KubaseFiliphi 3:9 - Siswati 1996 Bible

⁹ ngitfolakale kuye ngite ngisho nalokuncane kulunga lokukwami, lokutfolakala ngekwenta lokufunwa ngumtsetfo. Kepha ngifuna kutfolakala nginekulunga lokuya ngekukholwa nguKhristu, ngisho kulunga lokutfolakala kuNkulunkulu ngekukholwa.

KubaseFiliphi 3:9 Referencias Cruzadas

Genesisi 7:23

Simakadze wakucitsa kanjalo-ke konkhe lokwakuphila emhlabeni; wacitsa bantfu, netifuyo netilwane letihamba ngesisu, netinyoni letindiza emoyeni. Kwasala Nowa kanye nalabo abenabo emkhunjini.

1 Emakhosi 8:46

“Nangabe bona kuwe, ngobe kute longoni, wena bese uyabatfukutselela, ubanikele etitseni tabo letiyawubatsatsa tibatfumbele eveni lato lelikhashane nome lelisedvute,

2 Tikhronike 32:25

Kodvwa inhlitiyo yakhe yatiphakamisa kangangekutsi akazange awunake lomusa longaka labentelwe wona, ngako lulaka lwaSimakadze lwehlela etikwakhe nasetikwaJuda neJerusalema.

2 Tikhronike 32:31

Kodvwa kwatsi nakufika emancusa aseBhabhulona atfunywe ngumbusi wakhona kutsi atewubuta ngalesimanga sesibonakaliso lesasehlele eveni lakhe, Nkulunkulu wamshiya yedvwa entela kumvivinya, kuze akwati konkhe lokwakusenhlitiyweni yaHezekiya.

Tihlabelelo 14:3

Bonkhe bedukile, bonkhe bonakele, kute lowenta lokulungile; kute, kute ngisho nome munye.

Tihlabelelo 143:2

Ungangibeki licala mine, nceku yakho, ngobe kute umuntfu lomsulwa kuwe.

Tihlabelelo 19:12

Ngubani nje longabona tiphosiso takhe? Simakadze, ngikhulule etonweni letifihlekile.

Umshumayeli 7:20

Kute nome munye umuntfu lolungile emhlabeni lowenta lokuhle kuphela, kubete lakonako.

Isaya 46:13

Ngisondzeta kulunga kwami edvutane, akusekho khashane, nekusindzisa kwami kungeke kwephute. Ngitawupha iSiyoni insindziso, nenkhatimulo yami kuma-Israyeli.”

Isaya 53:11

Emvakwekuhlupheka kwemphefumulo wayo iyawukubona kukhanya kwekuphila, yeneliswe, ngelwati lwayo inceku yami lelungile iyakwenta labanyenti bemukeleke kuNkulunkulu kutsi balungile, njengobe yetfwele tiphambuko tabo.

Isaya 53:6

Tsine sonkhe sedukile njengetimvu, ngulowo nalowo utihambele ngendlela yakhe, Simakadze wayetfwesa kona kwetfu sonkhe.

Isaya 6:5

Ngase ngitsi: “Maye kimi, mine ngiphelile! Ngobe ngingumuntfu lotindzebe temlomo wakhe tingcolile, futsi ngihlala emkhatsini webantfu labatindzebe tabo tingcolile. Emehlo ami ayibonile iNkhosi, Simakadze longuSomandla.”

Jeremiya 23:6

Ngalawo malanga ayo Juda uyawusindziswa, na-Israyeli uyawuhlala aphephile. Leli libito lakhe layawubitwa ngalo, kutsiwe: Simakadze Kulunga Kwetfu.”

Jeremiya 33:16

Kulawo malanga Juda uyawusindziswa, neJerusalema ihlale iphephile. Lelo-ke libito lalo leliyawubitwa ngalo: Simakadze Kulunga Kwetfu.’

Danyela 9:24

“Tikhatsi letingema-70 timiselwe bantfu bakini, nelidolobha lakini kutsi bayekele kona nekwephula imitsetfo, bacedze tono, bahlawulele bubi, bangenise kulunga kwaphakadze, kuciniselwe umbono netiphrofetho, kugcotjwe lowo Longcwelengcwele.

Matewu 9:13

Kepha hambani nifundze kutsi kusho kutsini kutsi: ‘Ngifuna sihawu, hhayi umhlatjelo;’ ngobe angiketeli kubita labalungile kepha toni.”

KubaseRoma 1:17

Ngobe liVangeli lembula kutsi Nkulunkulu wenta kanjani kutsi bantfu balungelane naye: Kungekukholwa, kusuka ekucaleni kuye ekugcineni, njengobe umBhalo utsi: “Lolungile ngekukholwa utawuphila.”

KubaseRoma 10:10

Ngobe umuntfu uyakholwa ngenhlitiyo entiwe emukeleke kuNkulunkulu kutsi ulungile, avume ngemlomo wakhe kube kusindziswa kwakhe.

KubaseRoma 16:7

Hambisani Andronikhusi naJuniyasi, tihlobo tami letatisejele kanye nami. Bona babalulekile kubaphostoli, baba ngemaKhristu kucala kunami.

KubaseRoma 5:21

Ngako-ke, njengobe sono sabusa kwaba kufa, ngalokufananako kubusa kwemusa kwaba kulunga lokusiholela ekuphileni kwaphakadze ngaJesu Khristu iNkhosi yetfu.

KubaseRoma 8:1

Sekute kulahlwa kulabo labakuKhristu Jesu.

KubaseRoma 8:3

Loko-ke lokwehlula umtsetfo ngenca yebutsakatsaka besimo semvelo yemuntfu, Nkulunkulu wakwenta: Ngenca yesono watfumela iNdvodzana yakhe, leyeta ngesimo semuntfu lesonakele, kwatsi ngayo wehlulela sono ebantfwini,

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

2 kubaseKorinthe 5:17

Ngako-ke nangabe umuntfu akuKhristu, usidalwa lesisha; tintfo letindzala setendlulile, konkhe sekwentiwe kwaba kusha.

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

KubaseGalathiya 2:16

Siyati kutsi imisebenti yemtsetfo layentako umuntfu ingeke imente emukeleke kuNkulunkulu kutsi ulungile, kepha umuntfu wemukeleka kuNkulunkulu kutsi ulungile ngekukholwa kwakhe nguKhristu Jesu. Natsi-ke sakholwa nguKhristu Jesu, sentiwa semukeleka kuNkulunkulu kutsi silungile ngaloko kukholwa kwetfu nguKhristu, hhayi ngekwenta loko lokufunwa ngumtsetfo. Empeleni kute umuntfu lowemukeleka kuNkulunkulu kutsi ulungile ngobe ente imisebenti yemtsetfo.

Dutheronomi 27:26

“ ‘Ucalekisiwe umuntfu longawemukeli emavi alomtsetfo ngekutsi awente.’ “Bonkhe bantfu bayawuphendvula batsi: ‘Amen.’ ”

KubaseFiliphi 3:6

Ngatingela libandla ngekushisekela lokukhulu; ngekulunga lokusemtsetfweni bengingasoleki ndzawo.

2 kuThimothi 1:9

Nguye lowasisindzisa wasibita ngelubito lwakhe lolungcwele, hhayi ngemisebenti yetfu, kodvwa ngelisu lakhe nangemusa wakhe, lasipha wona kuKhristu Jesu, umhlaba ungakasekelwa,

kuThithusi 3:5

wasisindzisa, hhayi ngobe besente imisebenti yekulunga, kodvwa ngesihawu sakhe. Wasisindzisa, wasigeza ngekusitala kabusha nangekusenta busha ngaMoya Longcwele,

KumaHebheru 6:18

Ngako-ke Nkulunkulu wasebentisa tintfo letimbili langeke agucuke kuto: setsembiso nesifungo. Tsine-ke lesesitfole kuphepha kuye kufanele sibe nekukhutsatela lokukhulu, siphutfume lelitsemba leselibekwe embikwetfu.

YaJakobe 3:2

Ngobe sonkhe siphosisa ngetindlela letinyenti; nakukhona longaphosisi ngekukhuluma, lowo uphelele ngempela, ngobe uyakwati kubamba ngisho nemtimba wakhe wonkhe shangatsi ngematomu.

2 yaPhetro 1:1

Lencwadzi iphuma kuSimoni Phetro, inceku nemphostoli waJesu Khristu. Iya kini lenemukele kukholwa lokuligugu njengekwetfu. Nikwemukele ngekulunga kwaNkulunkulu neMsindzisi wetfu Jesu Khristu.

1 yaJohane 3:4

Wonkhe umuntfu lowenta sono wephula umtsetfo, ngobe sono sikwephula umtsetfo.