KubaseRoma 11:25 - Siswati 1996 Bible

²⁵ Bazalwane, ngitsandza kutsi niyati lemfihlakalo yeliciniso; ngobe naningayati, ningahle nicabange kutsi nihlakaniphile. Lemfihlakalo kutsi labanye bema-Israyeli behlelwa bulukhuni khona kutewutsi betive bahlunyeleliswe ngalokuphelele.

KubaseRoma 11:25 Referencias Cruzadas

Tihlabelelo 107:43

Lohlakaniphile akacaphele letintfo, bantfu abayicondzisise imisebenti yemusa waSimakadze.

Tihlabelelo 127:1

Indlu nayingakhiwa nguNkulunkulu, basebentela lite labo labayakhako. Lidolobha nalingagadvwa nguNkulunkulu, basebentela lite labo labaligadzako.

Tihlabelelo 22:27

Umhlaba wonkhe uyakukhumbula ugucukele kuSimakadze, yonkhe imindeni netive temhlaba tiyawukhotsama embikwakhe,

Tihlabelelo 72:17

Shangatsi libito layo lingahlala ingunaphakadze, lichubeke latiwe njengelilanga. Tive tonkhe atibusiswe ngayo; tiyawumbita ngekutsi yinkhosi lebusisekile.

Taga 26:12

Wake wambona kambe umuntfu locabanga kutsi uhlakaniphile? Silima sincono kakhulu kunaye.

Taga 26:16

Livila liyaye licabange kutsi lihlakaniphe kakhulu kwendlula emadvodza lasikhombisa laphendvula ngekuhlakanipha.

Isaya 5:21

Maye kulabo labatibona bahlakaniphile emehlweni abo, batibone bona kutsi bahlakaniphile.

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Matewu 13:11

Wabaphendvula watsi: “Nine ninikiwe lwati lwetimfihlakalo tembuso welizulu, kodvwa bona abakanikwa.

Lukha 21:24

bayawubulawa ngenkemba, batsatfwe bentiwe babe titfunjwa etiveni tonkhe; nebetive bayakuyigcobagcoba iJerusalema, kuze kugcwaliseke sikhatsi sabo.”

Johane 10:16

Nginaletinye timvu letingesito noko takulesibaya, nato futsi kufanele ngitiletse, titakuliva livi lami. Titawuba mhlambi munye tonkhe nemelusi munye.

KubaseRoma 1:13

Kufanele nati, bazalwane bami, kutsi sengemahlandla lamanyenti kanganani ngetama kunivakashela, kodvwa bengisolomane ngivimbeleka, kwadzimate kwaba ngulamuhla. Kukhona lengifuna kubazuza baphendvuke emkhatsini wenu, njengobe ngentile nakulabanye betive,

KubaseRoma 11:12

Kodvwa nangabe sono semaJuda saletsa tibusiso letikhulu kubantfu, nebuphuya bawo ngekwaMoya baletsa tibusiso letikhulu kubetive, pho, letibusiso titawuba tikhulu kangakanani-ke nasaphelele onkhe emaJuda!

KubaseRoma 11:24

Nangabe wena wajutjwa emncumeni wesiganga ngemvelo, wahlunyeleliswa ngalokuphambene nemvelo emncumeni wasekhaya, kakhulu kangakanani-ke lamagala emvelo, atawuhlunyeleliswa esihlahleni sawo semvelo.

KubaseRoma 12:16

Nibambisane ngamoya munye nonkhe. Ningafisi lokuphakeme, kodvwa nibe nebudlelwane nalabatfobekile. Ningacabangi kutsi nihlakaniphile.

KubaseRoma 16:25

Asimdvumise Nkulunkulu! Nguye lonemandla ekunicinisa ngeliVangeli lami nangetinshumayelo ngaJesu Khristu, ngekwesembulo semfihlakalo yeliciniso lelalifihlakele kusukela phakadze,

KubaseRoma 9:18

Ngako-ke, unemusa kulowo latsandza kuba nemusa kuye, kodvwa amente abe lukhuni lowo latsandza kumenta abe lukhuni.

1 kubaseKorinthe 10:1

Ngitsandza kutsi nati, bazalwane bami, kutsi kwentekani kubokhokho betfu. Bonkhe babengephansi kwelifu, futsi bonkhe balwewela lwandle.

1 kubaseKorinthe 12:1

Kepha macondzana netiphiwo taMoya, bazalwane, angitsandzi kutsi ningati lutfo ngato.

1 kubaseKorinthe 2:7

Kodvwa sikhuluma inhlakanipho yaNkulunkulu leyimfihlo lefihlekile, Nkulunkulu layimisa umhlaba ungakasekelwa, kutsi ibe ludvumo lwetfu.

1 kubaseKorinthe 4:1

Kufanele satiwe kutsi sitikhonti taKhristu nebaphatsi betimfihlakalo taNkulunkulu.

Kubase-Efesu 1:9

Nkulunkulu wakubona kufanele kutsi asatise imfihlakalo yentsandvo yakhe, labeyimisile ngaKhristu kwasekucaleni.

Kubase-Efesu 3:9

Ngaphiwa nekutsi ngibakhanyisele bonkhe bantfu kutsi lisebenta njani lisu lemfihlakalo, lebeyifihlakele kwaphakadze kuNkulunkulu lowadala tintfo tonkhe,

Kubase-Efesu 4:18

Bahlwelwe engcondvweni yabo, bakhashane nekuphila kwaNkulunkulu, ngobe abati lutfo, ngenca yebulukhuni benhlitiyo.

2 yaPhetro 3:8

Kepha, batsandzekako, ningakhohlwa kutsi lilanga lilinye eNkhosini lingangeminyaka leyinkhulungwane, nekutsi iminyaka leyinkhulungwane ingangelilanga linye.

Sembulo 1:20

Imfihlakalo yaletinkhanyeti letisikhombisa lotibone esandleni sami sangesekudla, naletibane letisikhombisa ngule: Letinkhanyeti letisikhombisa tingilosi temabandla lasikhombisa; naletibane letisikhombisa ngemabandla lasikhombisa.”

Sembulo 10:7

Kodvwa kutawutsi ngesikhatsi selivi lengilosi yesikhombisa, nase itawushaya licilongo layo, kufezeke imfihlakalo yaNkulunkulu, njengobe abetsembisile etisebentini takhe, baphrofethi.”

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”

Sembulo 7:9

Emvakwaloko ngatsi ngiyabuka ngabona sicumbi lesikhulu sebantfu lesingeke sibalwe ngumuntfu. Kwakubantfu lababephuma etiveni tonkhe, nasemindenini yonkhe, nasemaveni onkhe, nasetilimini tonkhe. Babeme embikwesihlalo sebukhosi nasembikweliWundlu, bembetse tingubo letimhlophe, etandleni baphetse emagala elisundvu.