KubaseFiliphi 1:6 - Siswati 1996 Bible

⁶ Nginelitsemba leliphelele kutsi lowo lowacala umsebenti lomuhle kini, uyakuwufeza kuze kube lilanga laKhristu Jesu.

KubaseFiliphi 1:6 Referencias Cruzadas

Tihlabelelo 138:8

Simakadze uyawusifeza kimi setsembiso sakhe; umusa waSimakadze ume kuze kube phakadze. Cedzela lomsebenti wakho lowawusungula, ungawukhohlwa umsebenti wetandla takho.

Johane 6:29

Jesu wabaphendvula watsi: “Umsebenti waNkulunkulu kutsi nikholwe nguye lamtfumile.”

Imisebenti yebaPhostoli 11:18

Batsi nabeva loko, babindza, base badvumisa Nkulunkulu batsi: “Nembala Nkulunkulu sewunike nebetive litfuba lekuphendvukela ekuphileni.”

Imisebenti yebaPhostoli 16:14

Lomunye walabo lowasilalela nguLidiya, waseThiyathira, umtsengisi wetingubo letibukhwebeletane; abengumfati losikhonti saNkulunkulu. INkhosi yavula inhlitiyo yakhe kuze eve emukele loko lokwakukhulunywa nguPawula.

1 kubaseKorinthe 1:8

Yena uyawunicinisa nani, kudzimate kube ngusekupheleni, nitfolakale nite licala mzukwana welilanga leNkhosi yetfu Jesu Khristu.

2 kubaseKorinthe 1:15

Kucala ngangifisa kuta kini, kuze nitewutfola umusa ngalokuphindziwe.

2 kubaseKorinthe 2:3

Nguloko lokwabangela kutsi ngibhale njengaloku ngenta. Ngangentela kutsi nangifika ngingete ngaviswa buhlungu ngulabo lekufanele bangijabulise. Mine nginati kahle kamhlophe, kangangekutsi ngingasho ngitsi nangijabulile mine, nani nijabulile.

2 kubaseKorinthe 7:16

Ngiyajabula ngobe, kuko konkhe, sengingetsembela ngalokuphelele kini.

2 kubaseKorinthe 9:4

ngobe phela nangingafika nemaMasedoniya sikhandze ningakalungeli, tsine nani siyawuba nemahloni, ngobe besinetsembe kakhulu.

KubaseGalathiya 5:10

Ngisenelitsemba ngani eNkhosini kutsi ningeke niwutsatse lomunye umcondvo; kodvwa lowo lonihluphako uyakwetfwala sijeziso sakhe, nome ngangubani.

Kubase-Efesu 4:12

Loko wakwentela kutsi labangcwele bahlonyiselwe umsebenti wabo wekukhonta, kuze kwakheke umtimba waKhristu,

KubaseFiliphi 1:10

nize nikwati kwehlukanisa lokuncono, nibe msulwa nibete sici, kuze kube lilanga laKhristu.

KubaseFiliphi 1:29

Ngobe ngenca yaKhristu nine nabelwa ngemusa angisho kukholwa kuye kuphela, kepha nekuhlupheka ngenca yakhe.

KubaseFiliphi 2:12

Batsandzekako bami, benilalele ngetikhatsi tonkhe, kungasiko nangikhona kuphela, kodvwa kakhulu manje nangingekho. Ngako-ke, fezani kusindziswa kwenu ngekwesaba nangekutfutfumela,

KubaseFiliphi 2:13

ngobe nguNkulunkulu losebenta kini kutsandza nekwenta ngekwentsandvo yakhe lenhle.

KubaseFiliphi 2:16

nisabapha livi lekuphila. Nanenta njalo-ke, ngiyawuba nekutibonga ngelilanga laKhristu ngekutsi angigijimelanga lite nome-ke angisebentelanga lite.

KubaseKholose 2:12

Nembelwa kanye naye embhabhatisweni, lokungawo futsi navuswa kanye naye ngekukholwa ngemandla aNkulunkulu, lowamvusa ekufeni.

1 kubaseThesalonika 1:3

kuNkulunkulu wetfu, longuBabe, sikhumbula imisebenti yenu yekukholwa, nemisiphalato yelutsandvo, nekubambelela kwenu etsembeni leliseNkhosini yetfu Jesu Khristu.

2 kubaseThesalonika 1:11

Kunguko nje sinikhulekela onkhe emalanga, kuze kutsi Nkulunkulu wetfu anente nibe ngulabafanele lubito lwakhe, nekutsi aphelelise ngemandla akhe konkhe lokuhle lenifisa kukwenta, nemsebenti wekukholwa.

2 kubaseThesalonika 3:4

Sinesibindzi eNkhosini ngani ngekutsi tonkhe letintfo lesiniyala ngato niyatenta, futsi niyawuhlala nitenta.

kuFilemoni 1:21

Ngibhalele wena, ngobe ngiyetsemba kutsi utakwenta lengikucelako; ngiyati kutsi utakwenta nalokungetulu kwaloku lengikucelile.

KumaHebheru 10:35

Ngako-ke ningasilahli lesibindzi senu sekwetsemba Nkulunkulu, ngobe sinemvuzo lomkhulu.

KumaHebheru 12:2

emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.

1 yaPhetro 5:10

Emvakwekuhlupheka kwalesikhashana Nkulunkulu wemusa wonkhe, lowanibitela kutsi nihlanganyele naKhristu ebukhosini baphakadze, yena matfupha uyawuniphelelisa, anakhe anicinise, anitintise.

2 yaPhetro 3:10

Kepha lilanga leNkhosi liyawufika njengelisela, mhlazana emazulu ayakwendlula ngekuhlokoma; tonkhe tisekelo temkhatsi tiyakusha tincibilike, umhlaba nemisebenti lekuwo kuyawusha.