KubaseGalathiya 5:17 - Siswati 1996 Bible

¹⁷ Ngobe inyama ikhanuka lokuphambene naMoya, naMoya, uphambene nenyama, ngobe kokubili kuyaphikisana, kuze ningetikwenta lenikutsandzako.

KubaseGalathiya 5:17 Referencias Cruzadas

Genesisi 6:3

Simakadze wase utsi: “Moya wami angeke asabenta bantfu baphile kuze kube phakadze, ngobe bantfu bayinyama, emalanga abo asayawuba ngiminyaka leli-120.”

Tihlabelelo 119:133

Condzisa tinyatselo tami evini lakho, angingabuswa ngisho nangulobuncane bubi.

Tihlabelelo 119:159

Nawe, Simakadze, uyatibonela kutsi timiso takho ngititsandza kanganani. Londvolota kuphila kwami ngemusa wakho.

Tihlabelelo 119:176

Ngedukile, njengemvu lelahlekile. Ngifune, mine nceku yakho, ngobe imiyalo yakho angikayikhohlwa.

Tihlabelelo 119:20

Umphefumulo wami sewufile kulangatelela kwati imitsetfo yakho, ngato tonkhe tikhatsi.

Tihlabelelo 119:32

Ngiyawugijima ngendlela yemiyalo yakho, ngobe nguwe lotakwandzisa kucondza kwami.

Tihlabelelo 119:35

Ngiholele endleleni yemiyalo yakho, ngobe lendlela iyinjabulo yami.

Tihlabelelo 119:40

Maye, ngiyatilangatelela timiso takho! Hlumelelisa kuphila kwami ngekulunga kwakho.

Tihlabelelo 130:3

Kube wena, Simakadze, bewusibalela tono tetfu, ngubani labengaphunyula, angalahlwa?

Tihlabelelo 65:3

ngenca yetono tabo. Ngesikhatsi tiphambuko tetfu tisehlula nguwe lositsetselelako.

Umshumayeli 7:20

Kute nome munye umuntfu lolungile emhlabeni lowenta lokuhle kuphela, kubete lakonako.

Isaya 6:5

Ngase ngitsi: “Maye kimi, mine ngiphelile! Ngobe ngingumuntfu lotindzebe temlomo wakhe tingcolile, futsi ngihlala emkhatsini webantfu labatindzebe tabo tingcolile. Emehlo ami ayibonile iNkhosi, Simakadze longuSomandla.”

Matewu 12:30

“Longekho ngakimi, umelene nami; nalongabutsi kanye nami, uyasakata.

Matewu 16:17

Jesu waphendvula watsi kuye: “Ubusisiwe wena Simoni waJohane, ngobe loko awukakwembulelwa ngumuntfu kepha nguBabe losezulwini.

Matewu 16:23

Jesu wagucuka watsi kuPhetro: “Suka kimi, Sathane! Usitsikameti kimi, ngobe awukuboni lokukwaNkulunkulu, kodvwa ubona kwebantfu!”

Matewu 26:41

Lindzani, nithandaze, kuze ningetikungena ekulingweni! Umoya uyavuma, kodvwa inyama ibutsakatsaka.”

Matewu 5:6

Babusisiwe labalambele bomele kulunga, ngobe bayakwesutsiswa.

Lukha 22:33

Waphendvula watsi: “Nkhosi, ngitimisele kukulandzela ngisho nasekuboshweni nasekufeni.”

Lukha 22:46

Watsi kubo: “Nilaleleni? Vukani nithandaze kuze ningangeni ekulingweni.”

Johane 3:6

Loko lokutelwe yinyama kuyinyama, naloko lokutelwe nguMoya kungumoya.

KubaseRoma 8:13

Ngobe naniphila ngekwenyama, nitawufa; kodvwa nangabe nibulala imisebenti yenyama ngaMoya, nitawuphila.

KubaseGalathiya 3:21

Pho, ngabe kusho kutsi umtsetfo uphambene yini netetsembiso taNkulunkulu? Cha, akunjalo. Ngobe nangabe ubekiwe umtsetfo longaphilisa, nakanjani kulunga bekungatfolakala ngekwenta lokufunwa ngumtsetfo.

YaJakobe 3:2

Ngobe sonkhe siphosisa ngetindlela letinyenti; nakukhona longaphosisi ngekukhuluma, lowo uphelele ngempela, ngobe uyakwati kubamba ngisho nemtimba wakhe wonkhe shangatsi ngematomu.