KubaseFiliphi 2:27 - Siswati 1996 Bible

²⁷ Ngempela abegula, asemkhatsini wekufa nekuphila, kepha Nkulunkulu wamhawukela, kungesiye yena yedvwa, kepha wangihawukela nami kutsi ngingabi nelusizi etikwelusizi.

KubaseFiliphi 2:27 Referencias Cruzadas

2 Emakhosi 20:1

Kulawo malanga Hezekiya wagula wabangwa netibi. Umphrofethi, Isaya, umsa wa-Amose, waya kuye, wafike watsi: “Naku lokushiwo nguSimakadze, utsi: Sale ulungisa kahle tonkhe tintfo tasemndenini wakakho, ngobe sewutakufa, ngeke usindze.”

Jobe 5:19

Nome ungehlelwa tehlakalo letisitfupha, uyakukusindzisa kuto tonkhe; nome nguletisikhombisa kute lokuyakukulimata.

Tihlabelelo 34:19

Lolungile uhlala ajingwe tinhlupheko letinyenti, kodvwa Simakadze umkhulula kuto tonkhe,

Isaya 27:8

Kulwa kwakhe nebaseJerusalema kugcina ngekutsi abadvungulule baye ekutfunjweni, abakhiphe ngesikhahlo sakhe njengekuhhusha kwemoya wasemphumalanga.

Isaya 38:17

Empeleni wentele kusita mine lokutsi ngive tinhlungu letinje. Elutsandvweni lwakho wangisindzisa emgodzini wembhubhiso, utsatse tonkhe tono tami watilahla emvakwakho.

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Jeremiya 10:24

Awu, Simakadze, ngicondzise, loko ukwente ngemtsetfocotfo wakho kuphela, kungabi ngekwelulaka lwakho, funa ungehlise ngidzimate ngibe lite.

Jeremiya 45:3

Watsi kimi: ‘Nako kimi! Simakadze sewengete iminjunju etinhlungwini tami, sengiphelile ngenca yekububula kwami, angisatfoli nekuphumula.’ ”

Jeremiya 8:18

Kute likhambi kulolusizi lwami, inhlitiyo yami iselusizini.

Habakhuki 3:2

Awu Simakadze, ngivile ngeludvumo lwakho; ngimangaliswa tento takho, wena Simakadze. Phindza utivusetele nangalamalanga etfu, tente tatiwe nangaletikhatsi tetfu. Elulakeni lwakho khumbula umusa.

Imisebenti yebaPhostoli 9:37

Ngaso leso sikhatsi wagula, wafa. Sidvumbu sakhe basigeza basilalisa endlini esitezi.

1 kubaseKorinthe 10:13

Anikefikelwa kulingwa lokwehlukile kunekwalabanye bantfu. Kepha Nkulunkulu wetsembekile, yena angeke avume kutsi nilingwe ngalokungetulu kwemandla enu. Ngesikhatsi sekulingwa utaninika emandla ekuma, anentele nendlela yekuphepha.

2 kubaseKorinthe 2:7

Nyalo-ke sekufuneka nine nimcolele nibuye nimkhutsate, ningamyekeleli etinhlungwini adzimate aphele.

KubaseFiliphi 2:26

Loku phela abenilangatelela nonkhe, asakhatsatekile emoyeni wakhe, njengobe neva kutsi abegula.

KubaseFiliphi 2:28

Ngaloko-ke ngakhutsalela kakhulu kumtfuma, kuze kutsi nase nimbonile futsi nitfokote, nakimi kunciphe lusizi.

KubaseFiliphi 2:30

Ngobe ngenca yemsebenti waKhristu wacishe wafa, watidzela, kuze agcwalise lokusilele ekungikhonteni kwenu.