KubaseRoma 15:1 - Siswati 1996 Bible

¹ Tsine lesicinile ekukholweni kufanele sitfwalisane nalababutsakatsaka ekwehlulekeni kwabo, singatijabulisi tsine.

KubaseRoma 15:1 Referencias Cruzadas

KubaseRoma 14:1

Mayelana nalobutsakatsaka ekukholweni, memukeleni kahle, kodvwa hhayi kutsi nitewuphikisana naye inkhani ngemibono.

KubaseRoma 14:2

Lomunye lukholo lwakhe lumvumela kutsi angadla nome yini, kantsi lobutsakatsaka ekukholweni udla tibhidvo kuphela.

KubaseRoma 4:20

Noko akazange asingabate setsembiso saNkulunkulu ngekungasikholwa. Kodvwa wacina ekukholweni anika Nkulunkulu ludvumo.

1 kubaseKorinthe 4:10

Tsine sitilima ngenca yaKhristu, kodvwa nine nihlakaniphile kuKhristu. Tsine sibutsakatsaka ngenca yaKhristu, kepha nine ninemandla. Nine niyadvunyiswa, kepha tsine siyanyembenywa.

1 kubaseKorinthe 9:22

Kulababutsakatsaka nami ngaba butsakatsaka, kuze ngizuze lababutsakatsaka. Ngako-ke sengaba ngiko konkhe kubo bonkhe, kuze ngako konkhe ngisindzise labanye.

2 kubaseKorinthe 12:10

Ngenca yaKhristu-ke, ngiyeneliswa butsakatsaka, netinhlamba, nebulukhuni, nekutingelelwa kuhlushwa kanye netingoti; ngobe nangibutsakatsaka, kulapho ngiba nemandla khona.

Kubase-Efesu 6:10

Kwekugcina, cinani eNkhosini nasemandleni ayo lamakhulu.

KubaseFiliphi 2:4

Ngulowo nalowo anganakekeli kwakhe yedvwa, kepha anakekele nekwalabanye:

1 kubaseThesalonika 5:14

Bazalwane, siyanikhutsata kutsi necwayise emavila, nibanike sibindzi labaphelelwa ngemandla emoyeni, ninakekele lababutsakatsaka, babeketeleleni bonkhe.

2 kuThimothi 2:1

Wena-ke, mntfwanami, cina emseni lokuKhristu Jesu.

1 yaJohane 2:14

Ngibhalele nine, bantfwana, ngobe niyamati Babe. Ngibhalele nani, bobabe, ngobe niyamati Yena, loseloku akhona kusukela ekucaleni. Ngibhalele nine, majaha, ngobe ninemandla, nelivi laNkulunkulu lihlala kini, futsi senimehlulile Lomubi.