KubaseGalathiya 3:19 - Siswati 1996 Bible

¹⁹ Pho, umtsetfo wawudzingeke ngani? Wengetelwa kubonakalisa kutsi siyini sono, kudzimate kufike lowo lesasicondziswe kuye setsembiso labeyintalo ya-Abrahama. Umtsetfo waletfwa tingilosi ngesandla semlamuli.

KubaseGalathiya 3:19 Referencias Cruzadas

Tihlabelelo 106:23

Ngako-ke watsi utababhubhisa, kepha Mosi, lokhetsiwe wakhe, wema emkhatsini, wabalamlela ngekubashweletela kuNkulunkulu, kutsi lulaka lwakhe lungababhubhisi.

Levithikusi 15:32

“ ‘Lena ngimitsetfo lecondzene nendvodza levutisako, nalengcoliswe kucitseka kwesidvodza,

Lukha 16:31

Kodvwa Abrahama watsi: ‘Nabangalaleli boMosi nebaphrofethi nababeluleka, nome bekungavuka lomunye kulabafile, bangeke baneliswe!’ ”

Johane 1:17

Umtsetfo waniketwa ngaMosi; umusa neliciniso kwavela ngaJesu Khristu.

Johane 15:22

Ngobe bebangeke babe nelicala lekona, kube angikefiki ngakhuluma kubo. Kodvwa nyalo sebate taba ngetono tabo.

Imisebenti yebaPhostoli 7:38

“Nguye labehlangene nebantfu baka-Israyeli ehlane; abelapho nabokhokho betfu kanye nengilosi leyakhuluma kuye eNtsabeni yaseSinayi; wemukela emavi laphilako aNkulunkulu kuze awendlulisele kitsi.

Imisebenti yebaPhostoli 7:53

Ningibo labemukela umtsetfo waNkulunkulu, lowendluliselwa tingilosi kini, nawo anizange seniwulalele!”

KubaseRoma 2:13

Ngobe akusibo labawuvako umtsetfo labalungile kuNkulunkulu, kepha ngulabo labawentako umtsetfo labayakwemukelwa nguNkulunkulu ngekutsi balungile.

KubaseRoma 4:15

Umtsetfo uletsa intfukutselo; kodvwa lapho kute umtsetfo khona, kute nekuwephula.

KubaseGalathiya 3:16

Mayelana netetsembiso letanikwa Abrahama nentalo yakhe: “Intalo” yinye, hhayi lenyenti. Akukhulunywa ngalenyenti, kodvwa kushiwo yinye; leyo-ke nguKhristu.

Dutheronomi 33:2

Wakhuluma watsi: “Simakadze wachamuka eSinayi, kwasa kitsi nakavela eSeyiri, wakhanya aseNtsabeni iPharani. Wefika achamuka etinkhulungwaneni talabangcwele, weta kuvutsa umlilo ngasesandleni sakhe sangesekudla.

Dutheronomi 5:5

Ngaleso sikhatsi mine ngema emkhatsini waSimakadze nani kuze ngimementele livi laSimakadze kini, ngobe nine benesaba umlilo anizange nenyukele entsabeni. “Simakadze watsi:

KumaHebheru 2:2

Livi lelamenyetelwa tingilosi laciniseka; nako konkhe lokubi nekungalaleli kwakujeziswa ngalokufanele.

KumaHebheru 2:5

Sikhuluma ngemhlaba lotako; Nkulunkulu akawubekanga ngaphansi kwetingilosi.