KubaseRoma 11:8 - Siswati 1996 Bible

⁸ njengobe kubhaliwe kutsi: “Nkulunkulu wabanika umoya webulima, nemehlo ekungaboni, netindlebe tekungeva, kuze kube ngulamuhla.”

KubaseRoma 11:8 Referencias Cruzadas

2 Emakhosi 17:34

Kuze-ke kube ngulamuhla loku basaphikelele nekwenta imikhuba yabo yakadzeni. Abamkhonti Simakadze, futsi abayilandzeli imiyalo netimiso, nemitsetfo, neteluleko Simakadze lakunika titukulwane taJakobe, lametsa libito watsi ngu-Israyeli.

2 Emakhosi 17:41

Nangesikhatsi labantfu sebakhonta Simakadze, kodvwa babesachubeka nekukhonta tithico tabo. Kuze kube ngulamuhla loku, bantfwababo, nebantfwana bebantfwababo basachubeka nekwenta njengaboyisemkhulu.

Isaya 29:10

Simakadze wehlisele etikwenu butfongo lobukhulu: Uwavalile emehlo enu, baphrofethi, utimbonyile tinhloko tenu, baboniswa.

Isaya 6:9

Watsi: “Hamba utjele lesive utsi: “ ‘Lalelani njalo, kodvwa ningeva; bukani njalo, kodvwa ningaboni.’

Jeremiya 5:21

Lalelani naku, nine bantfu labatilima nalabangenangcondvo, labatsi banemehlo kodvwa babe bangaboni, labatsi banetindlebe kodvwa babe bangeva:

Hezekeli 12:2

“Ndvodzana yemuntfu, uhlala emkhatsini wesive lesihlubukako. Banemehlo ekubona kodvwa ababoni, banetindlebe tekuva kodvwa abeva, ngobe basive lesihlubukako.

Hezekeli 20:26

ngabenta baba ngulabangcolile ngekwemtsetfo ngenca yetipho tabo, umhlatjelo wako konkhe lokulitubulo, khona ngitekubesabisa, kuze batekwati kutsi mine nginguSimakadze.’

Lukha 8:10

Wabatjela watsi: “Nine niphiwe lwati lwetimfihlakalo tembuso waNkulunkulu, kodvwa kulabanye kushunyayelwa ngemifanekiso, kuze batsi bayabona kodvwa bangabonisisi, batsi bayeva kantsi abevisisi kahle.”

Imisebenti yebaPhostoli 28:26

watsi: “ ‘Hamba utsi kulesive: Ngekuva niyakuva ningete nevisisa, ngekubuka niyawubuka ningete nabona,

Dutheronomi 29:4

kodvwa kuze kube ngulamuhla Simakadze akakaniniki ingcondvo lecondzako nemehlo labonako nome tindlebe letivako.