KubaseGalathiya 2:2 - Siswati 1996 Bible

² Ngenyukela kubo njengobe Nkulunkulu abengembulele kutsi ngiye khona, ngafike ngabalandzisa liVangeli lengilishumayela kubetive, labo labatiwa ngekutsi babaholi ngabalandzisa emasitseleni, funa mhlawumbe kwenteke kutsi ngigijimele lite, nome ngagijimela lite.

KubaseGalathiya 2:2 Referencias Cruzadas

Umshumayeli 10:1

Njengobe timphungane letifile tenta emakha abe neliphunga lelibi, kanjalo nebulima lobuncane nje benta kuhlakanipha neludvumo kulahlekelwe simo sako.

Matewu 10:16

“Lalelani! Nginitfuma njengetimvu emkhatsini wetimphisi. Ngako-ke hlakaniphani njengetinyoka, nibete bucili njengematuba.

Imisebenti yebaPhostoli 15:12

Sicumbi sonkhe sasibindzile silalele boBhanabasi naPawula basasilandzisa ngato tonkhe tibonakaliso netimangaliso Nkulunkulu labetente ngabo kubantfu betive.

Imisebenti yebaPhostoli 15:2

BoPawula naBhanabasi baphikisana nabo kuloko, ngako-ke kwase kuncunywa kutsi Pawula naBhanabasi nalabanye base-Antiyokhi kufanele bahambe baye eJerusalema bayewubonana nebaphostoli nebabonisi ngaleyo ndzaba.

Imisebenti yebaPhostoli 15:4

Kwatsi nabefika eJerusalema, bemukelwa libandla, nebaphostoli, nebabonisi, babatjela ngako konkhe Nkulunkulu lakusebente ngabo.

Imisebenti yebaPhostoli 18:9

Kepha kwatsi ngalelinye lilanga ebusuku Pawula wabona umbono, iNkhosi yatsi kuye: “Ungesabi, chubeka ukhulume ungabindzi,

Imisebenti yebaPhostoli 23:11

Ngebusuku lobulandzelako iNkhosi yema eceleni kwaPawula yatsi: “Mani sibindzi, njengobe ungifakazele nje la eJerusalema, kufanele wente njalo futsi naseRoma.”

Imisebenti yebaPhostoli 5:34

Kepha lomunye wabo, umFarisi labenguGamaliyeli, abengumfundzisi wemtsetfo kantsi futsi abehlonishwa kakhulu bantfu bonkhe, wasukuma wema embikwaleLiqoqo, wacela kutsi baphostoli sebakhishelwe ngephandle kwesikhashana.

KubaseRoma 9:16

Ngako-ke akuyi ngekutsandza nangekutihlupha kwemuntfu, kodvwa kuya ngebubele baNkulunkulu.

1 kubaseKorinthe 1:23

Kodvwa tsine sishumayela Khristu abetselwe esiphambanweni, losikhubekiso kumaJuda nebulima kubetive.

1 kubaseKorinthe 2:2

Ngobe ngatimisela kutsi angiyikwati lutfo lolunye emkhatsini wenu ngaphandle kwaJesu Khristu, naye ngimati abetselwe esiphambanweni.

1 kubaseKorinthe 9:24

Anati yini kutsi labagijima ngekuncintisana bagijima bonkhe, kodvwa munye lowemukela umklomelo? Nani-ke gijimani, khona nitewutfola lomklomelo.

1 kubaseKorinthe 9:26

Nami-ke angigijimisi kwemuntfu longenawo umgomo, futsi nangesibhakela angigadli nje kungatsi ngigadla umoya.

2 kubaseKorinthe 12:1

Kufanele ngitigabatise, nome kungasiti lutfo nje. Sengitanitjela ngemibono netembulo teNkhosi.

KubaseGalathiya 1:12

Ngobe angilinikwanga ngumuntfu, kantsi futsi angilifundziswanga ngumuntfu, kodvwa ngalembulelwa nguJesu Khristu.

KubaseGalathiya 1:16

kungembulela iNdvodzana yakhe kutsi ngiyishumayele kubetive, angibutanga muntfu.

KubaseGalathiya 1:6

Ngiyamangala kutsi senimhlubuke masinyane kangaka Nkulunkulu lowanibita ngemusa waKhristu, nase nijikela kulelinye nje livangeli.

KubaseGalathiya 2:6

Labo labadvume ngekutsi baholi – kutsi babe yini akusho lutfo kimi, ngobe Nkulunkulu akakhetsi buso bemuntfu – ngitsi: Labo baholi abazange bengete lutfo eVangelini lengilishumayelako.

KubaseGalathiya 2:9

Batsi kube boJakobe, naPhetro, naJohane, labebatiwa ngekutsi batinsika, babone umusa lengiwuphiwe banika tsine naBhanabasi sandla sekudla sebudlelwane kutsi siye kubetive, bona baye kumaJuda.

KubaseGalathiya 5:7

Benigijima kahle! Pho, ngubani lona losanivimbele kutfobela liciniso?

KubaseFiliphi 2:16

nisabapha livi lekuphila. Nanenta njalo-ke, ngiyawuba nekutibonga ngelilanga laKhristu ngekutsi angigijimelanga lite nome-ke angisebentelanga lite.

KubaseFiliphi 2:29

Ngako-ke memukeleni eNkhosini ngekutfokota konkhe; labanjalo-ke nibobatisa.

1 kubaseThesalonika 3:5

Ngako-ke ngitsite kube ngehluleke kubeketelela situnge ngani, ngase ngitfumela Thimothi, khona ngitekwati ngekukholwa kwenu. Bengesaba kutsi kungahle kube umlingi unilingile, kuze kutsi kusiphalata kwetfu kube lite.

2 kuThimothi 4:7

Ngikulwile kulwa lokuhle, sengiyicedzile indzima yami, ngibambelele ekukholweni.

KumaHebheru 12:1

Ngako-ke, njengobe situngeletwe sicumbi lesikhulu kangaka sabofakazi, asilahle konkhe lokusindzako, nesono lesigigelana njengelwanca. Asigijime ngekucinisela kulomncintiswano losembikwetfu,