KubaseFiliphi 2:21 - Siswati 1996 Bible

²¹ Ngobe bonkhe labanye batifunela kwabo, abafuni kona kwaJesu.

KubaseFiliphi 2:21 Referencias Cruzadas

2 Emakhosi 12:6

Kodvwa kwaze kwaba ngumnyaka wema-23 wekubusa kwenkhosi Jowashi solomane baphristi bangakalakhi kabusha lithempeli.

Isaya 56:11

Batinja letitsandza kakhulu kudla, abesutsi. Babelusi labangenakucondza, bonkhe bajikela etindleleni tabo, ngulowo nalowo bese utifunela kwakhe.

Malakhi 1:10

“Awu, shangatsi lomunye wenu angavala iminyango yelithempeli, kuze ningetikuyokhela imililo lengenamsebenti elatini lami! Angijabuli ngani, futsi ngingeke ngiwemukele umnikelo lophuma etandleni tenu,” kusho Simakadze longuSomandla.

Matewu 16:24

Jesu wakhuluma kubafundzi bakhe watsi: “Umuntfu nakafuna kungilandzela, akatidzele, etjatse siphambano sakhe, angilandzele.

Lukha 14:26

“Lota kimi angeke abe ngumfundzi wami ngaphandle kwekutsi adzele uyise nenina, umfati wakhe nebantfwabakhe, bomnakabo nabodzadzewabo, yebo, kanye nemphilo yakhe lucobo lwayo.

Imisebenti yebaPhostoli 13:13

Pawula nebangani bakhe bahamba ngemkhumbi besuka ePhafosi baya ePhega yasePhamfiliya, kepha Johane Makho wabashiya wabuyela emuva eJerusalema.

Imisebenti yebaPhostoli 15:38

kepha Pawula akakubonanga kulungile kumtsatsa, ngobe akachubekanga nabo emsebentini wabo wonkhe, kepha abebuyele emuva wabashiya ePhamfiliya.

1 kubaseKorinthe 10:24

Akubete lotifunela kwakhe, akube ngulowo nalowo afunele lomunye.

1 kubaseKorinthe 10:33

njengobe nami ngijabulisa bonkhe bantfu ngako konkhe, ngingafuni kutisita mine, kodvwa ngifuna kusita labanyenti, kuze kutsi basindziswe.

1 kubaseKorinthe 13:5

Lutsandvo alutiphatsi ngalokungakafaneli, alutifuneli kwalo, alucansuki, alunamagcubu,

2 kubaseKorinthe 1:5

Njengaloku tinhlupheko taKhristu tisiphetse kangaka, kanjalo-ke nekudvudvuteka kwetfu kuyaphuphuma ngaKhristu.

KubaseFiliphi 2:4

Ngulowo nalowo anganakekeli kwakhe yedvwa, kepha anakekele nekwalabanye:

2 kuThimothi 1:15

Uyati kutsi bonkhe labase-Asiya bangifulatsela, boFigelusi naHemogenesi basemkhatsini wabo.

2 kuThimothi 3:2

Bantfu bayawutitsandza, batsandze imali, batigcabhe, batigabatise, balulate Nkulunkulu ngenhlamba. Bayawuba ngulabangalaleli batali babo, bangabongi, babete bungcwele,

2 kuThimothi 4:10

Demasi sewungibalekele waya eThesalonika, ngenca yekutsandza lelive. Khresensi waya eGalathiya, Thithusi waya eDalmathiya;

2 kuThimothi 4:16

Ekutiphendvuleleni kwami kwekucala kute ngisho namunye lowangimela, bonkhe bangilahla. Abangabekelwa sono!