KubaseKholose 4:6 - Siswati 1996 Bible

⁶ Kukhuluma kwenu akube nemusa ngaso sonkhe sikhatsi, nikunandzise njengeluswayi ekudleni, khona nitekwati lenifanele kubaphendvula ngako bantfu.

KubaseKholose 4:6 Referencias Cruzadas

1 Tikhronike 16:24

Vakalisani bukhosi bakhe etiveni, tento takhe letimangalisako nitimemetele etiveni tonkhe.

Tihlabelelo 105:2

Hlabelani kuye, nimdvumise, nibalise ngetimangaliso takhe tonkhe.

Tihlabelelo 119:13

Ngimemetela ngemlomo wami tonkhe tehlulelo takho letiphuma emlonyeni wakho.

Tihlabelelo 119:46

Imiyalo yakho, Nkulunkulu, ngiyawuyimemetela nasembikwemakhosi, ngingeke ngibe nemahloni ngayo.

Tihlabelelo 45:2

Awusemuhle nekadzeni, uphuma embili, umlomo wakho uphuphuma umusa, ngobe Nkulunkulu ukubusise phakadze naphakadze.

Tihlabelelo 66:16

Wotani nonkhe nitewuva, nonkhe nine lenesaba Nkulunkulu, ngitanitjela ngako konkhe langentele kona.

Taga 10:21

Emavi emuntfu lolungile ondla bantfu labanyenti; kodvwa tilima tifa ngenca yekweswela lwati.

Taga 15:4

Emavi ekubuyisana angumutsi wekuphila; kodvwa emavi elulaka ephula umphefumulo.

Taga 15:7

Emavi emuntfu lohlakaniphile andzisa lwati; kodvwa tinhlitiyo tetilima atinjalo.

Umshumayeli 10:12

Emavi laphuma emlonyeni wemuntfu lohlakaniphile amentela ludvumo, kodvwa silima sidliwa tindzebe taso.

Hezekeli 43:24

Kufanele konkhe ukunikele embikwaSimakadze, baphristi kufanele banyenyete ngeluswayi etikwako, bakunikele kube ngumhlatjelo wekushiswa kuSimakadze.

Levithikusi 2:13

Wonkhe umnikelo wenu walokutinhlavu nibowuvanga ngeluswayi. Ningacali nilushiye luswayi lwesivumelwane saNkulunkulu eminikelweni yenu yalokutinhlavu. Kufanele niyifake luswayi yonkhe iminikelo yenu.

Matewu 5:13

“Nine niluswayi lwelive, kodvwa nangabe luswayi selulahlekelwe bunandzi balo, pho, lobunandzi balo bungabuyiselwa njani? Alusenamsebenti walutfo, kuphela nje kutsi lulahlwe ngephandle, lunyatselwe ngetinyawo.

Makho 9:50

“Luswayi lona luhle, kodvwa luswayi nase lulahlekelwe bunandzi balo, buyawubuyiselwa ngani? “Banini neluswayi ngekhatsi kwenu, nibe nekuthula lomunye kulomunye, nivane.”

Lukha 4:22

Bonkhe bantfu batsatseka ngaye bamangala ngalamagama lamahle lawakhuluma batsi: “Akusiye umsa waJosefa yini lona?”

Kubase-Efesu 4:29

Akungabe kusaphuma nalinye livi lelibolile emlonyeni wenu, kodvwa kube ngulelilungele kwakha njengalokuswelekile, kuze libavetele umusa labevako.

Dutheronomi 11:19

Niyakuwafundzisa bantfwabenu nikhulume ngawo nanihleti emakhaya, nome nihamba endleleni, nome nilala, nome nivuka.

KubaseKholose 3:16

Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu.

1 yaPhetro 3:15

Kepha mngcweliseni Khristu abe yiNkhosi etinhlitiyweni tenu, nimhloniphe, nihlale nilungele kubaphendvula bonkhe labanibuta ngelitsemba lelikini.