KubaseRoma 11:33 - Siswati 1996 Bible

³³ Maye, kujula kwemcebo, nekwenhlakanipho, nekwelwati lwaNkulunkulu! Ngubani nje longaphenya kwehlulela kwakhe ahlolisise imfihlakalo yetindlela takhe?

KubaseRoma 11:33 Referencias Cruzadas

Esta 2:22

Modekhayi watsi kube ayive lendzaba, wayibika enkhosikatini Esta. Inkhosikati lenkhulu yabikela inkhosi ngalendzaba, yasho nekutsi ive ngaModekhayi.

Jobe 10:13

“Kodvwa loku wakufihla enhlitiyweni yakho, futsi ngiyati kutsi loku kwakusenhlitiyweni yakho kutsi:

Jobe 15:8

Uyalalela yini nangabe Nkulunkulu akhuluma nelibandla lakhe? Ucabanga kutsi kuhlakanipha kuphelela lapha kuwe yini?

Jobe 23:14

Ufeza loko lasakuncumile ngami; usenaletinyenti tinhloso letinjalo lasetigcinile.

Jobe 26:14

Lawa ngemacentselo nje emisebenti yakhe. Maye, lokukhulunywa ngaye sikuva kalufifi! Ngubani nje longakucondza kudvuma kwemandla akhe?”

Jobe 33:13

Manje-ke, ukhononelani kuye, ube utsi akawaphendvuli emavi emuntfu?

Jobe 37:19

“Sitjele kutsi sifanele sitsini kuNkulunkulu; tingcondvo tetfu timnyama, site lutfo lesingalusho kuye.

Jobe 37:23

Somandla ungetulu kwemandla etfu, uphakeme ngemandla nangekulunga kwakhe; ngebukhulu bekulunga kwakhe akacindzeteli muntfu.

Jobe 5:9

Yena wenta timangaliso letingeke tichazwe ngumuntfu, ente nemigilingwane lengeke ibalwe ngumuntfu.

Jobe 9:10

Wenta tigemegeme letingaphenyeki, netimangaliso letingeke setibalwe ngumuntfu.

Tihlabelelo 139:6

Indlela longati ngayo iyangimangalisa, iphakeme, ngingeke ngifinyelele kuyo.

Tihlabelelo 145:3

Mkhulu Simakadze, ufanele kudvunyiswa kakhulu, bukhulu bakhe abuphenyisiseki.

Tihlabelelo 36:6

Kulunga kwakho kunjengetintsaba letinkhulu, tincumo takho tijule njengelwandle. Simakadze, ulondvolota bantfu netilwane.

Tihlabelelo 40:5

Yebo, Simakadze, Nkulunkulu wami, timangaliso losentele tona tinyenti, tingeke tibalwe, wasikhumbula tikhatsi letinyenti. Kute nome munye nje lofana nawe! Kube bengingatilandzisa tonkhe betingeke tibaleke tonkhe.

Tihlabelelo 77:19

Indlela yakho yadzabula lwandle, umvila wakho uselwandle lolujulile, noko tinyatselo takho tatingabonakali.

Tihlabelelo 92:5

Maye, mikhulu imisebenti yakho, Simakadze! Imicabango yakho ijule kakhulu.

Tihlabelelo 97:2

Emafu lamnyama amtungeletile, kulunga nebucotfo sisekelo lamise kuso sihlalo sakhe sebukhosi.

Taga 25:2

Bukhosi baNkulunkulu bubonakala kuloko lakufihlile; kodvwa bukhosi bemakhosi busekuphenyisiseni tintfo.

Taga 25:3

Njengekuphakama kwesibhakabhaka nekujula kwemhlaba, kunjalo kucabanga kwenkhosi, ungeke ukwati.

Umshumayeli 3:11

Konkhe ukwente kwalungela sikhatsi sako. Uphindze wabeka liphakadze etinhlitiyweni tebantfu; noko abakhoni kuyicondza imisebenti yaNkulunkulu kusukela ekucaleni kwayo kuze kube ngusekugcineni.

Umshumayeli 7:24

Lokungiko sibili kukhashane kakhulu, kantsi futsi kujule kakhulu, ngubani longakutfola?

Umshumayeli 8:17

ngayibona yonkhe imisebenti yaNkulunkulu kutsi umuntfu angeke ayicondze yonkhe imisebenti leyentiwako lapha ngaphansi kwemtfunti welilanga. Nome umuntfu angatihlupha kangakanani afunisisa, angeke ayicondze; nome lohlakaniphile angatsi yena uyati, angeke ayicondze.

Isaya 28:29

Konkhe loku kuphuma kuSimakadze longuSomandla, lomangalisako ekwelulekeni kwakhe, nalobabatekako ngenhlakanipho yakhe.

Isaya 40:28

Awati yini? Awukeva yini? Simakadze unguNkulunkulu waphakadze, uMdali wemikhawulo yemhlaba. Angeke adzinwe, futsi ngeke akhatsale, nekucondza kwakhe kute longakuphenyisisa.

Danyela 4:35

Tonkhe tive temhlaba titsatfwa njengelite. Wenta njengobe yena atsandza kuwo emandla asezulwini nakuto tive temhlaba. Kute namunye longavimbela sandla sakhe, nome atsi kuye: ‘Sewenteni?’

KubaseRoma 2:4

Kumbe uyayedzelela yini ingcebo yemusa wakhe, nekubeketela kwakhe, nekumela bulukhuni kwakhe? Awati yini kutsi umusa waNkulunkulu nguwo lokuholela ekuphendvukeni?

KubaseRoma 9:23

Loko wakwentela kutsi kwatiwe ingcebo yenkhatimulo yakhe etitjeni temusa wakhe labesavele atilungiselele inkhatimulo yakhe.

1 kubaseKorinthe 2:10

Nkulunkulu ukwembulile kitsi ngaMoya wakhe; ngobe Moya Longcwele uhlolisisa konkhe, ngisho nalokujulile kwaNkulunkulu.

Kubase-Efesu 1:7

Ngengati yaJesu sinekuhlengwa nekutsetselelwa kwetono, ngekwengcebo yemusa,

Kubase-Efesu 2:7

kuze kutsi etikhatsini letitako abonakalise kitsi ingcebo lenkhulu yemusa wakhe ngekusiphatsa ngebubele ngaKhristu Jesu.

Kubase-Efesu 3:10

kuze babusi nalabanemandla emazulwini batiswe nyalo ngelibandla kuhlakanipha lokukhulu kwaNkulunkulu.

Kubase-Efesu 3:16

kuze ngekwengcebo yebukhosi bakhe aniphe kuciniseka emandleni kumuntfu wangekhatsi ngaMoya wakhe.

Kubase-Efesu 3:18

nibe nemandla ekucondzisisa kanye nalabangcwele bonkhe lokububanti, nebudze, nekuphakama, nekujula kwelutsandvo lwaKhristu,

Kubase-Efesu 3:8

Mine, nome ngingulomncane kunabo bonkhe labangcwele, ngaphiwa lowo musa wekushumayela kubetive liVangeli lemcebo waKhristu longenawuphenyeka.

KubaseKholose 1:27

Nkulunkulu watsandza kutsi kwateke kubo kutsi iyini ingcebo nebukhosi balemfihlakalo kubetive. Lemfihlakalo inguKhristu kini, lolitsemba lebukhosi.