KubaseRoma 14:14 - Siswati 1996 Bible

¹⁴ Njengobe mine ngiseNkhosini Jesu, ngiyati futsi ngicinisekile kutsi kute lutfo lolungcolile ngekwalo; kodvwa kukhona lokungcolile kunome ngubani locabanga kutsi kungcolile.

KubaseRoma 14:14 Referencias Cruzadas

Makho 7:2

Babona kutsi bafundzi bakhe badla ngetandla letatingakagezwa, letatingcolile ngekwelisiko lebuJuda.

Imisebenti yebaPhostoli 10:28

Watsi kubo: “Nani matfupha niyati kutsi umJuda akavunyelwa yinkholo yakhe kutsi avakashele nome atihlanganise nebetive. Kodvwa Nkulunkulu ungikhombisile kutsi angifanele kusho kutsi umuntfu ungcolile nome akahlanteki.

KubaseRoma 14:2

Lomunye lukholo lwakhe lumvumela kutsi angadla nome yini, kantsi lobutsakatsaka ekukholweni udla tibhidvo kuphela.

KubaseRoma 14:20

Lesekwentiwe nguNkulunkulu ungakucitsi ngesizatfu sekudla. Konkhe kuhlantekile, kepha akukalungi kumuntfu kutsi loko lakudlako kube sikhubekiso.

KubaseRoma 14:23

Kodvwa lowo lonekungabata ngalakudlako, sewulahliwe, ngobe ukwenta ngekungakholwa; phela konkhe lokungesiko kwekukholwa, kusono.

1 kubaseKorinthe 10:25

Konkhe lokutsengiswa esilaheni kudleni, ningabuti lutfo ngenca yanembeza.

1 kubaseKorinthe 8:10

Ngobe nangabe umuntfu lonanembeza lobutsakatsaka akubona wena lowatiko uhlanganyela edzilini letithico, angete akhutsateka yini kutsi adle lokuhlatjelwe tithico?

1 kubaseKorinthe 8:7

Kepha akusibo bonkhe bantfu labakwatiko loko. Labanye betayele tithico ngisho nalamuhla, bakudla nje shangatsi kuhlatjelwe sithico; ngaloko-ke nembeza wabo lobutsakatsaka uyabalahla.

1 kuThimothi 4:4

Ngobe konkhe lokudalwe nguNkulunkulu kulungile. Kuko konkhe lokwemukelwa ngekubonga kute lokufanele kwaliwe,

kuThithusi 1:15

Kulabahlantekile konkhe kuhlantekile, kodvwa kulababi nalabangakholwa kute lokuhlantekile; kepha kungcole ingcondvo yabo nanembeza wabo.