KubaseGalathiya 3:17 - Siswati 1996 Bible

¹⁷ Ngisho kutsi-ke: Lomtsetfo lowase uyefika emvakweminyaka lengema-430, awusephuli lesivumelwane lesasentiwe nguNkulunkulu, futsi ungeke usicitse lesetsembiso.

KubaseGalathiya 3:17 Referencias Cruzadas

Genesisi 15:13

Simakadze watsi ku-Abrama: “Yati ngempela kutsi situkulwane sakho siyawuba sihambi eveni lekungesilo laso; siyawuba sigcili sakulelo live, sigcilateke iminyaka lengema-400.

Genesisi 15:18

Ngalo lelo langa Simakadze wenta sivumelwane na-Abrama, watsi: “Lelive ngilinika situkulwane sakho, kusukela emfuleni waseGibhithe kuze kufike emfuleni lomkhulu iYufrathe,

Genesisi 17:19

Kepha Nkulunkulu watsi: “Cha, Sara, umkakho, utakutalela indvodzana, uyetse libito utsi ngu-Isaka. Ngitawumisa sivumelwane sami naye nentalo yakhe kube sivumelwane saphakadze.

Jobe 40:8

“Ungakukhombisa yini kungalungi kwami? Ungangilahla yini ngelicala mine, khona utetitfola ungenacala wena?

Tihlabelelo 105:9

Sivumelwane lasenta na-Abrahama, nesifungo sakhe ku-Isaka,

Tihlabelelo 33:10

Simakadze ucitsa emacebo etive; ushabalalisa imicabango yebantfu.

Isaya 14:27

Ngobe Simakadze longuSomandla sewutimisele ngaloko, ngubani nje longamvimbela kuloko? Sandla sakhe selulekile, ngubani nje longasijikisa?

Isaya 28:18

Sivumelwane senu lenisente nekufa siyakwentiwa sibe lite; sivumelwane senu lenisente nelithuna singeke sime. Kuyawutsi sivunguvungu sekushisa nasiphephula sendlula kini, sinishaye sinilahle phansi.

Numeri 23:19

Nkulunkulu akasiye umuntfu kutsi angacala emanga, futsi akasiyo indvodzana yemuntfu legucukako engcondvweni yayo. Uyakhuluma yini angabe asenta? Uyetsembisa yini angabe asasifeza setsembiso sakhe?

Numeri 30:8

Kodvwa nangabe indvodza yayo iyalela kutsi ifeze leso sincumo sayo nayitjelwa ngaso, akukabhekeki kutsi lentfombi isifeze. Simakadze uyakuyikhulula.

Johane 1:17

Umtsetfo waniketwa ngaMosi; umusa neliciniso kwavela ngaJesu Khristu.

Imisebenti yebaPhostoli 7:6

Nkulunkulu watsi kuye: ‘Titukulwane takho tiyawuhlala eveni letive, lapho tiyawuba tigcili khona tiphatseke kabuhlungu, kuze kuphele iminyaka lengema-400.

KubaseRoma 3:25

Nkulunkulu wamnikelela kutsi abe yinhlawulo ngengati yakhe; lenhlawulo-ke yemukeleka ngekukholwa. Ngalendlela Nkulunkulu sewubonakalise kulunga kwakhe ngekutsi ngaJesu ahlawule tono letatentiwa kadzeni Nkulunkulu angakatehluleli,

KubaseRoma 3:3

Pho, nangabe lamanye emaJuda angazange etsembeke-ke, ngabe loko kusho kutsi kungetsembeki kwawo kungacedza kwetsembeka kwaNkulunkulu yini?

1 kubaseKorinthe 1:12

Ngisho loku kwekutsi lomunye utsi: “Mine ngiwakaPawula,” lomunye atsi: “Mine ngiwaka-Apolosi,” nalomunye atsi: “Mine ngiwakaKhefase,” nalomunye atsi: “Mine ngiwakaKhristu.”

1 kubaseKorinthe 1:17

Ngobe mine Khristu akangitfumelanga kona kuyawubhabhatisa, kodvwa wangitfumela kutsi ngiyewushumayela liVangeli, hhayi ngekuhlakanipha kwemavi, funa sentiwe lite siphambano sakhe.

1 kubaseKorinthe 10:19

Ngitsini-ke manje? Ngitsi lokuhlatjelwe tithico kulutfo yini, nome sithico silutfo?

1 kubaseKorinthe 7:29

Bazalwane, ngitsi: Sikhatsi sesinciphile; kusukela nyalo nalabanebafati ababe njengalabate bafati,

2 kubaseKorinthe 1:20

Kuto tonkhe tetsembiso takhe Nkulunkulu utsi: “Yebo” kuyo. Kungako nje-ke sidvumisa Nkulunkulu sitsi: “Amen,” ngaJesu Khristu.

2 kubaseKorinthe 9:6

Khumbulani naku: Lowo lohlanyela kancane, uyawuvuna kancane; lowo lohlanyela kakhulu, uyawuvuna kakhulu.

KubaseGalathiya 3:15

Ase nginibekisele ngentfo levamile nje, bazalwane: Bantfu lababili lasebente sivumelwane kute longasephula nome engete lutfo, yingci nasebavumelene.

KubaseGalathiya 3:21

Pho, ngabe kusho kutsi umtsetfo uphambene yini netetsembiso taNkulunkulu? Cha, akunjalo. Ngobe nangabe ubekiwe umtsetfo longaphilisa, nakanjani kulunga bekungatfolakala ngekwenta lokufunwa ngumtsetfo.

KubaseGalathiya 5:16

Kodvwa ngitsi: Hambani ngaMoya, khona ningetiwufeza tinkhanuko tenyama.

KubaseGalathiya 5:4

Nine lenifuna kwemukeleka kuNkulunkulu kutsi nilungile ngekwenta lokufunwa ngumtsetfo nitehlukanisile naKhristu, ningephandle kwemusa waNkulunkulu.

Kubase-Efesu 2:12

Nikhumbule nekutsi ngaleto tikhatsi benehlukanisiwe naKhristu, ningephandle kwembuso waka-Israyeli, nitihambi letite sabelo etivumelwaneni tesetsembiso, nite litsemba, nite naNkulunkulu emhlabeni.

Kubase-Efesu 4:17

Ngako-ke ngiyasho, ngifakaza eNkhosini ngitsi, ningabe nisahamba njengalabanye betive labanemicondvo lengacabangi.

KubaseKholose 2:4

Loku nginitjela khona kutebate muntfu loniyenga ngetinkhulumo temanga.

KumaHebheru 11:13

Bonkhe laba bafa bakholiwe bangakakwemukeli loko lababetsenjiswe kona, kodvwa bakubona bakwemukela kusekhashane, bavuma kutsi lapha emhlabeni babafokati netihambi.

KumaHebheru 7:18

Umyalo wekucala sewubekwe eceleni ngenca yebutsakatsaka bawo nekungabi nalusito kwawo,

1 yaPhetro 1:20

Yena watinchanti, live lisengakasekelwa, kodvwa wabonakaliswa kuletikhatsi tekugcina ngenca yenu.