KubaseKholose 3:15 - Siswati 1996 Bible

¹⁵ Kuthula kwaKhristu, lenabitelwa kuko emtimbeni munye, akubuse etinhlitiyweni tenu; futsi netayele kubonga.

KubaseKholose 3:15 Referencias Cruzadas

Tihlabelelo 100:4

Ngenani emasangweni akhe ngekubonga, nasetibuyeni tendlu yakhe ngekumdvumisa. Mbongeni, nidvumise libito lakhe.

Tihlabelelo 107:22

Abanikele ngemihlatjelo yekubonga, bamemetele imisebenti yakhe ngenjabulo.

Tihlabelelo 116:17

Ngiyawunikela kuwe ngemhlatjelo wekubonga, ngikhuleke kuSimakadze, ngibonga libito lakhe.

Tihlabelelo 29:11

Simakadze bantfu bakhe uyawubanika emandla! Simakadze, bantfu bakhe uyawubabusisa ngekuthula!

Isaya 26:3

Wena Simakadze, lowo lotimiselako ngawe uyamlondvolota, umuphe kuthula nenhlalakahle, ngobe abeke litsemba lakhe kuwe.

Isaya 27:5

Nome-ke wona abaleke atewubhaca kimi, akabuyisane nami, yebo, akabuyisane nami.”

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 57:19

ngidale tibongelelo etindzebeni temlomo walabalilako baka-Israyeli. Kuthula, kuthula, kulabo labakhashane nalabasedvute,” kusho Simakadze, “ngitawubaphilisa.”

Jona 2:9

Kepha mine ngiyawuhlabela kuwe ngelivi lekubonga, nginikele ngemihlatjelo; loko lengikufungele ngiyawukufeza. Insindziso ivela kuSimakadze.”

Johane 14:27

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

Johane 16:33

Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

KubaseRoma 1:21

ngobe batsi kantsi Nkulunkulu bayamati bangete bambonga bamnike neludvumo lolumfanele njengaNkulunkulu. Esikhundleni saloko imicabango yabo yaba lite, netinhlitiyo tabo taba mnyama.

KubaseRoma 14:17

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.

KubaseRoma 15:13

Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.

KubaseRoma 5:1

Njengobe sesentiwe semukeleka kuNkulunkulu kutsi silungile ngekukholwa, sesinekuthula naNkulunkulu ngeNkhosi yetfu Jesu Khristu.

1 kubaseKorinthe 10:17

Sinkhwa sinye, ngako-ke tsine sonkhe singumtimba munye, ngobe sonkhe sihlanganyela esinkhweni sinye.

1 kubaseKorinthe 7:15

Kepha nangabe longakholwa afuna kwehlukana naye, akehlukane naye. Umzalwane nome-ke umzalwanekati ukhululekile kulokunjalo. Nkulunkulu unibitele kutsi nibe nekuthula.

2 kubaseKorinthe 4:15

Ngobe konkhe loko kwentelwa nine, kuze kutsi umusa usenabela kubantfu labanyenti, kwandziswe kubonga kwabo, kube ludvumo kuNkulunkulu.

2 kubaseKorinthe 9:11

Uyawunipha konkhe lokuhle, kuze nikwati kwephana ngato tonkhe tindlela; loko kuyakwenta labanye babonge Nkulunkulu ngetipho tenu labatitfole ngatsi.

Kubase-Efesu 4:16

Umtimba wonkhe uhlanganiswe ngaye, ubambene ngekwelekelelana kwemalunga onkhe awo, njengekusebenta lokulinganiselwe lelo nalelo lunga kukhuliswe umtimba, wakhelwe elutsandvweni.

Kubase-Efesu 4:4

Munye umtimba, munye naMoya, njengobe lilinye nelitsemba lenabitelwa kulo.

Kubase-Efesu 5:1

Njengobe nibantfwana baNkulunkulu, futsi naye anitsandza, yetamani kutsi nibe njengaye.

Kubase-Efesu 5:20

Nimbonge njalo Nkulunkulu uYise ngako konkhe egameni leNkhosi yetfu Jesu Khristu.

KubaseKholose 1:12

nibonge uYise lowanenta nafanelwa sabelo selifa lalabangcwele ekukhanyeni.

KubaseKholose 2:7

nisime ngekugcila, futsi nakhelwe kuye, niciniswe ekukholweni, njengaloku nifundzisiwe, nivame kubonga.

KubaseKholose 3:17

Konkhe lenikwentako kwenteni ngelibito leNkhosi Jesu, nome ngelivi, nome ngemisebenti, nibonge Nkulunkulu uYise ngaye.

1 kubaseThesalonika 5:18

Bongani kuko konkhe, ngobe loko kuyintsandvo yaNkulunkulu kuKhristu Jesu ngani.

1 kuThimothi 2:1

Ngako-ke kwekucala ngiyala kutsi kukhuleka, nemithandazo, nekuncusa, nekubonga, akwentelwe bonkhe bantfu.

1 kuThimothi 6:12

Lwani kulwa lokuhle kwekukholwa, kuze uzuze kuphila lokuphakadze lowabitelwa kuko, wavuma kuvuma lokuhle embikwabofakazi labanyenti.

KumaHebheru 13:15

Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.

Sembulo 7:12

tatsi: “Amen! Sibusiso, nebukhosi, nekuhlakanipha, nekubongwa, neludvumo, nemandla, nekuncoba akube kuNkulunkulu phakadze naphakadze! Amen!”