KubaseKholose 4:12 - Siswati 1996 Bible

¹² Uyanihambisa na-Ephafrasi longulomunye wakini, inceku yaKhristu Jesu, lonilwela ngaso sonkhe sikhatsi emkhulekweni, kuze nime, niphelele nisime ekwenteni intsandvo yaNkulunkulu.

KubaseKholose 4:12 Referencias Cruzadas

Matewu 5:48

Ngako-ke nani banini ngulabaphelele, njengobe neYihlo losezulwini aphelele.”

Lukha 1:1

Tiyofilusi, Labanyenti bente kahle ngekubhala umbiko ngetintfo letentekile emkhatsini wetfu.

Lukha 22:44

Inhlitiyo yakhe yayilusizi; wathandaza ngekuciniseka lokukhulu, titfukutfuku takhe taze taba njengematfonsi engati, atfontsela phansi.

Johane 12:26

Lowo losikhonti sami akangilandzele, lapho ngikhona khona mine nesisebenti sami siyawuba khona. Losikhonti sami uyawutuswa nguBabe.”

KubaseRoma 15:14

Mine ngekwami ngenelisekile ngani, bazalwane bami, kutsi nine ngekwenu nigcwele kulunga, nagcwaliswa nangalo lonkhe lwati, niyakwati nekuyalana.

KubaseRoma 15:30

Ngiyanincenga, bazalwane, ngeNkhosi yetfu Jesu Khristu nangelutsandvo lwaMoya kutsi nilwe kanye nami ekungikhulekeleni kwenu, kuNkulunkulu.

1 kubaseKorinthe 14:20

Bazalwane, ningaboba bantfwana ekucabangeni, kodvwa ebubini niboba tinswane, ekucabangeni nibe ngulabakhule impela.

1 kubaseKorinthe 2:6

Kodvwa sikhuluma inhlakanipho kubantfu lasebakhulile eNkhosini. Kepha lenhlakanipho akusiyo yalesikhatsi nome yebabusi lababhubhako balesikhatsi.

2 kubaseKorinthe 13:11

Kwekugcina-ke bazalwane, ngitsi: Salani kahle. Lungisani imihambo yenu, netsabele kwemukela imiyalo, nivumelane, nihlalisane ngekuthula, khona Nkulunkulu wekuthula newelutsandvo atewuba nani.

KubaseGalathiya 1:10

Kungabe kambe ngitincengela kubantfu yini nome kuNkulunkulu? Nome ngetama kujabulisa bantfu yini? Nangabe ngisajabulisa bantfu, bengingeke ngibe sisebenti saKhristu.

KubaseGalathiya 4:19

Bantfwabami, nginemhelo ngani, kuyawudzimate kwakheke Khristu kini.

KubaseKholose 1:22

Kodvwa nyalo Nkulunkulu sewubuyisene nani ngekucitsa ingati yaJesu esiphambanweni, kuze kutsi animise ningcwele, ningenasici, ningenacala embikwakhe.

KubaseKholose 1:28

Nguye lesimshumayelako, seluleka bonkhe bantfu, sifundzisa bonkhe bantfu ngekuhlakanipha konkhe, kuze sikwati kumisa bonkhe bantfu baphelele kuKhristu Jesu.

KubaseKholose 1:29

Ngisebentela loko ngishikashikeka ngekusebenta kwakhe, lokusebenta ngemandla kimi.

KubaseKholose 1:7

Nafundziswa ngu-Ephafrasi lotsandzekako, losisebenti kanye natsi. Nguye losimelele ngekutsi abesikhonti lesetsembekile saKhristu.

KubaseKholose 1:9

Kanjalo-ke natsi, kusukela mhlazana siva ngani, asizange siyekele kunithandazela, sinincusela kutsi niphelele ekwatini intsandvo yaNkulunkulu ngekuhlakanipha nekucondza konkhe kwaMoya.

KubaseKholose 4:9

Utawube ahamba na-Onesimuse, umzalwane lomunye lowetsembekako nalotsandzekako, yena-ke ungulomunye wenu. Batanilandzisa-ke ngako konkhe lokwenteka ngalapha.

1 kubaseThesalonika 5:23

Shangatsi Nkulunkulu wekuthula anganingcwelisa ngalokuphelele, agcine umoya wenu, nemphefumulo wenu, nemtimba wenu, kungabi nasici ekubuyeni kweNkhosi yetfu Jesu Khristu.

kuFilemoni 1:23

Uyanikhontisa Ephafrasi, lesiboshwe kanye naye ngenca yaKhristu Jesu,

KumaHebheru 5:14

Kudla lokucinile kwebantfu lasebakhulile, lasebanemicondvo lehlutekile, leseyikwati kwehlukanisa lokuhle nalokubi.

KumaHebheru 5:7

Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu.

YaJakobe 1:1

Lencwadzi iphuma kuJakobe, inceku yaNkulunkulu neyeNkhosi Jesu Khristu. Iya etiveni letili-12 letisakatekile. Ngiyanibingelela.

YaJakobe 1:4

Kucinisela kumele kucedzela umsebenti wako, kuze nivutfwe niphelele ningenasici, ningehlulwa lutfo.

YaJakobe 5:16

Ngako-ke vumani tono tenu lomunye kulomunye, nithandazelane, kuze nitewuphiliswa. Kuncusa kwemuntfu lolungile kunemandla kakhulu.

2 yaPhetro 1:1

Lencwadzi iphuma kuSimoni Phetro, inceku nemphostoli waJesu Khristu. Iya kini lenemukele kukholwa lokuligugu njengekwetfu. Nikwemukele ngekulunga kwaNkulunkulu neMsindzisi wetfu Jesu Khristu.

YaJuda 1:24

Kuye lonemandla ekunigcina, ningete nakhubeka, kuze aniletse ebukhosini bakhe, nite licala, nitfokota kakhulu,