KubaseGalathiya 1:9 - Siswati 1996 Bible

⁹ Njengobe sasho, namanje ngiyaphindza ngiyasho ngitsi: Nakukhona lonishumayela lelinye livangeli kunalelo lenalemukela, lowo akabe ngulocalekisiwe.

KubaseGalathiya 1:9 Referencias Cruzadas

Taga 30:6

Ungengeti lutfo etetsembisweni takhe. Uma uke wengeta nje, uyakukutsetsisa utfolakale ungumuntfu wemanga.”

Jeremiya 23:16

Naku lokushiwo nguSimakadze Somandla, utsi: “Ningakulaleli lokuphrofethwa baphrofethi kini, banigcwalisa ngematsemba langemanga. Bakhuluma imibono yetingcondvo tabo, hhayi lokuphuma emlonyeni waSimakadze.

Imisebenti yebaPhostoli 18:23

Emvakwekuhlala sikhashana lapho wase uyesuka udzabula tigodzi tetifundza taseGalathiya naseFrigiya ahambe akhutsata bonkhe bazalwane.

KubaseRoma 16:17

Ngiyanincenga, bazalwane bami, kutsi nicaphele labo lababanga kwehlukana netikhubekiso, baphambane nemfundziso lenayemukela; labo bagegeni.

KubaseRoma 9:3

ngebazalwane bami labayingati yami ngekwebuve. Bengingafisa kutsi lokungenani ngibe ngulocalekisiwe nome ngisuswe kuKhristu kube loko bekungaba lusito kubo.

2 kubaseKorinthe 1:17

Kodvwa ngabe bengidlala yini nangihlose loko? Kungabe ngenta tincumo tami ngekwami yini? Ngitsi: “Yebo,” ngiphindze ngitsi: “Cha,” ngasikhatsi sinye?

Dutheronomi 12:32

“Caphelani kutsi niyakwenta konkhe loko lenginiyala ngako; ningengeti, ninganciphisi.”

Dutheronomi 4:2

Ningacali nengete lutfo kulamavi lenginiyala ngawo, futsi ningaphunguli lutfo kuwo, kodvwa gcinani lemiyalo yaSimakadze Nkulunkulu wenu lengininika yona.

KubaseFiliphi 3:1

Lokunye, bazalwane, tfokotani eNkhosini. Angidzinwa kunibhalela kona loko, kepha nine niyasitakala ngako.

KubaseFiliphi 4:4

Tfokotani eNkhosini njalonjalo. Ngiyaphindza futsi ngitsi: Tfokotani.