KubaseFiliphi 3:12 - Siswati 1996 Bible

¹² Akusho kutsi konkhe loku sengikubambile nekutsi sengiphelelisiwe. Kepha ngicondze kutsi ngikubambe kube kwami, njengobe naKhristu wangizuza, wangenta kutsi ngibe wakhe.

KubaseFiliphi 3:12 Referencias Cruzadas

Jobe 17:9

Noko, labangcwele batawubambelela etindleleni tabo, nalabo labatandla tabo tingenacala lalutfo batawuchubeka babe nemandla lamasha.

Tihlabelelo 119:5

Shangatsi tindlela tami tingacondza njalo ekutigcineni timiso takho.

Tihlabelelo 138:8

Simakadze uyawusifeza kimi setsembiso sakhe; umusa waSimakadze ume kuze kube phakadze. Cedzela lomsebenti wakho lowawusungula, ungawukhohlwa umsebenti wetandla takho.

Tihlabelelo 42:1

Njengendluzele yomele emanti emfula, kanjalo nemphefumulo wami ulangatelela wena, Nkulunkulu.

Tihlabelelo 63:8

Umphefumulo wami unamatsela kuwe, sandla sakho sekudla siyangisimisa.

Tihlabelelo 84:2

Umphefumulo wami ulangatelela emagceke akho, inhlitiyo yami nemtimba wami kuhlabela kumemete ngekujabula lokukhulu kuNkulunkulu lophilako.

Tihlabelelo 94:15

Kulunga kuyawuphindze kubuyele ekwehlulelweni, bonkhe labacotfo ngenhlitiyo bayawukulandzela.

Taga 4:18

Kodvwa indlela yalabalungile ifanana nekukhanya kwentsatsakusa, lokuya ngekuya kuze kube ngusemini.

Isaya 51:1

“Lalelani kimi, nine lenifunisisa kulunga, nalenifuna Simakadze: Bukani kulelo dvwala lenacetulwa kulo nakuleyo nkwali lenacotwa kuyo,

Hoseya 6:3

Asimhloniphe Simakadze, sitimisele nekumnaka. Impela, njengobe kucinisekile kutsi lilanga liphuma ekuseni, kanjalo naye uyachamuka ete kitsi njengetimvula tasebusika, nanjengetimvula tasentfwasahlobo letinisela umhlaba.”

Matewu 5:48

Ngako-ke nani banini ngulabaphelele, njengobe neYihlo losezulwini aphelele.”

Imisebenti yebaPhostoli 9:15

INkhosi yatsi kuye: “Hamba, ngobe lowo muntfu usitja sami lengisikhetsile kutsi siphatse libito lami kubetive nakumakhosi, nakubantfu baka-Israyeli.

KubaseRoma 8:39

nalokuphakeme, nalokujulile, nome ngusiphi sidalwa, kungeke kube nemandla ekusehlukanisa nelutsandvo lwaNkulunkulu lolukuKhristu Jesu, iNkhosi yetfu.

1 kubaseKorinthe 13:10

kepha nase kufike lokuphelele, loko lokuyincenye kuyawuphela.

1 kubaseKorinthe 13:12

Ngobe nyalo sibona esibukweni kaluvitsi, kodvwa ngale siyawubukana buso nebuso. Nyalo ngati lokuncane, kepha ngale ngiyawukwati ngalokuphelele, njengobe ngatiwa ngalokuphelele.

1 kubaseKorinthe 9:24

Anati yini kutsi labagijima ngekuncintisana bagijima bonkhe, kodvwa munye lowemukela umklomelo? Nani-ke gijimani, khona nitewutfola lomklomelo.

2 kubaseKorinthe 13:9

Ngobe tsine siyajabula nangabe nine nicinile nome tsine sibutsakatsaka. Sithandazela kutsi nine nipheleliswe kuKhristu.

2 kubaseKorinthe 7:1

Bazalwane, njengobe letetsembiso titetfu, asitihlante kuko konkhe lokungcolisa umtimba nemoya, siphile imphilo yebungcwele lobuphelele ngekwesaba Nkulunkulu.

KubaseGalathiya 5:17

Ngobe inyama ikhanuka lokuphambene naMoya, naMoya, uphambene nenyama, ngobe kokubili kuyaphikisana, kuze ningetikwenta lenikutsandzako.

Kubase-Efesu 1:4

Kwatsi nemhlaba ungakasekelwa, Nkulunkulu wasikhetsa ngaKhristu, kuze sibe ngcwele, singabi nasici emehlweni akhe. Njengobe asitsandza,

Kubase-Efesu 4:12

Loko wakwentela kutsi labangcwele bahlonyiselwe umsebenti wabo wekukhonta, kuze kwakheke umtimba waKhristu,

KubaseFiliphi 1:1

Lencwadzi iphuma kuboPawula naThimothi, tinceku taKhristu Jesu. Iya kubo bonkhe labangcwele baseFiliphi, labakuJesu Khristu, nakubabonisi nebadikhoni:

KubaseFiliphi 3:16

Kuphela nje kutsi lesesifikile kuko, asihambe ngemkhondvo wako.

KubaseFiliphi 3:3

Ngitsi labasoke sibili, tsine lesikhonta ngaMoya waNkulunkulu, sitibonga kuKhristu Jesu, asetsembeli enyameni,

KubaseFiliphi 3:8

Yebo, konkhe ngikushaya lite ngebukhulu bekumati Khristu Jesu iNkhosi yami, lengilahlekelwe ngiko konkhe ngenca yakhe. Ngikushaya tibi, kuze ngizuze Khristu,

1 kubaseThesalonika 5:15

Bonani kutsi kubete lophindzisela kulomunye lokubi ngalokubi, kodvwa ngato tonkhe tikhatsi yetamani kwenta lokuhle kubo bonkhe bantfu.

2 kubaseThesalonika 2:13

Kodvwa tsine simelwe kutsi sibonge Nkulunkulu njalo ngani, bazalwane labatsandvwe yiNkhosi, ngobe Nkulunkulu wanikhetsela kutsi nibe bekucala ensindzisweni ngekuhlantwa nguMoya, nangekukholwa liciniso.

1 kuThimothi 5:10

Kufanele atiwe ngetento takhe letinhle, njengemuntfu lowake wondla wakhulisa bantfwana, waphatsa kahle tihambi, wageza tinyawo talabangcwele, wasita labahluphekile, futsi kufanele abe ngulabetinikele kwenta lokuhle nome ngayiphi indlela.

1 kuThimothi 6:19

Ngaloko batibekela sisekelo lesihle sesikhatsi lesitako, khona batewunamatsela ekuphileni lokunguko sibili.

KumaHebheru 12:14

Yetamani kuba nekuthula nabo bonkhe bantfu, nifune kungcweliswa, ngobe kute loyawuyibona iNkhosi angakangcweliswa.

KumaHebheru 12:23

kanye nelibandla lematubulo lamabito awo abhaliwe ezulwini. NisembikweMehluleli longuNkulunkulu wabo bonkhe, nakuyo imimoya yalabalungile labaphelelisiwe,

KumaHebheru 13:21

anganiphelelisa kuko konkhe lokuhle, kuze nente intsandvo yakhe, asebente kini ente ngaJesu Khristu loko lokujabulisako emehlweni akhe. Ludvumo alube kuKhristu phakadze naphakadze. Amen.

YaJakobe 3:2

Ngobe sonkhe siphosisa ngetindlela letinyenti; nakukhona longaphosisi ngekukhuluma, lowo uphelele ngempela, ngobe uyakwati kubamba ngisho nemtimba wakhe wonkhe shangatsi ngematomu.

1 yaPhetro 5:10

Emvakwekuhlupheka kwalesikhashana Nkulunkulu wemusa wonkhe, lowanibitela kutsi nihlanganyele naKhristu ebukhosini baphakadze, yena matfupha uyawuniphelelisa, anakhe anicinise, anitintise.

2 yaPhetro 3:18

Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.