KubaseKholose 2:18 - Siswati 1996 Bible

¹⁸ Akubete umuntfu lonilahla ngelicala, atsandza kutenta lotfobile, akhonte tingilosi, alibele ngimibono yakhe, atikhukhumeta ngelite engcondvweni yakhe.

KubaseKholose 2:18 Referencias Cruzadas

Genesisi 3:13

Nkulunkulu Simakadze watsi kumfati: “Yini-ke lena lose uyentile?” Umfati watsi: “Ngikhohliswe yinyoka, ngase ngiyadla.”

Jobe 38:2

“Ngubani lona lokhinyabeta teluleko tami ngemavi late lwati?

Isaya 57:9

Waya kuMoloki nemafutsa emncumo, wandzisa emakha akho. Watfumela emancusa akho khashane, wehlela edlizeni cobo lwalo!

Hezekeli 13:3

“ ‘Naku lokushiwo yiNkhosi Simakadze, itsi: Maye kulabo baphrofethi labatilima, labalandzela umoya wabo, babe bangakaboni lutfo!

Danyela 11:38

Esikhundleni sabo iyawuhlonipha nkulunkulu wetinqaba, nkulunkulu labangazange bamati boyise, iyawumhlonipha ngegolide nangesiliva, nangematje laligugu, nangetipho letidulile.

Numeri 25:18

ngobe naso saniphatsa njengetitsa, ngesikhatsi siniyenga ngalendzaba yasePheyori, nangenca yadzadzewabo, Khozibi, labeyindvodzakati yemholi wesive semaMidiyani. Khozibi nguye lona lowafa ngekubulawa, nakufika lesishayo sasePheyori.”

Matewu 24:24

Ngobe kuyawuvela bokhristumbumbulu, nebaphrofethi bemanga, bente tibonakaliso letinkhulu netimangaliso, kuze kudukiswe nalabakhetsiwe nakunekwenteka.

KubaseRoma 1:25

Baguculele liciniso laNkulunkulu balenta emanga; bakhonta, badvumisa indalo kunekukhonta nekudvumisa uMdali lokunguyena abongeka kuze kube phakadze. Amen.

KubaseRoma 16:18

Ngobe labo labenta njalo, abakhonti yena Khristu iNkhosi yetfu, kodvwa bakhonta tisu tabo; nangemavi lamahle nalamnandzi bayenga tinhlitiyo talabo labangakahlakaniphi.

1 kubaseKorinthe 13:4

Lutsandvo luyabeketela, lutsandvo lumnene, lute umona, lutsandvo alutigabatisi, futsi alutikhukhumeti.

1 kubaseKorinthe 3:3

Nine nisebantfu benyama; ngobe nangabe nisenemona nekubangisana, anisibo yini benyama? Anilingisi bantfu bemvelo yini?

1 kubaseKorinthe 4:18

Kepha labanye sebayatikhukhumeta, shangatsi angiseyikuta lapho kini.

1 kubaseKorinthe 4:6

Loku-ke, bazalwane, ngikucondzise kimi naku-Apolosi ngenca yenu. Fundzani kitsi kutsi ningengcisi kulokubhaliwe, ningagungubali ngalomunye umuntfu nidzele lomunye.

1 kubaseKorinthe 8:1

Mayelana nalokuhlatjelwe tithico siyabona sonkhe, njengaloku nisho nitsi: “Sonkhe sinalo lwati.” Kwati kuyakhukhumeta, kantsi lutsandvo luyakha.

1 kubaseKorinthe 9:24

Anati yini kutsi labagijima ngekuncintisana bagijima bonkhe, kodvwa munye lowemukela umklomelo? Nani-ke gijimani, khona nitewutfola lomklomelo.

2 kubaseKorinthe 11:3

Kodvwa ngineluvalo ngani, kutsi njengobe inyoka yakhohlisa Eva ngebucili bayo, nani tingcondvo tenu tingahle tedukiswe niyekele kutinikela kuKhristu ngeliciniso nangebumsulwa.

2 kubaseKorinthe 12:20

Ngobe ngesaba kutsi mhlawumbe ngiyawutsi ngiyefika lapho kini nginikhandze ningesiko loko lengibheke kutsi nibe ngiko, nami ningikhandze ngingesiko loko lenibheke kutsi ngibe ngiko. Ngesaba kutsi mhlawumbe kunekulwa, nemona, nekutfukutsela, nebugovu, nenkhani, nenhlebo, nekutatisa, nesiphitsiphitsi.

Kubase-Efesu 4:17

Ngako-ke ngiyasho, ngifakaza eNkhosini ngitsi, ningabe nisahamba njengalabanye betive labanemicondvo lengacabangi.

Kubase-Efesu 5:6

Ningakhohliswa ngumuntfu ngemavi lalite, ngobe ngenca yaleto tintfo lulaka lwaNkulunkulu lwehlela etikwalabangamlaleli.

Dutheronomi 29:29

“Tintfo letifihlakele taSimakadze Nkulunkulu wetfu, kodvwa tintfo letembuliwe tiphiwe tsine kanye nebantfwana betfu kuze kube phakadze, kuze sitekwenta onkhe emavi labhalwe kulencwadzi yalomtsetfo.”

KubaseFiliphi 3:14

ngibabele emgomeni, kuyakwemukela umklomelo wekuphila kwasezulwini, Nkulunkulu langibitele kuko ngaKhristu Jesu.

KubaseKholose 2:23

Tibonakala shangatsi tinekuhlakanipha, tineminako yetinkholo tabo, nekutitfobambumbulu, nekuhlupha umtimba, kepha tite lusito macondzana nekutitsiba etinkhanukweni tenyama.

KubaseKholose 2:4

Loku nginitjela khona kutebate muntfu loniyenga ngetinkhulumo temanga.

KubaseKholose 2:8

Caphelani-ke kutsi kubete lonitfumba ngekuhlakanipha, nangekukhohlisa lokulite, aniyenge ngemikhuba yebantfu nangetimfundziso temimoya yemvelo emkhatsini. Konkhe loko kuphambene nendlela yaKhristu.

1 kuThimothi 1:7

bafisa kuba bafundzisi bemtsetfo ngaphandle kwekukucondzisisa kahle loko labakushoko, naloko labakugcizelelako.

1 kuThimothi 4:1

Moya ukhuluma ngalokusebaleni kutsi ngetikhatsi tekugcina labanye bayawuhlubuka ekukholweni, balandzele imimoya ledukisako netimfundziso temadimoni.

2 yaPhetro 2:14

Emehlo abo agcwele buphingi, anamatsele esonweni; baholela labo lababutsakatsaka elugibeni; tinhlitiyo tabo tetayele bukhali. Bangaphansi kwesicalekiso.

1 yaJohane 2:26

Nginibhalele loku ngalabo labanedukisako.

Sembulo 12:9

Nyokangwenya lomkhulu walahlelwa phansi, leya nyoka yasemandvulo, lebitwa ngekutsi nguMhlebi nome nguSathane, uMkhohlisi wemhlaba wonkhe. Wajikijelwa phansi emhlabeni kanye netingilosi takhe.

Sembulo 13:14

Silo sesibili savunyelwa kutsi sikhohlise bonkhe bantfu labahlala emhlabeni ngaletibonakaliso lesasitenta ngeligunya lesilo sekucala. Lesilo sesibili sabatjela kutsi bakhe umfanekiso, bakhele lesilo sekucala lesasinelinceba lenkemba lelelashwa laphiliswa.

Sembulo 13:8

Bonkhe labahlala emhlabeni bayawusikhonta, bokhe labo lekwatsi umhlaba ungakasekelwa emabito abo angete abhalwa encwadzini yekuphila yeliWundlu lelahlatjwa.

Sembulo 19:10

Ngase ngiwela ngasetinyaweni tayo ngayikhotsama, kodvwa yatsi kimi: “Ungakwenti loko! Nami ngisisebenti kanye nawe nebazalwane bakho labanebufakazi baJesu. Khotsama Nkulunkulu.” Ngobe bufakazi baJesu bunguMoya wesiphrofetho.

Sembulo 3:11

Ngiyeta masinyane, bambisisa loko lonako, kuze kubete umuntfu lokwemuka umchele wakho.