KubaseKholose 2:6 - Siswati 1996 Bible

⁶ Ngako-ke njengobe senemukele iNkhosi Jesu Khristu, hambani nikuye,

KubaseKholose 2:6 Referencias Cruzadas

Isaya 2:5

Kota, wenandlu yakaJakobe, sitewuhamba ekukhanyeni kwaSimakadze.

Mikha 4:2

Tive letinyenti tiyawufika titsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe. Ngobe umtsetfo uyawuphuma eSiyoni, livi laSimakadze liphume eJerusalema.”

Matewu 10:40

“Lonemukelako nine, wemukela mine; nalowemukela mine, wemukela longitfumile.

Johane 13:20

Ngicinisile, ngicinisile, ngitsi kini: Lowo lowemukela nome ngubani lengimtfumile, wemukela mine; nalowo lowemukela mine, wemukela lowo longitfumile.”

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

2 kubaseKorinthe 5:7

Siphila ngekukholwa, hhayi ngekubona.

KubaseGalathiya 2:20

ngako-ke mine angisaphili, kodvwa nguKhristu lophila kimi. Nalemphilo lengiyiphilako kulomtimba, ngiyiphila ngekukholwa yiNdvodzana yaNkulunkulu leyangitsandza yatinikela yona matfupha esikhundleni sami.

KubaseGalathiya 3:26

Ngako-ke nonkhe ningemadvodzana aNkulunkulu ngekukholwa nguKhristu Jesu.

Kubase-Efesu 4:1

Ngako-ke mine siboshwa eNkhosini, ngiyanincenga kutsi nihambe ngalokufanele kubitwa lenabitwa ngako.

KubaseFiliphi 1:27

Kuphela hambani ngalokufanele liVangeli laKhristu, kuze kutsi nome ngita nginibona, nome ngingekho, ngive tindzaba letimnandzi ngani kutsi nime nicinile emoyeni munye, kukholwa liVangeli nikulwele ngebunye.

KubaseKholose 1:10

Sinicelela nekutsi niphile imphilo lefanele naletsandzekako eNkhosini, nitsele titselo emsebentini wonkhe lolungile, futsi nikhule nasekumatini Nkulunkulu.

KubaseKholose 3:17

Konkhe lenikwentako kwenteni ngelibito leNkhosi Jesu, nome ngelivi, nome ngemisebenti, nibonge Nkulunkulu uYise ngaye.

1 kubaseThesalonika 4:1

Bazalwane betfu, nafundza kitsi kutsi nifanele nitiphatse njani kuze nijabulise Nkulunkulu, njengobe besenivele nenta. Ngako-ke ngephetsa ngekunincenga kutsi nichubeke nikhutsale kakhulu kukwenta loko,

KumaHebheru 3:14

Ngobe sihlanganyela naKhristu kuphela, nasibambelele etsembeni letfu lakucala kuze kube ngusekupheleni.

1 yaJohane 2:6

Wonkhe umuntfu lotsi uhlala kuye, kufanele ahambe ngaleyo ndlela Khristu lahamba ngayo.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.

YaJuda 1:3

Batsandzekako bami, bengitimisele kutsi nginibhalele ngikhulume ngalensindziso lesihlanganyele kuyo. Kodvwa ngibone kunesidzingo lesimatima sekutsi nginibhalele nginikhutsate kutsi nilwele kukholwa lokuphiwe bantfu baNkulunkulu kwaba kanye kwenela, sonkhe tsine lesibakhe.