KubaseGalathiya 6:9 - Siswati 1996 Bible

⁹ Asingadzinwa kwenta lokuhle; ngobe nasingadzinwa, siyawuvuna ngesikhatsi lesifanele.

KubaseGalathiya 6:9 Referencias Cruzadas

Genesisi 29:7

Jakobe watsi: “Njengobe kusesemini lenkhulu kangaka nyalo, kusengakabi sikhatsi sekutsi letimvu tibutsiswe ndzawonye, anitinatsisi ngani, bese niyakutidlisa eluhlateni?”

Tihlabelelo 104:27

Tonkhe letidalwa tibheke wena, kutsi utiphe kudla kwato ngesikhatsi lesifanele.

Tihlabelelo 126:5

Labo labahlanyela ngetinyembeti bayawuvuna ngekujabula.

Tihlabelelo 145:15

Emehlo endalo yonkhe abheke kuwe, uyipha kudla ngesikhatsi lesifanele.

Taga 11:18

Umuntfu lomubi utfola inzuzo ngendlela lembi; kodvwa lohlanyela ngebucotfo utfola sivuno lesikhonsako.

Umshumayeli 11:1

Jika sinkhwa sakho emantini, ngobe utawuphindze usitfole emvakwemalanga lamanyenti.

Jeremiya 45:3

Watsi kimi: ‘Nako kimi! Simakadze sewengete iminjunju etinhlungwini tami, sengiphelile ngenca yekububula kwami, angisatfoli nekuphumula.’ ”

Levithikusi 26:4

ngiyawunitfumelela imvula ngesikhatsi sayo, nemhlaba uninike sivuno lesihle, netihlahla tesiganga titsele titselo tato.

Zefaniya 3:16

Ngalelo langa bayawusho kuyo iJerusalema, batsi: “Ungesabi, Siyoni, netandla takho ungatiyeketsisi.

Malakhi 1:13

Niphindze nitsi: ‘Maye, ngumtfwalo!’ bese nikumfumfutsa ngaphandle kwenhlonipho,” kusho Simakadze longuSomandla. “Naniletsa tifuyo letitsetfwe ngebudlova nome letichutako, nome letigulako nitinikele tibe ngumhlatjelo, kufanele ngitemukele yini kuleto tandla tenu?” kusho Simakadze.

Matewu 10:22

Niyawutondvwa bantfu bonkhe ngenca yelibito lami; kodvwa lokhutsatelako kuze kubesekupheleni, uyawusindziswa.

Matewu 24:13

Kodvwa lowo loyawubambelela kuze kube ngusekupheleni, uyawusindziswa.

Matewu 25:17

Kanjalo futsi nalesi lesemukela emathalenta lamabili sawatalisa, atala lamanye lamabili.

Matewu 9:19

Jesu wasukuma wamlandzela, kanye nebafundzi bakhe.

Makho 3:3

Jesu watsi kulomuntfu labenesandla lesishwaphene: “Sukuma ute la ngembili.”

Lukha 18:1

Jesu wase ubatjela lomfanekiso abafundzisa kutsi kufanele bathandaze sonkhe sikhatsi bangadzinwa.

KubaseRoma 2:7

Labanye bantfu bachubeka benta lokuhle, bafuna tibusiso, neludvumo nekuphila lokungabhubhi; labo-ke Nkulunkulu uyawubanika kuphila lokuphakadze.

1 kubaseKorinthe 15:58

Ngako-ke, bazalwane bami labatsandzekako, banini ngulabasimile labangaceki, nikhutsale emsebentini weNkhosi ngaso sonkhe sikhatsi, nati kutsi kusebenta kwenu akusilo lite eNkhosini.

2 kubaseKorinthe 4:1

Nkulunkulu ngemusa wakhe wasiniketa lenkonzo; ngiko nje singadzinwa.

2 kubaseKorinthe 4:16

Ngako-ke asidzinwa; nome lingephandle letfu libhubha, kodvwa lingekhatsi lentiwa libe lisha imihla ngemihla.

2 kubaseKorinthe 9:6

Khumbulani naku: Lowo lohlanyela kancane, uyawuvuna kancane; lowo lohlanyela kakhulu, uyawuvuna kakhulu.

Kubase-Efesu 3:13

Ngako-ke ngiyanincenga kutsi ningadzinwa kuhlupheka kwami ngenca yenu, lokungukona kuludvumo lwenu.

Dutheronomi 11:14

uyawunipha imvula eveni lenu ngesikhatsi sayo, imvula yekucala neyekugcina, kuze nibutse kahle kudla kwenu, neliwayini lenu, kanye nemafutsa enu.

2 kubaseThesalonika 3:13

Bazalwane, ningadzinwa kwenta lokuhle.

KumaHebheru 12:3

Mkhumbuleni yena lowo lowacinisela, nome toni setimhlukumeta ngenca yenzondo. Nanimkhumbula-ke, ningeke nidzinwe nome nidzangale etinhlitiyweni tenu.

KumaHebheru 12:5

Seniwukhohliwe yini lomyalo lokhuluma kini njengakumadvodzana lotsi: “Ndvodzana yami, ungakwedzeleli kuyala kweNkhosi, ungapheli emandla nawukhalinyelwa yiNkhosi;

KumaHebheru 3:14

Ngobe sihlanganyela naKhristu kuphela, nasibambelele etsembeni letfu lakucala kuze kube ngusekupheleni.

KumaHebheru 3:6

Kodvwa Khristu wetsembeka njengeNdvodzana endlini yaNkulunkulu. Tsine-ke siyindlu yaNkulunkulu, nasibambelele ngesibindzi etsembeni letfu [kuze kube ngusekupheleni].

YaJakobe 5:7

Ngako-ke, bazalwane, beketelani kuze kufike iNkhosi. Ase nibuke umlimi lolindzela sitselo semhlaba lesiligugu; usibeketelela size sitfole imvula yekucala neyekugcina.

1 yaPhetro 2:15

Ngobe Nkulunkulu ufuna kona loko kutsi nibavale imilomo labo labatilima, ngekutsi nente lokuhle.

1 yaPhetro 3:17

Ngobe kuncono kuhlupheka ngekwenta lokuhle, nakuyintsandvo yaNkulunkulu, kunekuhlupheka ngekwenta lokubi.

1 yaPhetro 4:19

Ngako-ke labo labahlupheka ngekwentsandvo yaNkulunkulu abachubeke bente lokuhle, babeke imiphefumulo yabo kuMdali lowetsembekile.

Sembulo 2:17

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika lokukwemana lefihliwe, ngiphindze ngimnike litje lelimhlophe, nelibito lelisha, lelibhalwe etjeni, lelingatiwa ngumuntfu ngaphandle kwalowo lolemukelako.’ ”

Sembulo 2:3

Ngiyati kutsi uyabubeketelela bulukhuni, uhlupheke kakhulu ngenca yelibito lami; kodvwa awuzange sewudzinwe.

Sembulo 2:7

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika kutsi adle esihlahleni sekuphila, lesisePharadisi yaNkulunkulu.’ ”