KubaseRoma 1:25 - Siswati 1996 Bible

²⁵ Baguculele liciniso laNkulunkulu balenta emanga; bakhonta, badvumisa indalo kunekukhonta nekudvumisa uMdali lokunguyena abongeka kuze kube phakadze. Amen.

KubaseRoma 1:25 Referencias Cruzadas

Tihlabelelo 72:19

Alibongwe libito lakhe lenkhatimulo, libongwe kuze kube phakadze, shangatsi umhlaba wonkhe ungagcwala inkhatimulo yakhe. Amen! Yebo, Amen!

Isaya 44:20

Utondla ngemlotsa, edukiswe yinhlitiyo lekhohlisiwe; angeke atisindzise nome atsi: “Lentfo lesesandleni sami sangesekudla ayisiwo yini emanga?”

Jeremiya 13:25

Loku ngulokusabelo sakho, sabelo lese ngikumisele sona, ngobe sewungikhohliwe, wetsemba bonkulunkulu,” kusho Simakadze.

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

Amose 2:4

Naku lokushiwo nguSimakadze, utsi: “Bantfu bakaJuda bone kwaze kwengca, ngaleso sizatfu ngingeke ngihlale ngingabajezisi. Bawulahlile umtsetfo waSimakadze, bangete batigcina timiso takhe, bedukiswe tithico, lekutithico letatikhontwa boyisemkhulu.

Habakhuki 2:18

“Sinamsebenti muni sithico, njengaloku sibatwe ngumuntfu nje? Yebo, sisitani sitfombe lesifundzisa emanga? Ngobe lowo losibatako wetsembela emsebentini wetandla takhe, wakha tithico letingeke tize tikhulume.

Matewu 10:37

“Lotsandza uyise nome unina kwengca mine, akangifaneli; nalotsandza indvodzana yakhe nome indvodzakati yakhe kwengca mine, akangifaneli.

Matewu 6:24

“Kute umuntfu longakhonta emakhosi lamabili; ngobe uyakutondza lenye, atsandze lenye; uyakwetsembeka kulenye ayedzelele lenye. Ungeke ukhonte Nkulunkulu nemcebo.

Johane 2:8

Wase utsi kuto: “Khanini niyewuvisa lona lophetse lomshado.” Bammikisela-ke.

KubaseRoma 1:18

Lulaka lwaNkulunkulu lubonakala luphuma ezulwini lwehlela etikwako konkhe kungamesabi Nkulunkulu nekungalungi kwebantfu labavimba liciniso ngekungalungi kwabo.

KubaseRoma 1:23

bashiya bukhosi baNkulunkulu longabhubhi, bakhonta umfanekiso wemuntfu lobhubhako, newetinyoni, newetilwane letihamba ngetinyawo letine, newaletihamba ngesisu.

KubaseRoma 9:5

Wona angumliba wabokhokho, lapho kwavela khona Khristu waba ngumuntfu, yena longuNkulunkulu, Losetikwako Konkhe, akadvunyiswe phakadze naphakadze. Amen.

2 kubaseKorinthe 11:31

Nkulunkulu neYise weNkhosi Jesu, yena lofanele kudvunyiswa phakadze naphakadze, uyati kutsi angicali wona emanga.

Kubase-Efesu 3:21

akube ludvumo ebandleni nakuKhristu Jesu etitukulwaneni tonkhe, phakadze naphakadze. Amen.

1 kubaseThesalonika 1:9

Ngobe bona ngekwabo babika ngatsi kutsi nasemukela kahle kangakanani, nekutsi naphendvukela kanjani kuNkulunkulu, nashiya tithico tenu, kuze nikhonte Nkulunkulu lophilako nalonguye sibili.

1 kuThimothi 1:11

Lemfundziso ivumelana neliVangeli lebukhosi. Ngilo leliVangeli laNkulunkulu lobusisekile, lengaphatsiswa lona mine.

1 kuThimothi 1:17

Kuyo iNkhosi yetikhatsi, lengabhubhi, nalengabonwa ngemehlo enyama, nalekungiyo yodvwa lenguNkulunkulu, akube ludvumo nebukhosi phakadze naphakadze. Amen.

2 kuThimothi 3:4

batsengise ngalabanye bantfu, babe nemawala, bakhukhumukiswe kutatisa, batsandze kutijabulisa kunekutsi babe ngulabatsandza Nkulunkulu.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.