KubaseRoma 12:6 - Siswati 1996 Bible

⁶ Ngako kufanele sisebentise tipho tetfu letehlukene ngekwemusa lesinikwe wona: Nakusekuphrofetha, asisisebentise ngekwesilinganiso sekukholwa kwetfu;

KubaseRoma 12:6 Referencias Cruzadas

Matewu 23:34

Ngako nginitjela kutsi: Ngiyawunitfumelela baphrofethi, netati, nebafundzisi. Labanye babo niyawubabulala, nibabetsele etiphambanweni, labanye nibabhambabule emasinagogeni enu. Niyawubatingela emadolobha ngemadolobha;

Matewu 25:22

“Seta nalesi lesinye sisebenti lebesemukele emathalenta lamabili, satsi: ‘Nkhosi, wanginika emathalenta lamabili; nankha lamanye lamabili lengiwatalisile.’

Lukha 11:49

Ngako-ke kuHlakanipha kwaNkulunkulu kwatsi: ‘Ngiyawubatfumela baphrofethi nebaphostoli; labanye babo bayawubabulala babahluphe!’

Imisebenti yebaPhostoli 13:1

Ebandleni lase-Antiyokhi kwakunebaphrofethi nebafundzisi: Bhanabasi, naSimeyoni (lobitwa ngekutsi Mnyama), naLusiyusi waseSirene, naManayeni lowakhula naHerodi, umbusi, naSawula.

Imisebenti yebaPhostoli 15:32

BoJudasi naSilasi, lababebaphrofethi ngekwabo, bacoca sikhatsi lesidze nebazalwane babacinisa emadvolo ngekubakhutsata.

Imisebenti yebaPhostoli 2:17

“ ‘Utsi Nkulunkulu: “Naku lengiyawukwenta ngetikhatsi tekugcina: Ngiyakutfululela Moya wami etikwabo bonkhe bantfu. Emadvodzana nemadvodzakati enu ayawuphrofetha, emajaha enu ayawubona imibono, emakhehla ayawuphupha emaphupho.

Imisebenti yebaPhostoli 21:9

Bekanemadvodzakati, tintfombi letine letatiphrofetha.

KubaseRoma 1:11

Maye, ngiyafisa kunibona khona ngitewucetunelana nani sipho saMoya kuze nitewucina.

KubaseRoma 12:3

Ngenca yesipho semusa saNkulunkulu kimi, ngitsi kini nonkhe: Ningacabangi kutsi nibakhulu kunaloku leningiko. Esikhundleni saloko zitsani ekucabangeni kwenu, ngulowo nalowo atehlulele ngebungako bekukholwa kwakhe lakunikwe nguNkulunkulu.

1 kubaseKorinthe 12:18

Kodvwa manje Nkulunkulu umisile titfo tonkhe, nguleso naleso emtimbeni, njengekutsandza kwakhe.

1 kubaseKorinthe 13:2

Nome ngingaphrofetha ngati timfihlakalo tonkhe, nelwati lonkhe, nome nginekukholwa lokukhulu kangangekutsi ngingasusa tintsaba, kepha nangite lutsandvo, angisiyontfo yalutfo.

1 kubaseKorinthe 14:1

Jongani lutsandvo, kutsi nilangatelele tiphiwo taMoya, kakhulu kuphrofetha.

1 kubaseKorinthe 14:24

Kepha nangabe bonkhe baphrofetha, bese kungena umhedeni nome longati lutfo, utawuhlatjwa ngiwo onkhe lamavi abo, ehlulelwe ngiwo.

1 kubaseKorinthe 14:29

Mayelana nalabaphrofethako abakhulume babe babili, nome babe batsatfu, labanye bakuhlole ngaMoya.

1 kubaseKorinthe 3:5

Pho, uyini Apolosi? Uyini Pawula? Batisebenti nje taNkulunkulu lenakholwa ngato, letisebenta njengekwaba kweNkhosi kuleso nakuleso sato.

1 kubaseKorinthe 7:7

Noko bengitsandza kutsi bonkhe bantfu babe njengami. Kepha-ke ngulowo nalowo muntfu unesakhe siphiwo semusa lesehlukile lasiphiwa nguNkulunkulu; lomunye unesaloluhlobo lolu, lomunye unesaloluhlobo lolwa.

2 kubaseKorinthe 8:12

Nangabe umuntfu atimisele ngekunikela, akukabhekeki kutsi anikele ngaloko late kona, kodvwa ubhekeke kunikela ngaloko lanako.

Kubase-Efesu 3:5

Bonkhe bantfu abazange bayatiswe etitukulwaneni letinye, njengaloku nyalo seyembulwe ngaMoya kubaphostoli bakhe labangcwele nakubaphrofethi.

Kubase-Efesu 4:11

Nguye futsi lowapha labanye kutsi babe baphostoli, labanye babe baphrofethi, labanye babe bavangeli, labanye babe belusi, labanye babe bafundzisi.

KubaseFiliphi 3:15

Ngako-ke tsine sonkhe lesesikhulile eNkhosini sibocabanga kanjalo, kepha nanicabanga lokwehlukile ngelutfo lolutsite, nalapho Nkulunkulu uyakunembulela.

1 kubaseThesalonika 5:20

Ningakwedzeleli kuphrofetha.

2 yaPhetro 1:20

Ngetulu kwako konkhe, nifanele nicondzisise kahle kutsi kute siphrofetho semBhalo lesingachasiswa ngumuntfu ngekwakhe kucondza.