KubaseFiliphi 4:17 - Siswati 1996 Bible

¹⁷ Akusho kutsi ngifuna sipho, kodvwa ngifuna sitselo saso lesingusona sitakwandzisa inzuzo kini.

KubaseFiliphi 4:17 Referencias Cruzadas

Taga 19:17

Lowo lopha lomphofu uboleka Simakadze; Simakadze uyakumvuza ngaloko lakwentile.

Mikha 7:1

Kute litsemba! Mine ngifanana nemuntfu lolambile lotfole tihlahla tite titselo nemagelebisi kute emvinini. Onkhe emagelebisi kanye nemakhiwa lamnandzi bawakhe bawacedza.

Malakhi 1:10

“Awu, shangatsi lomunye wenu angavala iminyango yelithempeli, kuze ningetikuyokhela imililo lengenamsebenti elatini lami! Angijabuli ngani, futsi ngingeke ngiwemukele umnikelo lophuma etandleni tenu,” kusho Simakadze longuSomandla.

Johane 15:16

Akusini lenangikhetsa, kodvwa ngimi lenganikhetsa nganitfuma kutsi nihambe nitsele titselo letinyenti, leto titselo time futsi, kuze kutsi nobe yini leniyakuyicela kuBabe egameni lami aniphe yona.

Johane 15:8

Ludvumo lwaBabe lubonakaliswa ngaloko kutsi nitsele titselo letinyenti, nibe bafundzi bami.

KubaseRoma 15:28

Nase ngikucedzile loko, sengibaniketile lokunikelwe, ngiyawuchubeka ngendlela yakini ngiye eSpaniya.

2 kubaseKorinthe 11:16

Ngiyaphindza ngitsi: Kubete longitsatsa njengesilima; kodvwa nome kunjalo, ningangitsatsa njengaso, kuze nami ngitewutfola litfutjana lekutigabatisa.

2 kubaseKorinthe 9:5

Ngiko nje ngibone kufanele kutsi ngicele labazalwane bahambe embili bete lapho kini, batewulungisa lesipho lenisetsembisile, kuze kutsi sihlale sesilungile, hhayi ngekuphocelelwa, kodvwa ngesihle.

KubaseFiliphi 1:11

Nitsele inala yetitselo tekulunga letingaye Jesu Khristu, kube yinkhatimulo neludvumo kuNkulunkulu.

KubaseFiliphi 4:11

Loko angikusho ngenca yekweswela kwami, ngobe mine sengifundze kutsi ngeneliseke nome ngikusiphi simo.

1 kubaseThesalonika 2:5

Tsine asizange sikhulume emagama ekuyenga, njengobe nani nati, asizange futsi sibe nebucili bekufisa bunjinga, Nkulunkulu ungufakazi.

1 kuThimothi 3:3

lengesiso sidzakwa, lengatitsatseli etulu tintfo, kodvwa lemnene, lengenalo luchweba, lengayitsandzi imali.

1 kuThimothi 6:10

Phela kutsandza imali kuyimphandze yako konkhe lokubi; labanye-ke ngekuyifisa kwabo bedukile, bakhwesha ekukholweni, batigwaza ngeminjunju yebuhlungu leminyenti.

kuThithusi 1:7

Umholi, njengobe asisebenti saNkulunkulu, kufanele angasoleki, angatigcabhi, abete lulaka, angabi sidzakwa, abete luchweba, futsi angahaleli inzuzo ngebubi.

kuThithusi 3:14

Bantfu bakitsi bakhutsalele kwenta imisebenti lemihle, kuze batewusita lapho kwesweleke lusito khona, bangabi ngulabangatseli titselo.

KumaHebheru 6:10

Ngobe phela Nkulunkulu akakhetsi, futsi angeke ayikhohlwe imisebenti yenu nelutsandvo lenilukhombise ekusiteni labangcwele, njengobe nenta namanje.

1 yaPhetro 5:2

Yelusani umhlambi waNkulunkulu leniwuphetse, hhayi ngekucindzetelwa, kodvwa ngenhlitiyo levumako njengobe Nkulunkulu atsandza kutsi nente, hhayi ngekunaka inkhokhelo nje, kodvwa ngenshisekelo yekukhonta.

2 yaPhetro 2:15

Bashiye indlela lecondzile bedukela endleleni yaBhalamu, umsa waBheyori, lowatsandza umvuzo lomubi.

2 yaPhetro 2:3

Ngenca yebudli babo bayawutsengiselana ngani ngemavi ebucili. Kusukela emandvulweni kulahlwa kwabo akulibali, nekubhujiswa kwabo akweteli.

YaJuda 1:11

Maye kubo, ngobe bahamba ngendlela yaKhayini; bagijimela ekwedukeni kwaBhalamu ngenca yemvuzo; bahlubukile njengaKhora, nabo babhubha.