KubaseFiliphi 4:6 - Siswati 1996 Bible

⁶ Ningakhatsateki ngalutfo. Kepha kuko konkhe ticelo tenu atatiwe nguNkulunkulu, ngekukhuleka nekuncusa kanye nekubonga.

KubaseFiliphi 4:6 Referencias Cruzadas

1 Emakhosi 8:28

Noko, mane uwunake umthandazo wenceku yakho, nekuncusa kwayo ngemusa. Awu! Simakadze, Nkulunkulu wami, vani kukhala kwami nemkhuleko lowentiwa yinceku yakho lapha ebukhoneni bakho lamuhla nje.

2 Tikhronike 32:20

Inkhosi Hezekiya ikanye nemphrofethi Isaya, umsa wa-Amose, bakhala kuNkulunkulu, bacela lusito lwakhe ngalendzaba.

Tihlabelelo 51:15

Hhawu, Nkhosi, vula tindzebe temlomo wami, kuze ngivakalise ludvumo lwakho.

Tihlabelelo 55:17

Kusihlwa, nasekuseni, nasemini ngiyatikhalela ngibubule kuye, bese uyaliva livi lami.

Tihlabelelo 55:22

Lahlela imitfwalo yakho kuSimakadze, yena uyawukusimisa; angeke avume phakadze naphakadze kutsi lolungile wakhe atanyatanyiswe.

Tihlabelelo 62:8

Nine sive, yetsembelani kuye ngato tonkhe tikhatsi, tfululelani kuye tinhlitiyo tenu, Nkulunkulu usiphephelo setfu. Cabanga.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Taga 16:3

Yekelela konkhe lokwentako kuSimakadze, nakanjani tinhloso takho tiyawuphumelela.

Ingoma Yetingoma 2:14

Tuba lami lelisemifantfwini yemadvwala, etindzaweni tekubhaca emaceleni etintsaba, ngikhombise buso bakho, ungivise neliphimbo lakho; ngobe liphimbo lakho liyanongotela, nebuso bakho buyatsandzeka.

Jeremiya 32:16

“Emvakwekutsi lencwadzisivumelwane yekutsenga sengiyinike Bharuki, umsa waNeriya, ngathandaza kuSimakadze, ngatsi:

Jeremiya 33:3

‘Ngibite, ngitakuphendvula ngikutjele tintfo letinkhulu naletingaphenyeki, wena longatati.’

Danyela 3:16

BoShadraki, naMeshaki, na-Abednego baphendvula inkhosi, batsi: “Nkhosi Nebukhadnezari, tsine asidzingi kutivikela kuwe ngalendzaba.

Danyela 6:10

Watsi kube Danyela eve kutsi sekubhalwe lomtsetfosimemetelo, wahamba waya ekhaya lakhe ekamelweni lelisetulu, lapho emafasitelo akhona abevulekela ngaseJerusalema. Abeguca ngemadvolo katsatfu ngelilanga, athandaze, abonga Nkulunkulu wakhe, njengobe abevame kwenta ngaphambili.

Matewu 10:19

Kepha-ke nabanimangalele, ningahlupheki ngekutsi niyawutsini nekutsi nikusho kanjani; ngobe nakufika leso sikhatsi, niyawunikwa lenifanele nikusho.

Matewu 13:22

Kuhlanyelwa kwenhlanyelo emanyeveni kusho labalivako livi lembuso, kodvwa tinhlupheko macondzana nalemphilo nelutsandvo lwebunjinga kuyaye kuliminyetele livi bangabe basatsela titselo.

Matewu 6:34

Ngako-ke ningakhatsateki ngelikusasa lenu, ngobe likusasa liyakutikhatsalela lona. Inhlupheko yelilanga yenele lona.”

Matewu 6:8

Ningabalingisi-ke, ngobe Nkulunkulu uYihlo ukwati kucala lenikudzingako nine ningakakuceli.

Lukha 10:41

INkhosi yamphendvula yatsi: “Mata, ye Mata! Utikhatsata ngetintfo letinyenti,

Lukha 12:22

Jesu wase utjela bafundzi bakhe utsi: “Ngako-ke nginitjela kutsi: Ningakhatsateki ngemphilo yenu, nekutsi nitawudlani, nangekutsi nitakwembatsani emitimbeni yenu.

Lukha 12:29

Ngako ningakhatsateki ngekufuna leningahle nikudle nikunatse; netingcondvo tenu tingakhatsateki.

Lukha 18:1

Jesu wase ubatjela lomfanekiso abafundzisa kutsi kufanele bathandaze sonkhe sikhatsi bangadzinwa.

Lukha 18:7

Pho, Nkulunkulu utakwehlulwa yini kubevela labakhetsiwe bakhe, labakhala kuye imini nebusuku bacela lusito? Uyawubina yini ekubasiteni?

1 kubaseKorinthe 7:21

Ubitwe usigcili yini? Ungakhatsateki. Nome ungakhululeka, ungamane usebentise lelo tfuba lonalo.

1 kubaseKorinthe 7:32

Angifuni kutsi nikhatsateke. Longakashadi ukhutsalela kweNkhosi, kutsi angayitfokotisa ngani iNkhosi.

2 kubaseKorinthe 1:11

njengaloku nani nisiphasa ngekusikhulekela, khona kutewutsi labanyenti basibongele kuNkulunkulu ngesibusiso lesisiphiwe.

Kubase-Efesu 5:20

Nimbonge njalo Nkulunkulu uYise ngako konkhe egameni leNkhosi yetfu Jesu Khristu.

Kubase-Efesu 6:18

Khulekani ngaso sonkhe sikhatsi nikuMoya ngekukhuleka konkhe nekuncenga. Nilindzele ngesineke sonkhe, nangekuncusela labangcwele bonkhe.

KubaseKholose 3:15

Kuthula kwaKhristu, lenabitelwa kuko emtimbeni munye, akubuse etinhlitiyweni tenu; futsi netayele kubonga.

KubaseKholose 3:17

Konkhe lenikwentako kwenteni ngelibito leNkhosi Jesu, nome ngelivi, nome ngemisebenti, nibonge Nkulunkulu uYise ngaye.

KubaseKholose 4:2

Ciniselani ekuthandazeni, nilindze kuko ngekubonga.

1 kuThimothi 2:1

Ngako-ke kwekucala ngiyala kutsi kukhuleka, nemithandazo, nekuncusa, nekubonga, akwentelwe bonkhe bantfu.

1 kuThimothi 5:5

Kodvwa lowo longumfelokati sibili, longasenabani, litsemba lakhe lonkhe sewulibeke kuNkulunkulu. Uthandaza busuku nemini acela lusito kuNkulunkulu.

1 yaPhetro 4:7

Siphetfo sato tonkhe tintfo sesisondzele. Ngako-ke tibambeni, nititsibe khona nitekwati kukhuleka.

1 yaPhetro 5:7

Lahlelani kuye konkhe kukhatsateka kwenu, ngobe yena uyanikhatsalela.

1 Samuweli 1:15

Kodvwa Hana waphendvula watsi: “Cha, nkhosi yami, angikadzakwa, ngingumfati loselusizini lolukhulu, angikaze ngilinatse liwayini nome tjwala, bengisatfulula inhlitiyo yami kuSimakadze.

1 Samuweli 30:6

Davide wadzabuka kakhulu, ngobe lamadvodza abesakhuluma ngekumgcoba ngematje. Ngulowo nalowo abemunyu emoyeni wakhe ngemadvodzana nangemadvodzakati akhe. Kodvwa Davide watfola emandla kuSimakadze Nkulunkulu wakhe.

1 Samuweli 7:12

Samuweli wabe sewutsatsa litje, walimisa emkhatsini waseMispa naseSheni. Waletsa libito watsi yi-Ebheni Eza, atsi: “Simakadze usisite kwaze kwaba ngumanje.”