KubaseFiliphi 2:29 - Siswati 1996 Bible

²⁹ Ngako-ke memukeleni eNkhosini ngekutfokota konkhe; labanjalo-ke nibobatisa.

KubaseFiliphi 2:29 Referencias Cruzadas

Isaya 52:7

Maye, tinhle etintsabeni tinyawo talabo labashumayela tindzaba letimnandzi, labamemetela kuthula, baletse tindzaba letimnandzi, bamemetele insindziso kuyo iSiyoni, batsi: “Nkulunkulu wakho uyabusa!”

Lukha 9:5

Lapho banganemukeli khona lishiyeni lelo dolobha, nitsintsitse lutfuli etinyaweni tenu, kuze kube bufakazi bekunala kwabo.”

Johane 13:20

Ngicinisile, ngicinisile, ngitsi kini: Lowo lowemukela nome ngubani lengimtfumile, wemukela mine; nalowo lowemukela mine, wemukela lowo longitfumile.”

Imisebenti yebaPhostoli 2:46

Onkhe emalanga babecinisela njalo ekuhlanganeni ethempelini, banhlitiyonye, babevakashelana emakhaya, badle ndzawonye ngetinhlitiyo letijabulako naletitfobekile,

Imisebenti yebaPhostoli 28:10

Ngako base basipha tipho letinyenti. Kwatsi nome sesihamba, basipha lesasingahle sikudzinge endleleni.

Imisebenti yebaPhostoli 8:8

Kwaba nekutfokota lokukhulu kulelo dolobha.

KubaseRoma 10:15

Bangashumayela njani bangakatfunywa? Njengobe kubhaliwe kutsi: “Maye, tinhle tinyawo talabo labashumayela liVangeli.”

KubaseRoma 16:2

Memukeleni egameni leNkhosi njengalokufanele labangcwele, nimnike lonkhe lusito langahle aludzinge kini, ngobe ube lusito kubantfu labanyenti ngisho nakini lucobo.

1 kubaseKorinthe 16:10

Nakufika Thimothi lapho kini, nibocaphelisisa kutsi nimemukele, ativele asekhaya, ngobe wenta msebenti munye nami, umsebenti weNkhosi.

1 kubaseKorinthe 16:18

Ngobe bawuhlumelele umoya wami newenu; ngako-ke bahlonipheni labanjalo.

2 kubaseKorinthe 10:18

Ngobe lowemukelela eNkhosini, akusiye lotincomako, kodvwa ngulowo lonconywa yiNkhosi.

2 kubaseKorinthe 7:2

Semukeleni ngenhlitiyo lemhlophe. Kute lesamona, kute lesamphatsa kabi, kute nalesamphamba.

KubaseFiliphi 2:28

Ngaloko-ke ngakhutsalela kakhulu kumtfuma, kuze kutsi nase nimbonile futsi nitfokote, nakimi kunciphe lusizi.

KubaseKholose 4:10

Uyanihambisa Aristakhusi losiboshwa kanye nami, naMakho, umzala waBhanabasi, lenatjelwa ngaye, nakefika lapho kini nibomemukela.

1 kubaseThesalonika 5:12

Siyanincenga, bazalwane, kutsi nibahloniphe labo labasebenta emkhatsini wenu, babaholi benu eNkhosini, labaniyala ngemphilo yebuKhristu.

1 kuThimothi 5:17

Babonisi belibandla labaphetse kahle bafanele kubongwa ngalokuphindziwe, ikakhulu labo labasebenta ngekushumayela nangekufundzisa.

KumaHebheru 13:17

Hloniphani baholi benu, nilalele imitsetfo yabo, ngobe balindza imiphefumulo yenu bangaphumuli, njengobe bayawulandzisa ngayo. Nanenta njalo, nibasita, umsebenti wabo batawenta ngekujabula, hhayi ngelusizi; ngobe nani kungeke kunisite loko.

3 yaJohane 1:10

Ngako-ke nangifika lapho, ngiyawuvumbulula konkhe lokubi lakwente kitsi ngemavi lamabi, asihleba. Kodvwa loko akumenelisi, ngobe ujinge angabemukeli bazalwane; nalabo labafuna kubemukela, uyabavimbela abancume nasebandleni.