KubaseFiliphi 3:3 - Siswati 1996 Bible

³ Ngitsi labasoke sibili, tsine lesikhonta ngaMoya waNkulunkulu, sitibonga kuKhristu Jesu, asetsembeli enyameni,

KubaseFiliphi 3:3 Referencias Cruzadas

Tihlabelelo 105:3

Tibongeni ngelibito lakhe lelingcwele, atijabule tinhlitiyo talabafuna Simakadze.

Isaya 45:25

Kodvwa kuSimakadze tonkhe titukulwane taka-Israyeli tiyawusindziswa, futsi tiyawumdvumisa.

Jeremiya 4:4

Tisokeni nine kuSimakadze, sokani tinhlitiyo tenu, nitinikele kuye ngalokuphelele, nine madvodza akaJuda nesive saseJerusalema. Ngaphandle kwaloko lulaka lwami lutawucitseka luvutse njengemlilo ngenca yebubi lenibentile, luvutse, kubete nalongalucisha.”

Jeremiya 9:26

baseGibhithe, nebakaJuda, nebaka-Edomu, nebaka-Amoni, nebakaMowabi, nabo bonkhe labahlala ehlane etindzaweni letikhashane. Ngobe tonkhe leto tive empeleni atikasoki, ngisho nayo yonkhe indlu yaka-Israyeli ayikasoki enhlitiyweni.”

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

KubaseRoma 1:9

Nkulunkulu lengimkhonta ngemoya wami wonkhe ngekushumayela liVangeli leNdvodzana yakhe ungufakazi wami wekutsi nginikhumbula kangakanani emithandazweni yami onkhe emalanga.

KubaseRoma 15:17

Njengobe ngikuKhristu Jesu ngineligugu ngaloko Nkulunkulu lakwenta ngami.

KubaseRoma 7:6

Noko, nyalo, sesikhululekile ekubeni ngaphansi kwemtsetfo, ngobe safa sehlukana naloko kwakusente tiboshwa, asisakhonti ngendlela lendzala yekwenta lokufunwa ngumtsetfo lobhaliwe, kodvwa sikhonta ngendlela lensha yaMoya.

KubaseRoma 8:15

Ngobe anemukelanga umoya webugcili wekutsi nibuye nesabe, kodvwa nemukela Moya losenta emadvodzana, sikhulume ngaye kuNkulunkulu sitsi: “Babe! Babe wami!”

KubaseRoma 8:39

nalokuphakeme, nalokujulile, nome ngusiphi sidalwa, kungeke kube nemandla ekusehlukanisa nelutsandvo lwaNkulunkulu lolukuKhristu Jesu, iNkhosi yetfu.

KubaseRoma 9:6

Kodvwa akusiko kutsi livi laNkulunkulu selehlulekile. Ngobe akusibo bonkhe labasitukulwane sa-Israyeli labangema-Israyeli.

2 kubaseKorinthe 11:18

Ingani bantfu labanye bayatigabatisa ngetintfo tabo temhlaba; pho, mine ngitakuyekelelani kutigabatisa?

KubaseGalathiya 5:25

Njengobe siphila kuMoya, ngako asihambe ngaMoya.

KubaseGalathiya 6:16

Kuthula nemusa akube kubo bonkhe labahamba ngalomyalo, ema-Israyeli aNkulunkulu.

Kubase-Efesu 6:18

Khulekani ngaso sonkhe sikhatsi nikuMoya ngekukhuleka konkhe nekuncenga. Nilindzele ngesineke sonkhe, nangekuncusela labangcwele bonkhe.

Dutheronomi 10:16

Ngako-ke, sokani tinhlitiyo tenu, ningaphindzi nibe netinhloko letilukhuni.

Dutheronomi 30:6

Simakadze Nkulunkulu wenu uyawusoka tinhlitiyo tenu netinhlitiyo tetitukulwane tenu, kuze nitsandze yena ngayo yonkhe inhlitiyo yenu, nangawo wonkhe umphefumulo wenu, niphile.

KubaseFiliphi 1:1

Lencwadzi iphuma kuboPawula naThimothi, tinceku taKhristu Jesu. Iya kubo bonkhe labangcwele baseFiliphi, labakuJesu Khristu, nakubabonisi nebadikhoni:

KubaseFiliphi 3:12

Akusho kutsi konkhe loku sengikubambile nekutsi sengiphelelisiwe. Kepha ngicondze kutsi ngikubambe kube kwami, njengobe naKhristu wangizuza, wangenta kutsi ngibe wakhe.

KubaseFiliphi 3:14

ngibabele emgomeni, kuyakwemukela umklomelo wekuphila kwasezulwini, Nkulunkulu langibitele kuko ngaKhristu Jesu.

KubaseKholose 2:11

Kuye nani nasokwa, hhayi ngalokwentiwa ngetandla, kodvwa ngekusoka kwaKhristu lokungukwehlukana nemtimba wemvelo.

YaJuda 1:20

Kodvwa nine, bazalwane bami, yakhanani ekukholweni lokungcwele, nikhuleke ngaMoya Longcwele.