KubaseGalathiya 4:25 - Siswati 1996 Bible

²⁵ Hagari umele iNtsaba yaseSinayi lese-Arabiya. Ufanekisa iJerusalema yanyalo legcilateke kanye nebantfwabayo.

KubaseGalathiya 4:25 Referencias Cruzadas

Tihlabelelo 68:17

Tincola taNkulunkulu titinkhulungwane letingemashumi netinkhulungwane ngetinkhulungwane, Simakadze usemkhatsini wato ngebukhosi bakhe lobunjengebungcwele baseSinayi.

Tihlabelelo 68:8

umhlaba watamatama, emazulu antfontsa imvula, embikwaNkulunkulu, entsabeni yaseSinayi, ngesikhatsi kuta wena, Nkulunkulu, Nkulunkulu wema-Israyeli.

Matewu 23:37

“Jerusalema, Jerusalema! Wena lobulala baphrofethi, ubagcobe ngematje labatfunywe kuwe! Kukangaki ngifisa kubutsela ndzawonye bantfu bakho, njengesikhukhukati sifukamela emantjwele aso, kodvwa awuzange sewungivumele!

Lukha 13:34

“Jerusalema, Jerusalema! Ubulala baphrofethi, ugcobe ngematje titfunywa taNkulunkulu letitfunyelwe kuwe! Sekukangaki ngifuna kufukamela bonkhe bantfu bakho, njengesikhukhukati sifukamela emantjwele ngaphansi kwemaphiko aso, kodvwa awuzange ungivumele!

Lukha 19:44

Tiyawukubhidlita uphele nya kanye nebantfu labangekhatsi kwakho; alikho nome linye litje leliyawusala ngetulu kwalelinye, ngobe awusicaphelisisanga sikhatsi Nkulunkulu lakuhambela ngaso.”

Imisebenti yebaPhostoli 1:11

Atsi kubo: “Madvodza aseGalile, nimeleni nibuke etulu? LoJesu, lotsetfwe lapha kini wayiswa ezulwini, uyawubuya futsi ngayo yona leyo ndlela njengobe nimbonile nje aya ezulwini.”

KubaseGalathiya 1:17

Angizange ngenyukele ngisho naseJerusalema kulabo babebaphostoli kucala kunami; kodvwa ngesuka ngekushesha ngaya e-Arabiya, ngase ngiyancandzeka ngiya eDamaseko.

KubaseGalathiya 4:24

Loku kungumfanekiso: Labafati lababili bamele tivumelwane letibili, lona lonebantfwana labatalelwe ebugcilini nguHagari; leso sivumelwane siphuma entsabeni yaseSinayi.

KubaseGalathiya 4:26

Kodvwa lomfati wakhe sibili ukhululekile, umele iJerusalema yasezulwini lengumake wetfu.

Dutheronomi 33:2

Wakhuluma watsi: “Simakadze wachamuka eSinayi, kwasa kitsi nakavela eSeyiri, wakhanya aseNtsabeni iPharani. Wefika achamuka etinkhulungwaneni talabangcwele, weta kuvutsa umlilo ngasesandleni sakhe sangesekudla.

KumaHebheru 12:18

Aniketi entsabeni longayitsintsa, levutsa umlilo nalenebumnyama lobumnyamakati, nesivunguvungu,

Tikhulu 5:5

Tintsaba tatamatama embikwaSimakadze, longuSimakadze waseSinayi. Tatamatama embikwaSimakadze, Nkulunkulu wema-Israyeli.