KubaseGalathiya 4:14 - Siswati 1996 Bible

¹⁴ Kodvwa nome loba butsakatsaka bami baba silingo lesikhulu kini, anizange ningedzelele nome ningangemukeli. Esikhundleni saloko, nangemukela njengesitfunywa saNkulunkulu, kwaba shangatsi nemukela Khristu Jesu.

KubaseGalathiya 4:14 Referencias Cruzadas

2 Samuweli 14:17

“Manje-ke incekukati yakho itsi: ‘Shangatsi emavi enkhosi yami, inkhosi, angangiletsela kuphumula, ngobe phela inkhosi yami ifanana nengilosi yaNkulunkulu ekwehlukaniseni lokuhle kulokubi. Shangatsi Simakadze Nkulunkulu wakho angaba nawe.’ ”

2 Samuweli 19:27

Safike sangicalela emanga enkhosini yami, kodvwa wena ufanana nengilosi yaNkulunkulu, ngako yenta loko lokubonakala kukuhle kuwe.

Jobe 12:5

Bantfu labahleti kahle abamnaki lohluphekile, yena lowo lobisha ekuhluphekeni.

Tihlabelelo 119:141

Nome ngimncane, ngedzelelekile, noko angiyikhohlwa imiyalo yakho.

Umshumayeli 9:16

Ngako enhlitiyweni yami ngatsi: “Kuhlakanipha kuncono kunetikhwepha.” Kodvwa lokuhlakanipha kwalomuntfu lomphofu kwatsatselwa phansi, nemavi akhe akazange anakwe ngumuntfu.

Zakhariya 12:8

Ngalelo langa Simakadze uyawubavikela labo labahlala eJerusalema, kuze kutsi lababutsakatsaka kakhulu emkhatsini wabo babe njengaDavide, bese kutsi indlu yaDavide yona ifanane naNkulunkulu, ibe njengengilosi yaSimakadze lehamba embikwabo.

Malakhi 2:7

“Ngobe tindzebe temlomo wemphristi kufanele tilondvolote lwati, emlonyeni wakhe kufanele bantfu bafune sifundziso semtsetfo wami, ngobe phela yena usitfunywa saSimakadze longuSomandla.

Matewu 10:40

“Lonemukelako nine, wemukela mine; nalowemukela mine, wemukela longitfumile.

Matewu 18:5

Nalowo lowemukela umntfwana lonje egameni lami, wemukela mine.”

Matewu 25:40

INkhosi iyawubaphendvula itsi: ‘Ngicinisile, ngitsi kini: Konkhe loko lenanikwenta kulomunye walabanaketfu labancane, nanikwenta kimi!’

Lukha 10:16

Wase utsi kubafundzi bakhe: “Lonilalelako, ulalela mine; longanemukeli, akemukeli mine; nalowo longangemukeli, akamemukeli nalowo longitfumile.”

Johane 13:20

Ngicinisile, ngicinisile, ngitsi kini: Lowo lowemukela nome ngubani lengimtfumile, wemukela mine; nalowo lowemukela mine, wemukela lowo longitfumile.”

1 kubaseKorinthe 1:28

Nkulunkulu wakhetsa lokubukeleka phansi nalokwedzelelekile emhlabeni; wakhetsa netintfo letingekho, khona atewucitsa letikhona,

1 kubaseKorinthe 4:10

Tsine sitilima ngenca yaKhristu, kodvwa nine nihlakaniphile kuKhristu. Tsine sibutsakatsaka ngenca yaKhristu, kepha nine ninemandla. Nine niyadvunyiswa, kepha tsine siyanyembenywa.

2 kubaseKorinthe 5:20

Ngako singemancusa aKhristu; Nkulunkulu uncusa ngatsi. Sinincenga egameni laKhristu sitsi: “Buyisanani naNkulunkulu.”

KubaseGalathiya 3:26

Ngako-ke nonkhe ningemadvodzana aNkulunkulu ngekukholwa nguKhristu Jesu.

KubaseGalathiya 3:28

Kute umJuda nemGriki, kute sigcili nalokhululekile, kute lomdvuna nalomsikati, nonkhe nimunye kuKhristu Jesu.

KubaseGalathiya 4:13

kepha niyati kutsi kwaba kungaphili kahle kwami lokwangenta ngatfola litfuba lekushumayela liVangeli kini kwekucala.

KubaseGalathiya 4:15

Pho, sekushonephi loko kujabula kwenu kwakucala? Ngobe nanyalo ngiyacinisa ngitsi kube beninemandla, ngabe nakhipha emehlo enu nawanika mine.

1 kubaseThesalonika 2:13

Ngako-ke sibonga Nkulunkulu singakhawuli ngekutsi natsi nanemukela livi laNkulunkulu lenaliva kitsi, nalemukela, hhayi njengelivi lemuntfu nje kodvwa njengobe linjalo lilivi laNkulunkulu lelisebenta kini nine lenikholwako.

1 kubaseThesalonika 4:8

Ngako-ke lomelana naloku, akamelani namuntfu, kodvwa umelene naNkulunkulu lonipha Moya wakhe Longcwele.

KumaHebheru 13:2

Ningakhohlwa kungenisa tihambi emakhaya enu, ngobe labanye ngekwenta njalo bangenisa tingilosi bangaketeleli.