KubaseRoma 10:17 - Siswati 1996 Bible

¹⁷ Ngako-ke kukholwa kuvela ekuveni, kuva kuvela ngekutsi kushunyayelwe ngaKhristu.

KubaseRoma 10:17 Referencias Cruzadas

Jobe 42:5

Tindlebe tami setike teva ngawe, kodvwa nyalo emehlo ami asakubonile.

Makho 4:24

Wachubeka watsi: “Caphelani inshokutsini yaloku lenikuvako. Leso silinganiso lenilinganisa ngaso nani niyawulinganiswa ngaso, nibuye nengetelwe futsi.

Lukha 11:28

Kodvwa Jesu wamphendvula watsi: “Yebo, kunjalo, kodvwa lokukhulu kutsi: Babusisiwe labo labeva livi laNkulunkulu, bese bayalenta.”

Lukha 8:11

“Lomfanekiso uchaza loku: Inhlanyelo livi laNkulunkulu.

Lukha 8:21

Kodvwa yena watsi: “Make nabomnaketfu ngulabo labeva livi laNkulunkulu balente.”

Johane 1:37

Bafundzi lababili labamuva nakakhulumako, besuka balandzela Jesu.

KubaseRoma 1:16

Anginamahloni ngeliVangeli, ngobe lingemandla aNkulunkulu ekusindzisa bonkhe bantfu labakholwako, kucala emaJuda, kulandzele emaGriki.

KubaseRoma 10:14

Kodvwa bangatibika njani kulowo labangakholwa nguye? Bangamkholwa njani labangazange sebeve ngaye? Bangeva njani nakute lobashumayelako?

2 kubaseKorinthe 2:17

Tsine-ke asinjengabo bantfu labanyenti labenta livi laNkulunkulu libe yindali; kodvwa tsine lesikuKhristu sikhuluma kwaNkulunkulu ngekuciniseka ebukhoneni bakhe.

KubaseGalathiya 3:2

Ase ningitjele naku: Moya waNkulunkulu namemukela ngekwenta lokufunwa ngumtsetfo yini, nome namemukela ngekukholwa liVangeli lenaliva nalishunyayelwa?

KubaseGalathiya 3:5

Nkulunkulu uyaninika yini Moya wakhe ente imisebenti lemangalisako emkhatsini wenu ngobe nigcina umtsetfo, nome uninika ngobe nikholwe liVangeli lenaliva nalishunyayelwa?

KubaseKholose 3:16

Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu.

1 kubaseThesalonika 2:13

Ngako-ke sibonga Nkulunkulu singakhawuli ngekutsi natsi nanemukela livi laNkulunkulu lenaliva kitsi, nalemukela, hhayi njengelivi lemuntfu nje kodvwa njengobe linjalo lilivi laNkulunkulu lelisebenta kini nine lenikholwako.

KumaHebheru 4:2

LiVangeli lishunyayelwe kitsi, njengobe lashunyayelwa nakulabo bakadzeni. Kodvwa lelivi labaliva alizange libasite; ngobe naloku baliva ngetindlebe nje abazange balikholwe ngetinhlitiyo.

1 yaPhetro 1:23

Phela senitelwe kabusha ngelivi laNkulunkulu lelingabhubhi, kodvwa leliphila phakadze naphakadze.

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.