kutsi ifanana nenkhosi yayo. Nangabe inhloko yemuti kwatsiwa nguBhelzebule, emalunga alowo muti ayawubitwa ngemagama lamabi kakhulu!”

Matewu 26:39

Yena wachubeka libangana, wawa phansi ngebuso, athandaza atsi: “Babe, nakungenteka, yendlulise kimi lendzebe yelusizi. Kepha hhayi ngekufisa kwami, kodvwa kuye ngentsandvo yakho.”

Matewu 26:42

Waphindze wahamba futsi kwesibili wathandaza atsi: “Babe, nangabe lendzebe ingeke yendlule kimi ngingakayinatsi, akwenteke intsandvo yakho!”

Matewu 27:44

Ngisho nalabo lababili lababebetselwe kanye naye, bametfuka nabo.

Johane 15:10

Nanigcina imiyalo yami, niyawuhlala elutsandvweni lwami, njengobe nami ngigcina imiyalo yaBabe, ngihlala elutsandvweni lwakhe.

Johane 15:24

Kube bengingakenti imisebenti lemikhulu lengazange seyentiwe ngumuntfu emkhatsini wabo, ngabe bate licala lesono, kodvwa manje sebangibonile base batondza naBabe.

Johane 4:34

Jesu waphendvula watsi: “Kudla kwami kukwenta intsandvo yalongitfumile, nekucedzela umsebenti wakhe langinike wona.

Johane 5:30

“Mine ngingeke ngitentele lutfo ngekwami; ngehlulela njengaloko lengikuvako, kwehlulela kwami kulungile, ngobe angifuni yona intsandvo yami, kepha intsandvo yalowo longitfumile.

Johane 6:38

Ngobe kwehla kwami ezulwini akusiko kutsi ngetela kutakwenta intsandvo yami, kepha kutakwenta intsandvo yalowo longitfumile.

Johane 8:29

Lowo longitfumile unami; akangishiyi ngedvwa, ngobe sonkhe sikhatsi ngenta lokutsandzekako kuye.”

2 kubaseKorinthe 8:9

Ngobe niyawati umusa weNkhosi yetfu Jesu Khristu, kutsi nome abecebile, kodvwa ngenca yenu waba luphuya, kuze kutsi ngebuphuya bakhe anente nicebe.

KubaseFiliphi 2:5

Awube kini lowo mcondvo lowawukuJesu Khristu,

KubaseFiliphi 2:8

watitfoba, walalela kwadzimate kwaba ngusekufeni, yebo, ekufeni kwesiphambano.