KubaseRoma 1:11 - Siswati 1996 Bible

¹¹ Maye, ngiyafisa kunibona khona ngitewucetunelana nani sipho saMoya kuze nitewucina.

KubaseRoma 1:11 Referencias Cruzadas

Genesisi 31:30

Nyalo-ke njengobe sewuhamba ukhumbule bakini, utebeleni letithico tami?”

2 Samuweli 13:39

Umoya waDavide, inkhosi, wawuloku uncokombele kuya ku-Absalomu, ngobe abesadvudvutekile ngekufa kwa-Amnoni.

2 Samuweli 23:15

Davide wativela asomile, wase utsi: “Awu! Kube mane kungaba khona loyangikhelela emanti ekunatsa; ngomele emanti asemtfonjeni longasesangweni laseBhetlehema!”

2 Tikhronike 20:20

Ekuseni ngeluvivi baphuma bacondza eHlane laseThekhowa. Batsi basaphuma, Jehoshafati wasukuma watsi: “Lalelani lapha kimi, nine bakaJuda nani sive saseJerusalema; kholwani Simakadze Nkulunkulu wetfu, nitawusimama. Kholwani loko lokushiwo baphrofethi bakhe, nitawuphumelela.”

Imisebenti yebaPhostoli 16:5

Ngako-ke emabandla acinisela ekukholweni, bengeteka ngebunyenti emalanga ngemalanga.

Imisebenti yebaPhostoli 19:21

Emvakwaloko Pawula watimisela emoyeni wakhe kudzabula eMasedoniya nase-Akhaya aze ayewufika eJerusalema, atsi: “Nangisuka kuletindzawo kufanele ngifike naseRoma.”

Imisebenti yebaPhostoli 19:6

Kwatsi Pawula asabeka tandla etikwabo, behlelwa nguMoya Longcwele. Bakhuluma ngetilwimi letehlukene baphrofetha.

KubaseRoma 1:12

Ngisho kutsi nine nami sitewusitakala kanyekanye, nine ngekukholwa kwami, nami ngekukholwa kwenu.

KubaseRoma 15:23

Kodvwa njengobe nyalo sengiwucedzile umsebenti wami kulamave, nanjengobe sekungiminyaka leminyenti kangaka ngifisa kuta lapho ngitenibona,

KubaseRoma 15:29

Ngiyati kutsi nangifika kini, ngiyawuniphatsela inala yetibusiso taKhristu.

KubaseRoma 15:32

kuze kutsi ngite kini ngentsandvo yaNkulunkulu nangenjabulo ngitewuphumula kanye nani.

KubaseRoma 16:25

Asimdvumise Nkulunkulu! Nguye lonemandla ekunicinisa ngeliVangeli lami nangetinshumayelo ngaJesu Khristu, ngekwesembulo semfihlakalo yeliciniso lelalifihlakele kusukela phakadze,

2 kubaseKorinthe 1:15

Kucala ngangifisa kuta kini, kuze nitewutfola umusa ngalokuphindziwe.

2 kubaseKorinthe 1:21

NguNkulunkulu losicinisako tsine kanye nani kuKhristu. NguNkulunkulu futsi lowasigcoba,

2 kubaseKorinthe 11:4

Nangabe kufika lomunye umuntfu ashumayele lomunye Jesu kunalowo lesamshumayela, nome-ke nangabe nemukela lomunye umoya lowehlukile kunalowo lenamemukela, nome-ke nangabe nemukela lelinye livangeli lelehlukile kunalelo lenalemukela, konkhe loko shangatsi nikubeketelele ngalokumangalisako.

2 kubaseKorinthe 9:14

Bayawubona bukhulu bemusa waNkulunkulu kini, bese bafisa kakhulu kuhlanganyela nani emthandazweni.

KubaseFiliphi 1:8

Nkulunkulu ungufakazi wami kutsi nginilangatelela kanganani nonkhe ngesihe saKhristu Jesu.

KubaseFiliphi 2:26

Loku phela abenilangatelela nonkhe, asakhatsatekile emoyeni wakhe, njengobe neva kutsi abegula.

KubaseFiliphi 4:1

Ngako-ke, bazalwane bami labatsandzekako, nalengibalangatelelako, kujabula nemchele wami, manini nisime eNkhosini.

1 kubaseThesalonika 3:13

kuze kutsi icinise tinhlitiyo tenu tingabi nacala, kodvwa tibe ngcwele ebukhoneni baNkulunkulu, longuBabe, nakufika iNkhosi yetfu Jesu nabo bonkhe labangcwele bakhe.

1 kubaseThesalonika 3:2

sase sinitfumelela Thimothi, umzalwane wetfu, lesibambisene naye emsebentini waNkulunkulu wekushumayela liVangeli laKhristu. Samtfumela kutsi atenicinisa anikhutsate ekukholweni kwenu,

2 kubaseThesalonika 2:17

angadvudvuta tinhlitiyo tenu, anakhele kuyo yonkhe imisebenti lemihle nakuwo onkhe emavi lamahle.

2 kubaseThesalonika 3:3

Kodvwa iNkhosi yetsembekile, iyawunicinisa, ineluse, iniphephise kuLomubi.

KumaHebheru 13:9

Ningedukiswa timfundziso letingatiwa letitinhlobonhlobo. Kuhle kutsi tinhlitiyo tetfu ticiniswe ngemusa, hhayi ngekugcina imitsetfo yekudla, ngobe labo labayigcinako ayibasiti ngalutfo.

1 yaPhetro 5:10

Emvakwekuhlupheka kwalesikhashana Nkulunkulu wemusa wonkhe, lowanibitela kutsi nihlanganyele naKhristu ebukhosini baphakadze, yena matfupha uyawuniphelelisa, anakhe anicinise, anitintise.

1 yaPhetro 5:12

Nginibhalele lencwajana ngisitwa nguSilasi lengimati kutsi ungumzalwane lowetsembekile. Ngiyanikhutsata ngifakaza kutsi konkhe loku ngiwo sibili umusa waNkulunkulu; ngako-ke manini nicine kulowo musa.

2 yaPhetro 1:12

Ngako-ke sonkhe sikhatsi ngiyawube ngiloku nginikhumbuta ngaleto tintfo, nome senitati nje, nihleti nicinile kuleliciniso lese nilemukele.