KubaseKholose 1:4 - Siswati 1996 Bible

⁴ ngobe sivile ngekukholwa kwenu nguKhristu Jesu kanye nangelutsandvo leninalo kubo bonkhe labangcwele.

KubaseKholose 1:4 Referencias Cruzadas

2 kubaseKorinthe 7:7

Asidvudvutwanga ngiko kuphela, kodvwa sadvudvuteka nangekudvudvuteka kwakhe asemkhatsini wenu. Wasitjela kutsi beninesifiso sekungibona, nekutsi naba buhlungu kangakanani etinhlitiyweni, nekutsi benifisa kangakanani kuma kanye nami. Loko kwangenta ngajabula kakhulu futsi.

KubaseGalathiya 3:26

Ngako-ke nonkhe ningemadvodzana aNkulunkulu ngekukholwa nguKhristu Jesu.

KubaseGalathiya 3:28

Kute umJuda nemGriki, kute sigcili nalokhululekile, kute lomdvuna nalomsikati, nonkhe nimunye kuKhristu Jesu.

KubaseGalathiya 5:6

Ngobe kuKhristu Jesu kusoka nekungasoki akunamsebenti, kodvwa kuphela kukholwa lokusebenta ngelutsandvo.

Kubase-Efesu 1:15

Ngako-ke sengivile ngekukholwa lokukini eNkhosini Jesu, nangelutsandvo lwenu kubo bonkhe labangcwele,

Kubase-Efesu 6:18

Khulekani ngaso sonkhe sikhatsi nikuMoya ngekukhuleka konkhe nekuncenga. Nilindzele ngesineke sonkhe, nangekuncusela labangcwele bonkhe.

KubaseKholose 1:9

Kanjalo-ke natsi, kusukela mhlazana siva ngani, asizange siyekele kunithandazela, sinincusela kutsi niphelele ekwatini intsandvo yaNkulunkulu ngekuhlakanipha nekucondza konkhe kwaMoya.

1 kubaseThesalonika 1:3

kuNkulunkulu wetfu, longuBabe, sikhumbula imisebenti yenu yekukholwa, nemisiphalato yelutsandvo, nekubambelela kwenu etsembeni leliseNkhosini yetfu Jesu Khristu.

1 kubaseThesalonika 3:6

Kodvwa nyalo, Thimothi sewubuyile kitsi wasiletsela netindzaba letimnandzi ngekukholwa nangelutsandvo lwenu. Usitjele nekutsi ngaso sonkhe sikhatsi ninenkhumbulo lenhle ngatsi, nekutsi nani nifisa kusibona, njengobe natsi sifisa kunibona.

2 kubaseThesalonika 1:3

Simele kubonga Nkulunkulu ngani, bazalwane, ngaso sonkhe sikhatsi. Yebo, kufanele simbonge, ngobe kukholwa kwenu kuyakhula kakhulu, nelutsandvo lenitsandzana ngalo luyandza.

kuFilemoni 1:5

ngobe sengivile ngelutsandvo lwakho kubantfu baNkulunkulu, ngeva nangekukholwa kwakho lonako eNkhosini Jesu.

KumaHebheru 6:10

Ngobe phela Nkulunkulu akakhetsi, futsi angeke ayikhohlwe imisebenti yenu nelutsandvo lenilukhombise ekusiteni labangcwele, njengobe nenta namanje.

1 yaJohane 3:14

Siyati kutsi sesiphumile ekufeni, sangena ekuphileni, ngobe sitsandza bazalwane; lote lutsandvo usesekufeni.

1 yaJohane 3:23

Naku lasiyala ngako: kutsi sikholwe egameni leNdvodzana yakhe lenguJesu Khristu bese siyatsandzana, njengobe asiyala.

1 yaJohane 4:16

Tsine siyalwati lutsandvo Nkulunkulu lasitsandza ngalo, futsi siyakholwa ngilo. Nkulunkulu ulutsandvo. Umuntfu lohlala elutsandvweni uhlala kuNkulunkulu, naNkulunkulu uhlala kuye.