KubaseGalathiya 1:23 - Siswati 1996 Bible

²³ Kodvwa babeva ngendzaba nje kutsi: “Lowo lowake wasihlupha kamatima sewushumayela kona loko kukholwa lake wetama kukucedza,”

KubaseGalathiya 1:23 Referencias Cruzadas

Imisebenti yebaPhostoli 19:13

Lamanye emaJuda bekajikeleta akhipha emadimoni, nawo etama kusebentisa libito laJesu ekuwakhipheni, atsi kubomoya lababi: “Egameni laJesu loshunyayelwa nguPawula siyakukhipha.”

Imisebenti yebaPhostoli 6:7

Ngako-ke livi laNkulunkulu lachubeka landza kakhulu. Nebunyenti bebafundzi eJerusalema bandza kakhulu, kantsi nelinyenti lebaphristi lakwemukela kukholwa.

Imisebenti yebaPhostoli 9:13

Kepha Ananiyase waphendvula watsi: “Nkhosi, bantfu labanyenti sebangitjelile ngalendvodza, nangabo bonkhe budlova lebentile kubantfu bakho eJerusalema.

Imisebenti yebaPhostoli 9:20

Masinyane wacala kushumayela emasinagogeni ngaJesu atsi: “UyiNdvodzana yaNkulunkulu.”

Imisebenti yebaPhostoli 9:21

Bonkhe labamuva bamangala babutana bodvwana batsi: “Akusiyo yini lendvodza lebeyibulala bonkhe lababita lelibito eJerusalema? Khona kantsi nje ayiketi lapha ngalenjongo yekubabopha ibamikise kubaphristi labakhulu yini?”

Imisebenti yebaPhostoli 9:26

Sawula waya eJerusalema wetama kutihlanganisa nebafundzi, kodvwa abazange bamkholwe lokutsi abesangumfundzi, bonkhe babemesaba.

KubaseGalathiya 6:10

Ngako-ke njengobe sinematfuba nje, asente lokuhle kubo bonkhe bantfu, ikakhulu kubendlu yaketfu yekukholwa.