KubaseGalathiya 2:11 - Siswati 1996 Bible

¹¹ Kodvwa ngesikhatsi nakufika Khefase e-Antiyokhi ngaphikisana naye embikwebazalwane, ngenca yesento sakhe lesibi.

KubaseGalathiya 2:11 Referencias Cruzadas

Jeremiya 1:17

“Tilungiselele! Sukuma ukhulume kubo konkhe loko lengikutfume kona. Ungabesabi, ngobe ngingahle ngikwetfuse lapha embikwabo.

Jona 1:3

Kepha Jona wesuka wacondza eThashishi. Wehlela eJopha, lapho afike wakhokha imali yekwekhwela, wagibela umkhumbi, waya eThashishi, abalekela Simakadze.

Jona 4:9

Kodvwa Nkulunkulu watsi kuJona: “Unalungelo lini lekutfukutselela lomhlafutfo?” Yena-ke watsi: “Ngenta kahle kutsi ngitfukutsele; ngitfukutsele kutsi angife ngitsi saka!”

Numeri 20:12

Kodvwa Simakadze wabatsetsisa boMosi na-Aroni, watsi: “Njengobe ningakangikholwa kangangekutsi nize ningingcwelise, ningihloniphe embikwalesive sema-Israyeli, anisenawusihola lesive nize nisifikise eveni lengisiphe lona.”

Matewu 16:23

Jesu wagucuka watsi kuPhetro: “Suka kimi, Sathane! Usitsikameti kimi, ngobe awukuboni lokukwaNkulunkulu, kodvwa ubona kwebantfu!”

Johane 1:42

Wamyisa kuJesu, Jesu wambuka, watsi: “Wena unguSimoni, umsa waJohane. Libito lakho sekutaba nguKhefase.” (Lelibito lisho kutsi: “Phetro, lidvwala.”)

Imisebenti yebaPhostoli 11:19

Emakholwa, labesakatwe kuhlushwa lokwalandzela kubulawa kwaStefano, ahamba aze efika eFenisiya naseSiphrosi nase-Antiyokhi, atjela emaJuda kuphela ngalelivi leNkhosi.

Imisebenti yebaPhostoli 11:20

Labanye babo babengemadvodza aseSiphrosi naseSirene labatsi nabefika e-Antiyokhi batjela nebetive livi leNkhosi, babashumayela liVangeli lekutsi Jesu yiNkhosi.

Imisebenti yebaPhostoli 11:22

Tindzaba ngaloko tefika ebandleni laseJerusalema, ngako-ke batfumela Bhanabasi e-Antiyokhi.

Imisebenti yebaPhostoli 11:27

Ngaleso sikhatsi labanye baphrofethi behla besuka eJerusalema baya e-Antiyokhi.

Imisebenti yebaPhostoli 15:1

Lamanye emadvodza laphuma eJudiya aya e-Antiyokhi acala afundzisa bazalwane atsi: “Ningeke nisindziswe naningakasoki njengekusho kwelisiko laMosi.”

Imisebenti yebaPhostoli 15:5

Kepha lamanye emakholwa elicembu lebaFarisi asukuma atsi: “Kufanele basoke, batjelwe kutsi bagcine umtsetfo waMosi.”

2 kubaseKorinthe 11:5

Ngitsi angisiye lodzelelekile kunalabaphostoli lababonakala bagcame kakhulu.

2 kubaseKorinthe 12:11

Ngibe silima! Ngiphocelelwe ngini kulobulima, ngobe bekufanele nginconywe ngini. Empeleni angikedzeleleki kunabo bonkhe labaphostoli labagcamile, nome ngingasibani nje.

2 kubaseKorinthe 5:16

Ngako kusukela nyalo asiseyikwati muntfu ngekwenyama. Nome sake samati Khristu ngekwenyama nyalo asisamati kanjalo.

KubaseGalathiya 1:18

Emvakweminyaka lemitsatfu ngenyuka ngayawubonana naKhefase eJerusalema; ngefika ngahlala naye emalanga lali-15.

KubaseGalathiya 2:14

Kodvwa ngatsi kube ngibone kutsi abasahambi khona ecinisweni leliVangeli, ngavele ngamtjela Phetro embikwabo bonkhe ngatsi: “Nangabe wena longumJuda, uphila njengebetive, hhayi njengemJuda, pho, yini ubacindzetele betive kutsi abaphile njengemaJuda?”

KubaseGalathiya 2:5

Noko asibanikanga ngisho nalelincane nje litfutjana lekubatfobela, kuze kutsi liciniso leliVangeli libe kini njalo.

KubaseGalathiya 2:7

Kodvwa esikhundleni saloko babona kutsi ngiphatsiswe liVangeli kutsi ngilishumayele kubetive, njengobe naPhetro aphatsiswa liVangeli kutsi alishumayele kumaJuda.

KubaseGalathiya 2:9

Batsi kube boJakobe, naPhetro, naJohane, labebatiwa ngekutsi batinsika, babone umusa lengiwuphiwe banika tsine naBhanabasi sandla sekudla sebudlelwane kutsi siye kubetive, bona baye kumaJuda.

1 kuThimothi 5:20

Labo labonako ubasole ubekhute embikwabo bonkhe, khona nalabo labanye batewuhlala ngekwesaba.

YaJakobe 3:2

Ngobe sonkhe siphosisa ngetindlela letinyenti; nakukhona longaphosisi ngekukhuluma, lowo uphelele ngempela, ngobe uyakwati kubamba ngisho nemtimba wakhe wonkhe shangatsi ngematomu.

YaJuda 1:3

Batsandzekako bami, bengitimisele kutsi nginibhalele ngikhulume ngalensindziso lesihlanganyele kuyo. Kodvwa ngibone kunesidzingo lesimatima sekutsi nginibhalele nginikhutsate kutsi nilwele kukholwa lokuphiwe bantfu baNkulunkulu kwaba kanye kwenela, sonkhe tsine lesibakhe.