KubaseKholose 1:10 - Siswati 1996 Bible

¹⁰ Sinicelela nekutsi niphile imphilo lefanele naletsandzekako eNkhosini, nitsele titselo emsebentini wonkhe lolungile, futsi nikhule nasekumatini Nkulunkulu.

KubaseKholose 1:10 Referencias Cruzadas

Taga 16:7

Nangabe umuntfu ajabulisa Simakadze ngesimilo sakhe, Simakadze ubese wenta titsa takhe tihlalisane kahle naye.

Isaya 53:11

Emvakwekuhlupheka kwemphefumulo wayo iyawukubona kukhanya kwekuphila, yeneliswe, ngelwati lwayo inceku yami lelungile iyakwenta labanyenti bemukeleke kuNkulunkulu kutsi balungile, njengobe yetfwele tiphambuko tabo.

Danyela 12:4

Kodvwa wena Danyela, wavalele uze uwashicilele lamavi alencwadzi legocotwako, kuze kube nguleso sikhatsi sekugcina. Labanyenti bayawukwehla benyuka bafuna kwati kutsi kwentekani.”

Mikha 4:5

Tonkhe tive tikhonta tihloniphe bonkulunkulu bato, kodvwa tsine siyawukhonta Simakadze Nkulunkulu wetfu phakadze naphakadze.

Habakhuki 2:14

Ngobe umhlaba uyawugcwala kwati bukhosi baSimakadze, njengaloku emanti asibekela lwandle.

Johane 15:16

Akusini lenangikhetsa, kodvwa ngimi lenganikhetsa nganitfuma kutsi nihambe nitsele titselo letinyenti, leto titselo time futsi, kuze kutsi nobe yini leniyakuyicela kuBabe egameni lami aniphe yona.

Johane 15:8

Ludvumo lwaBabe lubonakaliswa ngaloko kutsi nitsele titselo letinyenti, nibe bafundzi bami.

Johane 17:3

Kuphila lokuphakadze nguloku: kutsi bakwati wena, Nkulunkulu longuye yedvwa weliciniso, bamati naJesu Khristu lomtfumile.

KubaseRoma 1:13

Kufanele nati, bazalwane bami, kutsi sengemahlandla lamanyenti kanganani ngetama kunivakashela, kodvwa bengisolomane ngivimbeleka, kwadzimate kwaba ngulamuhla. Kukhona lengifuna kubazuza baphendvuke emkhatsini wenu, njengobe ngentile nakulabanye betive,

KubaseRoma 4:12

Uphindze abe nguyise walabo labasokile, hayi ngobe basokile, kodvwa ngobe baphila imphilo yekukholwa lefanana nalena leyaphilwa ngubane wetfu Abrahama asengakasoki.

KubaseRoma 6:4

Ngako-ke ngekubhajatiswa kwetfu sangcwatjwa kanye naye, kuze kutsi njengobe Khristu avuswa kulabafile ngemandla ebukhosi baBabe, kanjalo-ke natsi singayiphila imphilo lensha.

2 kubaseKorinthe 2:14

Kodvwa akabongwe Nkulunkulu losihola njalo eludvwendvweni lwekuncoba ngaKhristu. Nkulunkulu usebentisa tsine kutsi etindzaweni tonkhe avakalise liphunga lelimnandzi lekumati Khristu.

2 kubaseKorinthe 4:6

Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.

2 kubaseKorinthe 5:9

Ngako nome sikhona la, nome singekho la, umgomo wetfu kutsi sihlale semukelekile kuyo.

2 kubaseKorinthe 9:8

Nkulunkulu unawo emandla ekuninika konkhe lenikudzingako, nangetulu kwako, kuze kutsi ngaso sonkhe sikhatsi nibe nako kube kunyenti, nitekwati kusita emisebentini yonkhe lemihle.

Kubase-Efesu 1:17

Nkulunkulu weNkhosi yetfu Jesu Khristu, uYise lonebukhosi, aniphe umoya wekuhlakanipha nekwembulelwa ekumatini Yena.

Kubase-Efesu 2:10

Ngobe tsine singumsebenti waNkulunkulu. Sidalwe ngaJesu Khristu kutsi sente imisebenti lemihle, Nkulunkulu layilungisa kucala.

Kubase-Efesu 4:1

Ngako-ke mine siboshwa eNkhosini, ngiyanincenga kutsi nihambe ngalokufanele kubitwa lenabitwa ngako.

Kubase-Efesu 4:13

size sifinyelele sonkhe ebunyeni bekukholwa, nasekuyatini iNdvodzana yaNkulunkulu, ebudvodzeni lobuphelele kuKhristu.

Kubase-Efesu 5:10

Yetamani kufundza lokutfokotisa iNkhosi.

Kubase-Efesu 5:15

Ngako-ke caphelani kutsi nitiphatsa njani. Ningatiphatsisi kwebantfu labangakahlakaniphi, kepha njengalabahlakaniphile.

Kubase-Efesu 5:2

Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.

KubaseFiliphi 1:11

Nitsele inala yetitselo tekulunga letingaye Jesu Khristu, kube yinkhatimulo neludvumo kuNkulunkulu.

KubaseFiliphi 1:27

Kuphela hambani ngalokufanele liVangeli laKhristu, kuze kutsi nome ngita nginibona, nome ngingekho, ngive tindzaba letimnandzi ngani kutsi nime nicinile emoyeni munye, kukholwa liVangeli nikulwele ngebunye.

KubaseFiliphi 4:18

Ngemukele konkhe ngalokungetulu, ngenelisekile ngetipho lengitinikwe ngu-Ephafrodithu tichamuka kini, letingumnikelo longemakha lamnandzi, umhlatjelo lowemukelekako nalojabulisako kuNkulunkulu.

KubaseKholose 2:19

Lowo sewuyekele kusima kuKhristu loyinhloko, lokusitwa ngaye umtimba wonkhe, uhlanganiswe ngemalunga nemisipha, ukhule ngekukhula kwaNkulunkulu.

KubaseKholose 2:6

Ngako-ke njengobe senemukele iNkhosi Jesu Khristu, hambani nikuye,

KubaseKholose 3:20

Bantfwana, lalelani batali benu etintfweni tonkhe, ngobe nguloko lokutsandvwa yiNkhosi.

KubaseKholose 4:5

Tiphatseni ngekuhlakanipha nanisemkhatsini webantfu labangakholwa, bambisisani sikhatsi, niwasebentise kahle ematfuba leninawo.

1 kubaseThesalonika 2:12

sanidvudvuta ngamunye ngamunye sinikhutsata, siniyala ngekutsi nihambe ngalokufanelekile kuNkulunkulu, lonibitela embusweni wakhe nasebukhosini bakhe.

1 kubaseThesalonika 4:1

Bazalwane betfu, nafundza kitsi kutsi nifanele nitiphatse njani kuze nijabulise Nkulunkulu, njengobe besenivele nenta. Ngako-ke ngephetsa ngekunincenga kutsi nichubeke nikhutsale kakhulu kukwenta loko,

2 kuThimothi 2:4

Kute lisotja lelisemphini lelibuye litikhatsate ngetintfo letingesito tebusotja; phela injongo yalo kwenelisa lowo lolibutsile.

kuThithusi 3:1

Bakhumbute kutsi batfobele babusi netiphatsimandla tabo, balalele, balungele kwenta yonkhe imisebenti lemihle.

kuThithusi 3:14

Bantfu bakitsi bakhutsalele kwenta imisebenti lemihle, kuze batewusita lapho kwesweleke lusito khona, bangabi ngulabangatseli titselo.

KumaHebheru 11:5

Ngekukholwa Enoke watsatfwa, kuze angakuboni kufa; akazange aphindze abonakale, ngobe Nkulunkulu abesamtsetse. UmBhalo utsi angakatsatfwa wajabulisa Nkulunkulu.

KumaHebheru 13:16

Ningakuyekeli kwenta lokuhle nekuhlephunelana loko leninako, ngobe iminikelo lenjalo iyamtfokotisa Nkulunkulu.

KumaHebheru 13:21

anganiphelelisa kuko konkhe lokuhle, kuze nente intsandvo yakhe, asebente kini ente ngaJesu Khristu loko lokujabulisako emehlweni akhe. Ludvumo alube kuKhristu phakadze naphakadze. Amen.

2 yaPhetro 1:8

Nangabe letintfo tikini, tivama, titawunenta nikhutsale, nitsele titselo ekuyatini ngalokugcwele iNkhosi yetfu Jesu Khristu.

2 yaPhetro 3:18

Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.

1 yaJohane 3:22

Konkhe lesikucelako uyasipha, ngobe siyigcina imiyalo yakhe, futsi senta lokutsandzeka emehlweni akhe.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.

3 yaJohane 1:6

labafakaze ngelutsandvo lwakho ebandleni. Utabe wente kahle ngekubahlinzeka ngako konkhe labangahle bakudzinge, ngiko loko lokufanelekile emsebentini waNkulunkulu.