KubaseFiliphi 3:13 - Siswati 1996 Bible

¹³ Bazalwane, angisho kutsi mine lucobo sengikubambile, kepha kunye lengikwentako: Ngikhohlwa lokungemuva, ngitelulele kulokusembili,

KubaseFiliphi 3:13 Referencias Cruzadas

Tihlabelelo 27:4

Kunye kuphela lengakucela kuSimakadze, ngiko kodvwa lengikufunako: kutsi ngihlale endlini yaSimakadze onkhe emalanga ekuphila kwami, ngibukisise buhle baSimakadze, ngizindle ngaye ngisethempelini lakhe.

Tihlabelelo 45:10

Kuwe-ke, ndvodzakati yami, ngitsi: “Vula indlebe yakho, ulalele naku lengikushoko: Sikhohlwe sive sakini nebakenu.

Lukha 10:42

kodvwa yinye kuphela ledzingekile. Mariya ukhetse intfo lengiyo sibili, kunjalo nje angeke ayemukwe ngumuntfu leyo ntfo.”

Lukha 9:62

Jesu watsi kuye: “Wonkhe lobambe likhuba alima bese ubuka emuva, akawufaneli umbuso waNkulunkulu.”

2 kubaseKorinthe 5:16

Ngako kusukela nyalo asiseyikwati muntfu ngekwenyama. Nome sake samati Khristu ngekwenyama nyalo asisamati kanjalo.

KubaseFiliphi 2:12

Batsandzekako bami, benilalele ngetikhatsi tonkhe, kungasiko nangikhona kuphela, kodvwa kakhulu manje nangingekho. Ngako-ke, fezani kusindziswa kwenu ngekwesaba nangekutfutfumela,

KubaseFiliphi 3:12

Akusho kutsi konkhe loku sengikubambile nekutsi sengiphelelisiwe. Kepha ngicondze kutsi ngikubambe kube kwami, njengobe naKhristu wangizuza, wangenta kutsi ngibe wakhe.

KubaseFiliphi 3:8

Yebo, konkhe ngikushaya lite ngebukhulu bekumati Khristu Jesu iNkhosi yami, lengilahlekelwe ngiko konkhe ngenca yakhe. Ngikushaya tibi, kuze ngizuze Khristu,

KumaHebheru 6:1

Ngako-ke asitishiye timfundziso tekucatfuta evini laKhristu, sendlulele kuletingembili talasebavutsiwe eNkhosini. Asikuyekele kuphindza sibeke sisekelo ngekushumayela kuphendvuka emisebentini lefile, kanye nesekukholwa kuNkulunkulu.

2 yaPhetro 3:8

Kepha, batsandzekako, ningakhohlwa kutsi lilanga lilinye eNkhosini lingangeminyaka leyinkhulungwane, nekutsi iminyaka leyinkhulungwane ingangelilanga linye.