KubaseRoma 12:11 - Siswati 1996 Bible

¹¹ Khutsalani, ningaphelelwa ngumdlandla, nivutse emoyeni, nikhonte iNkhosi.

KubaseRoma 12:11 Referencias Cruzadas

Eksodusi 5:17

Faro wabaphendvula watsi: “Niyavilapha! Anifuni kusebenta! Ngiko nilibele kutsi: ‘Sicela mane sihambe siyewunikela ngemihlatjelo kuSimakadze.’

Taga 10:26

Njengeliwayini lelimunyu nalingena ematinyweni, nanjengentfutfu emehlweni, linjalo livila kulabalitfumako.

Taga 13:4

Umuntfu lolivila ufisa lokunyenti agcine angakatfoli lutfo; kodvwa lokhutsele unikwa lokunyenti.

Taga 18:9

Umuntfu lolidlabha emsebentini wakhe ufanana nemuntfu lobhubhisako.

Taga 22:29

Use wambona nje umuntfu loyingcweti emsebentini wakhe? Nguye lowo loyawusetjentiswa ngemakhosi, angeke aweswele nemsebenti.

Taga 31:15

Uvuka kungakasi alungisele umndeni wakhe kudla, bese wabela tidzandzane takhe imisebenti.

Umshumayeli 9:10

Wonkhe umsebenti losetandleni takho wente ngemandla akho onkhe, ngobe ethuneni lapho uya khona, kute kusebenta, nekucabanga, nelwati kanye nekuhlakanipha.

Isaya 56:10

Balindzi bema-Israyeli batimphumphutse, bonkhe abati lutfo; batigolwane, abakwati ngisho nekutsi buku; balibala kutsi bunyalala, babhudze kuphela, bayakutsandza kulala.

Matewu 24:12

Ngekwandza kwekona kuyawuphola lutsandvo kulabanyenti.

Matewu 25:26

“Inkhosi yaso yatsi kuso: ‘Wena sisebenti lesibi nalesivilaphako! Bewati kutsi ngivuna lapho ngingakahlanyeli khona, ngiphindze ngibutse lapho ngingakasakati khona.

Imisebenti yebaPhostoli 18:25

Belifundzisiwe ngeNdlela yeNkhosi, ligcwele inshisekelo emoyeni walo; lafundzisa lichaza kahle emaciniso macondzana naJesu, kepha-ke lona belati ngembhabhatiso waJohane kuphela.

Imisebenti yebaPhostoli 20:19

ngikhonta iNkhosi ngekutfobeka konkhe, nangetinyembeti, nangekulingwa lengahlangana nako ngemacebo emaJuda.

1 kubaseKorinthe 7:22

Ngobe lowabitwa yiNkhosi asigcili, ungulokhululekile weNkhosi. Ngalokufananako, nalowo lowabitwa akhululekile, usigcili saKhristu.

Kubase-Efesu 4:28

Lisela alingabe liseba, kepha kunaloko alikhutsale, lisebente lokuhle ngetandla talo, khona litewuba nako lelingahle likwabele labadzingako.

KubaseKholose 4:1

Makhosi, tiphatseni kahle nangalokulungile tisebenti tenu, nikhumbule kutsi nani nineNkhosi lesezulwini.

1 kuThimothi 5:13

Ngetulu kwaloko bafundza buvila ngekutfunga imiti, bangagcini ngebuvila kuphela, kodvwa babuye bahlebe, bangene kulokungesiko kwabo, bakhulume nalokungakafaneli.

KumaHebheru 12:28

Ngako-ke asibonge kwemukela umbuso longeke unyakatiswe, sikhonte Nkulunkulu ngalokwemukelekako, simhloniphe ngekutfutfumela;

YaJakobe 5:16

Ngako-ke vumani tono tenu lomunye kulomunye, nithandazelane, kuze nitewuphiliswa. Kuncusa kwemuntfu lolungile kunemandla kakhulu.

1 yaPhetro 1:22

Njengobe senihlambulule imiphefumulo yenu ngekulalela liciniso ngaMoya kuze nitsandze bazalwane benu ngelutsandvo lolute kutentisa, tsandzanani ngenhlitiyo lephelele.

1 yaPhetro 4:8

Ngetulu kwako konkhe hlalani nitsandzana, ngobe lutsandvo lusibekela tono letinyenti.

Sembulo 2:4

Kodvwa tsine nawe sehlukana la ekutseni wena awusangitsandzi njengobe bewungitsandza kucala.