KubaseFiliphi 3:2 - Siswati 1996 Bible

² Caphelani tinja, nicaphele tisebenti tebubi, nicaphele bekusika umtimba.

KubaseFiliphi 3:2 Referencias Cruzadas

Tihlabelelo 119:115

Sukani kimi, nine lababi, kuze ngigcine imiyalo yaNkulunkulu wami.

Tihlabelelo 22:16

Yebo-ke, tinja tingihace ndzawo tonkhe, nesicumbi salababi singitungeletile, singibhobose tandla netinyawo.

Tihlabelelo 22:20

Sindzisa umphefumulo wami enkembeni, nekuphila kwami lokuligugu ukwephule emlonyeni wetinja.

Taga 26:11

Silima lesenta intfo lembi kuze kube kabili sifanana nenja yona lebuyela iyekudla emahlante ayo.

Matewu 24:10

Labanyenti bayawuhlubuka, batsengisane bodvwana, batondzane.

Matewu 7:15

“Caphelani baphrofethi bemanga, labeta kini banjengetimvu ngaphandle, kodvwa ngekhatsi banjengetimphisi letibukhali.

Matewu 7:6

“Ningatiniki tinja lokungcwele, ningawalahli etihhontjini ematje enu laligugu, funa tiwagcobagcobe ngetinselo tato, bese tigucukela kini tiyanidzabudzabula.”

KubaseRoma 2:28

UmJuda akusiye umJuda ngalokubonakalako, nekusoka akusiko loko lokubonakala emehlweni kuphela.

2 kubaseKorinthe 11:13

Ngobe labantfu babaphostolimbumbulu, tisebenti temanga; batenta shangatsi baphostoli baKhristu.

KubaseGalathiya 5:13

Ngobe bazalwane, nabitelwa enkhululekweni; kuphela nje ningayisebentisi inkhululeko yenu kunika ematfuba ekwenta sono, kodvwa khontanani ngelutsandvo lomunye kulomunye.

KubaseGalathiya 5:15

Kodvwa nanilumana nidlane nodvwana, nibocaphela kutsi ningacedzani.

KubaseGalathiya 5:6

Ngobe kuKhristu Jesu kusoka nekungasoki akunamsebenti, kodvwa kuphela kukholwa lokusebenta ngelutsandvo.

KubaseFiliphi 3:19

Kuphela kwabo kubhujiswa, nkulunkulu wabo sisu, ludvumo lwabo lusehlazweni labo, bangulabanaka tintfo temhlaba.

KubaseFiliphi 3:3

Ngitsi labasoke sibili, tsine lesikhonta ngaMoya waNkulunkulu, sitibonga kuKhristu Jesu, asetsembeli enyameni,

1 kuThimothi 1:19

ngekubambelela ekukholweni uhlale unanembeza lomsulwa. Labanye batsi ngekungalaleli lonembeza wabo bephukelwa ngumkhumbi wabo wekukholwa.

kuThithusi 1:16

Bavuma ngemlomo kutsi bayamati Nkulunkulu, kepha ngetento tabo bayamphika; bayenyanyeka, abalaleli, bayehluleka kwenta nome ngabe yini lenhle.

2 yaPhetro 2:22

Kubehlele njengobe saga lesicinisile sitsi: “Inja seyibuyele emahlanteni ayo,” nekutsi: “Ingulube igezwe cedze yabuyela yayawubhocota eludzakeni.”

YaJuda 1:4

Ngobe kukhona labangene ngekunyelela ebandleni. ImiBhalo kadze yasho ngalabo bantfu kutsi bamiselwe kubhujiswa kwaphakadze. Abamesabi Nkulunkulu; sebaguculele umusa wakhe bawenta siyalu sebugwadla nebuphingi, baphika Jesu Khristu, iNkhosi yetfu, lekunguye yedvwa uMbusi.

Sembulo 2:9

Ngiyakwati kuhlupheka kwakho; ngiyabati buphuya bakho, kodvwa ube unjingile. Ngiyakwati lokubi lokushiwo ngulabo labatsi bangemaJuda kantsi abasiwo, kodvwa babe balisinagoge laSathane.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”

Sembulo 22:15

Kepha ngephandle kunetinja, nebatsakatsi, netingwadla, netiphingi, nebabulali, nalabakhonta tithico, nabo bonkhe labatsandza kucala emanga ngekukhuluma nangetento.

Sembulo 3:9

Lalela la, labo labalisinagoge laSathane, labatsi bangemaJuda babe bangesiwo, bacala emanga, ngitawubenta bete bakhotsame etinyaweni takho, baze babone kutsi wena ngikutsandzile.