KubaseGalathiya 2:12 - Siswati 1996 Bible

¹² Ngesikhatsi kungakefiki batnfu labatsite, abedla nebetive; kodvwa kwatsi kube kufike emadvodza labephuma kuJakobe, wase uyatehlukisa kulabo betive, ngobe phela bekesaba lamaJuda.

KubaseGalathiya 2:12 Referencias Cruzadas

Taga 29:25

Kwesaba bantfu kulugibe; kodvwa lowo lowetsembekile kuSimakadze ulondvolotekile.

Isaya 57:11

“Ngubani lona lebewumvevela kangaka, umesaba, uze ungetsembeki kimi, ungasangikhumbuli, futsi ungasangicabangi ngisho nasenhlitiyweni yakho? Akwentiwa kutsi sengithule sikhatsi lesidze yini lokutsi ungasangesabi?

Isaya 65:5

bese batsi: ‘Suka, ungasondzeli kimi, ngobe ngingcwele kakhulu kunawe!’ Bantfu labanjalo bayintfutfu emakhaleni ami, umlilo lohlala uvutsa lilanga lonkhe.

Lukha 15:2

Kodvwa baFarisi netati temtsetfo tahhingatela tatsi: “Lomuntfu wemukela tilahlwa abuye futsi adle nato!”

Lukha 5:38

Cha! Liwayini lelisha lifanele litselwe kuso sikhumbasikhwama lesisha.

Imisebenti yebaPhostoli 10:28

Watsi kubo: “Nani matfupha niyati kutsi umJuda akavunyelwa yinkholo yakhe kutsi avakashele nome atihlanganise nebetive. Kodvwa Nkulunkulu ungikhombisile kutsi angifanele kusho kutsi umuntfu ungcolile nome akahlanteki.

Imisebenti yebaPhostoli 12:17

Waphakamisa sandla sakhe wababindzisa, wabachazela kutsi iNkhosi imkhulule njani ejele. Watsi kubo: “Nibotjela Jakobe nebazalwane.” Wase uyabashiya uya encenye.

KubaseGalathiya 2:14

Kodvwa ngatsi kube ngibone kutsi abasahambi khona ecinisweni leliVangeli, ngavele ngamtjela Phetro embikwabo bonkhe ngatsi: “Nangabe wena longumJuda, uphila njengebetive, hhayi njengemJuda, pho, yini ubacindzetele betive kutsi abaphile njengemaJuda?”

KubaseGalathiya 2:9

Batsi kube boJakobe, naPhetro, naJohane, labebatiwa ngekutsi batinsika, babone umusa lengiwuphiwe banika tsine naBhanabasi sandla sekudla sebudlelwane kutsi siye kubetive, bona baye kumaJuda.

Kubase-Efesu 2:15

Umtsetfo, nemiyalo, nemisimeto wakucitsa khona atewudala kabusha labo lababili: umJuda newetive, babe ngumuntfu munye kuye, kube kuthula.

Kubase-Efesu 3:6

Imfihlakalo ngulokutsi betive nabo sebatindlalifa kanye natsi, nekutsi sebangumtimba munye kanye natsi, futsi sebabahlanganyeli besetsembiso kanye natsi kuJesu Khristu ngeliVangeli.

1 kubaseThesalonika 5:22

nikugege konkhe lokubonakala kukubi.