KubaseGalathiya 6:2 - Siswati 1996 Bible

² Tfwalisanani imitfwalo yenu, kuze nigcwalise umtsetfo waKhristu.

KubaseGalathiya 6:2 Referencias Cruzadas

1 Tikhronike 19:12

Jowabe watjela Abishayi watsi: “Nawubona kutsi emaSiriya ayangehlula, ubobe sewuyeta utangelekelela; nami nangibona kutsi ema-Amoni ayakwehlula, ngitakuta ngitekwelekelela.

Eksodusi 23:5

Nawubona imbongolo yemuntfu lokutondzako ipatalaliswa ngumtfwalo, ungamshiyi, kodvwa msite ekuyisukumiseni nasekuyetfwaliseni kahle.

Isaya 58:6

“Ngiyo lena yini inhlobo yekuzila kudla lengiyikhetsile? Akusiko yini kutfukulula tibopho tebubi, nekukhumula tintsambo telijoko, nekukhulula labacindzetelwe, nekwephula onkhe emajoko?

Matewu 8:17

kuze kugcwaliseke loko lokwakhulunywa ngumphrofethi Isaya nakatsi: “Wasetfwalela butsakatsaka betfu, watisusa kitsi tifo tetfu.”

Lukha 11:46

Jesu waphendvula watsi: “Maye kini nani futsi, tati temtsetfo! Netfwesa bantfu imitfwalo lekulukhuni kuyetfwala, kodvwa nani matfupha aniyitsintsi ngisho nangemuno wenu leyo mitfwalo.

Johane 13:34

Ngininika umyalo lomusha wekutsi: Njengobe nami nginitsandzile, nani tsandzanani.

Johane 15:12

Nankhu umyalo wami: ‘Tsandzanani, ngengobe nami nginitsandzile.’

KubaseRoma 15:1

Tsine lesicinile ekukholweni kufanele sitfwalisane nalababutsakatsaka ekwehlulekeni kwabo, singatijabulisi tsine.

KubaseRoma 8:2

Ngobe umtsetfo waMoya wekuphila lokukuKhristu Jesu ungikhululile emtsetfweni wesono newekufa.

1 kubaseKorinthe 9:21

Kubetive labate umtsetfo waMosi nami ngaba njengaye lote umtsetfo; noko angisiye lote umtsetfo waNkulunkulu, kepha nami ngingaphansi kwemtsetfo waKhristu, kuze ngizuze labate umtsetfo waMosi.

KubaseGalathiya 6:5

Ngobe ngulowo nalowo uyawutetfwalela umtfwalo wakhe.

Dutheronomi 1:12

Kodvwa ngingatetfwala kanjani tinkinga tenu, nemitfwalo yenu, nemibango yenu, mine ngingedvwa?

1 kubaseThesalonika 5:14

Bazalwane, siyanikhutsata kutsi necwayise emavila, nibanike sibindzi labaphelelwa ngemandla emoyeni, ninakekele lababutsakatsaka, babeketeleleni bonkhe.

YaJakobe 1:25

Kepha lobukisisa emtsetfweni losikhululako bese uhamba ngawo, angabi ngumlaleli lokhohlwako kepha abe ngulowentako, lowo-ke utawuba ngulobusisiwe ekwenteni kwakhe.

YaJakobe 2:12

Ngako khulumani, nente njengalabo labayakwehlulelwa ngemtsetfo wenkhululeko.

YaJakobe 2:8

Kepha nanigcina umtsetfo webukhosi ngekwemBhalo lotsi: “Tsandza makhelwane wakho njengobe utitsandza wena,” nenta kahle.

1 yaPhetro 2:24

Khristu cobo lwakhe wetfwala tono tetfu emtimbeni wakhe, emtsini, kuze kutsi tsine singabe sisabuswa tono kodvwa siphile ekulungeni. “Niphiliswe ngemivimbo yakhe.”

2 yaPhetro 2:21

Lokungenani bekuyawuba ncono kubo kube mane abazange sebayati indlela yekulunga, kunekutsi batsi sebayatile baphindze bawufulatsele umyalo longcwele lababenikwe wona.

2 yaPhetro 3:2

nikhumbule emavi lakhulunywa kwakucala baphrofethi labangcwele, nikhumbule nemyalo weNkhosi neMsindzisi lenafundziswa wona baphostoli benu.

1 yaJohane 4:21

Sinemyalo lasinika wona Khristu kutsi umuntfu lotsandza Nkulunkulu ufanele kutsandza nemzalwane wakhe futsi.