KubaseFiliphi 2:30 - Siswati 1996 Bible

³⁰ Ngobe ngenca yemsebenti waKhristu wacishe wafa, watidzela, kuze agcwalise lokusilele ekungikhonteni kwenu.

KubaseFiliphi 2:30 Referencias Cruzadas

Imisebenti yebaPhostoli 20:24

Kepha ngikhandza kutsi imphilo yami ayisho lutfo kimi, nangabe nje ngingaphumisela indzima yami ngicedze nemsebenti lengawunikwa yiNkhosi Jesu, wekutsi ngifakaze ngeliVangeli lemusa waNkulunkulu.

KubaseRoma 16:4

labanikela ngemphilo yabo kutsi ibesengotini ngenca yami. Ngiyababonga kakhulu, hhayi mine ngedvwa, kepha nawo onkhe emabandla ebetive.

1 kubaseKorinthe 15:53

Ngobe loku lokubolako kufanele kutsi kwembatse kungaboli, naloko lokufako kufanele kutsi kwembatse kungafi.

1 kubaseKorinthe 16:10

Nakufika Thimothi lapho kini, nibocaphelisisa kutsi nimemukele, ativele asekhaya, ngobe wenta msebenti munye nami, umsebenti weNkhosi.

1 kubaseKorinthe 16:17

Ngiyatfokota ngekufika kwaStefanasi, naFothunatusi, na-Akhayikhusi, ngobe bayanimelela nome ningekho.

2 kubaseKorinthe 12:15

Ngiyawujabula kutsi nginikele ngako konkhe ngize nginikelwe nami lucobo, kuze kusitakale imiphefumulo yenu. Nanginitsandza kakhulu, pho, mine kufanele yini kutsi ngitsandvwe kancane?

2 kubaseKorinthe 4:12

Kanjalo-ke kitsi kusebenta kufa, kepha kini kusebenta kuphila.

KubaseFiliphi 2:17

Kukholwa kwenu kungumhlatjelo wenu lonikelwa kuNkulunkulu. Nome ingati yami beyingengetwa kuwo lomhlatjelo, mine bengingajabula, sijabule kanye nani nonkhe.

KubaseFiliphi 2:27

Ngempela abegula, asemkhatsini wekufa nekuphila, kepha Nkulunkulu wamhawukela, kungesiye yena yedvwa, kepha wangihawukela nami kutsi ngingabi nelusizi etikwelusizi.

KubaseFiliphi 4:10

Ngijabule kakhulu eNkhosini, ngobe manje senite navuselela kunginakekela kwenu; noko beninginakekela, kepha benisengakabi nelitfuba lekukwenta loko.

KubaseFiliphi 4:18

Ngemukele konkhe ngalokungetulu, ngenelisekile ngetipho lengitinikwe ngu-Ephafrodithu tichamuka kini, letingumnikelo longemakha lamnandzi, umhlatjelo lowemukelekako nalojabulisako kuNkulunkulu.

kuFilemoni 1:13

Bengingatsandza kutsi ngimgcine ngalapha ngakimi, njengobe ngisiboshwa nje, khona atewutsatsa indzawo yakho ekungisiteni ngesikhatsi ngisaboshiwe ngenca yeliVangeli.

Sembulo 12:11

Bamehlule ngengati yeliWundlu nangelivi lebufakazi babo, ngobe abakutsandzanga kuphila kwabo kwaze kwabasekufeni.