KubaseGalathiya 4:15 - Siswati 1996 Bible

¹⁵ Pho, sekushonephi loko kujabula kwenu kwakucala? Ngobe nanyalo ngiyacinisa ngitsi kube beninemandla, ngabe nakhipha emehlo enu nawanika mine.

KubaseGalathiya 4:15 Referencias Cruzadas

Lukha 8:13

Kuhlanyelwa kwaleyo leyawela emhlabatsini losemadvwaleni kufanekisa labo labatsi nabalivako livi laNkulunkulu balemukele ngekutfokota, kodvwa ngenca yekungalijulisi kwabo etinhlitiyweni tabo, bakholwa sikhashana. Kutsi kungefika kulingwa, bese balilahla phansi.

KubaseRoma 10:2

Ngiyabafakazela kutsi banenshisekelo lenkhulu kuNkulunkulu; kodvwa ayikho ekulatini kahle liciniso.

KubaseRoma 15:13

Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.

KubaseRoma 5:2

Ngaye loJesu Khristu sinekungena ngekukholwa kulomusa lesesime kuwo; siyabonga sijabulela litsemba lebukhosi baNkulunkulu lobutawuba betfu.

KubaseRoma 9:3

ngebazalwane bami labayingati yami ngekwebuve. Bengingafisa kutsi lokungenani ngibe ngulocalekisiwe nome ngisuswe kuKhristu kube loko bekungaba lusito kubo.

2 kubaseKorinthe 8:3

Ngiyanitjela ngitsi, anikela ngemandla awo onkhe, kwadzimate kwaba ngetulu kwawo. Ngekweminikelo yawo yesihle

KubaseGalathiya 3:14

Loko Khristu wakwenta, kuze kutsi sibusiso lesetsenjiswa Abrahama sifike sinikwe betive ngaJesu Khristu, nekutsi semukele ngekukholwa sipho saMoya lesetsenjiswa sona.

KubaseGalathiya 4:14

Kodvwa nome loba butsakatsaka bami baba silingo lesikhulu kini, anizange ningedzelele nome ningangemukeli. Esikhundleni saloko, nangemukela njengesitfunywa saNkulunkulu, kwaba shangatsi nemukela Khristu Jesu.

KubaseGalathiya 4:16

Kungabe sengigucuke ngaba sitsa senu ngekunitjela liciniso yini?

KubaseGalathiya 4:19

Bantfwabami, nginemhelo ngani, kuyawudzimate kwakheke Khristu kini.

KubaseGalathiya 5:22

Kodvwa titselo taMoya nguleti: lutsandvo, nekujabula, nekuthula, nekubeketela, nebubele, nekulunga, nekwetsembeka,

KubaseGalathiya 6:4

Kodvwa akube ngulowo atihlolele wakhe umsebenti, khona uyawuba nekutibonga ngekwakhe yedvwana, hhayi ngekwalomunye umuntfu.

KubaseKholose 4:13

Nami ngingufakazi wakhe wekutsi uyanisebentela, nine kakhulu, kanye nebaseLawodisiya, nebaseHiyerapholisi.

1 kubaseThesalonika 2:8

Ngenca yelutsandvo lwetfu kini satimisela kutsi sihlephunelane nani, hhayi liVangeli kuphela kodvwa nemphilo yetfu lucobo, ngobe natsandzeka kakhulu kitsi.

1 kubaseThesalonika 5:13

Bahlonipheni ngelutsandvo lolukhulu ngenca yemsebenti wabo. Hlalisanani ngekuthula.