KubaseGalathiya 4:5 - Siswati 1996 Bible

⁵ khona itebahlawulela labo labangephansi kwemtsetfo, kuze natsi semukeleke njengemadvodzana.

KubaseGalathiya 4:5 Referencias Cruzadas

Matewu 20:28

Njengobe neNdvodzana yeMuntfu ayitelanga kukhontwa, kepha yetela kutawukhonta nekunikela ngemphilo yayo, kutsi ibe yinhlawulo yalabanyenti.”

Lukha 1:68

“Ayidvunyiswe iNkhosi, Nkulunkulu wema-Israyeli, ngobe ibahambele bantfu bayo, yabakhulula.

Johane 1:12

Kepha bonkhe labamemukela, ngekukholwa egameni lakhe, wabapha emandla ekutsi babe bantfwana baNkulunkulu.

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

KubaseRoma 10:4

Ngobe Khristu usiphetfo semtsetfo, kuze kutsi wonkhe lokholwako entiwe emukeleke kuNkulunkulu kutsi ulungile.

KubaseRoma 8:14

Labo labaholwa nguMoya waNkulunkulu bangemadvodzana aNkulunkulu.

KubaseRoma 8:15

Ngobe anemukelanga umoya webugcili wekutsi nibuye nesabe, kodvwa nemukela Moya losenta emadvodzana, sikhulume ngaye kuNkulunkulu sitsi: “Babe! Babe wami!”

KubaseRoma 8:19

Indalo yonkhe ilindzele ngekulangatelela lokukhulu kutsi Nkulunkulu embule emadvodzana akhe.

KubaseRoma 8:23

Kodvwa akusiyo indalo yodvwa; natsi futsi lesiphiwe Moya losibambiso siyabubula etinhlitiyweni tetfu silindzele ngekulangatelela lokukhulu kunikwa simo sebudvodzana, kube kukhululwa kwemitimba yetfu.

KubaseRoma 9:4

Ema-Israyeli sive saNkulunkulu lasenta emadvodzana akhe. Wawanika sabelo ebukhosini bakhe, watenta nawo tivumelwane, wawanika umtsetfo, nendlela lengiyo yekukhonta ethempelini, wabapha netetsembiso.

KubaseGalathiya 3:13

Khristu wasihlenga esicalekisweni lesasiletfwe ngumtsetfo, ngekutsi abe sicalekiso endzaweni yetfu; ngobe kubhaliwe kutsi: “Ucalekisiwe wonkhe umuntfu lolenga emtsini.”

KubaseGalathiya 3:26

Ngako-ke nonkhe ningemadvodzana aNkulunkulu ngekukholwa nguKhristu Jesu.

KubaseGalathiya 4:21

Ase ningitjele, nine lenifuna kuba ngephansi kwemtsetfo, aniva yini kutsi umtsetfo utsini?

KubaseGalathiya 4:7

Ngako-ke awusesiso sigcili, kodvwa sewuyindvodzana; nawuyindvodzana uyindlalifa yaNkulunkulu ngaKhristu.

Kubase-Efesu 1:5

Nkulunkulu wavele wasikhetsanchanti ngekwenjongo yentsandvo yakhe, wasenta emadvodzana akhe ngaJesu Khristu.

Kubase-Efesu 1:7

Ngengati yaJesu sinekuhlengwa nekutsetselelwa kwetono, ngekwengcebo yemusa,

Kubase-Efesu 5:2

Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

KumaHebheru 1:3

LeNdvodzana ibonakalisa bukhosi nebunjalo bonkhe baNkulunkulu. Isimise indalo yonkhe ngelivi layo lelinemandla. Yatsi kube yente intsetselelo yetono tebantfu, yahlala ezulwini ngesekudla saNkulunkulu Somandla.

KumaHebheru 9:12

Wangena kanye kwenela endzaweni lengcwelengcwele, angakaphatsi ingati yetimbuti neyematfole, kodvwa aphetse ingati yakhe lucobo, kungako nje asizuzela kuhlengwa kwaphakadze.

KumaHebheru 9:15

Ngako-ke unguMlamuli wesivumelwane lesisha, kuze kutsi labo lababitiwe batfole lifa laphakadze; ngobe ngekufa kwakhe sebakhululwe etiphambukweni tabo tesikhatsi sesivumelwane sekucala.

1 yaPhetro 3:18

Khristu wafela tono tetfu, kwaba kanye, kwenela. Yena lolungile wafela labangakalungi, kuze animikise kuNkulunkulu. Wabulawa ngekwemtimba, kepha wavuswa ngaMoya waNkulunkulu.

Sembulo 14:3

Labantfu lababenelibito leliWundlu neleYise emabuntini abo, basukuma bahlabela ingoma lensha embikwesihlalo sebukhosi, nasembikwetidalwa letine, nasembikwemalunga. Kute lomunye labengahle abe nemandla ekufundza lengoma, ngaphandle kwabo kuphela lababehlengiwe emhlabeni lababeti-144 000.

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.